எப்படியெல்லாம் யோசிக்குறாங்க...! ஏடிஎம் கார்டை கொடுத்து செல்போன் கடைக்காரருக்கு நடந்த அதிர்ச்சி சம்பவம்... நெஞ்சை பதறவைக்கும் சிசிடிவி வீடியோ..!!!

கோவையில் செல்போன் கடைக்குள் வாடிக்கையாளர்களைப் போல வந்த இருவர், நூதன முறையில் கடைக்காரரை ஏமாற்றி விலை உயர்ந்த செல்போன்களையும் பணத்தையும் திருடிச் சென்றுள்ளனர். ஒருவர் கடைக்காரரின் கவனத்தைத் திசைதிருப்ப, மற்றொருவர் போலியான ஏடிஎம் கார்டைக் கொடுத்து அவரை வெளியே அனுப்பியுள்ளார். இந்தத் திட்டமிட்ட திருட்டு தொடர்பான சிசிடிவி காட்சிகள் வெளியாகி பரபரப்பை ஏற்படுத்தியுள்ளன.

ஏடிஎம் கார்டைக் கொடுத்து நம்பவைத்த மர்ம நபர்

கடைக்கு வந்த இருவரில் ஒருவர், கடைக்காரரிடம் பொருள் வாங்குவது போலப் பேசி அங்கேயே அமர்ந்துள்ளார். மற்றொருவர் ஏடிஎம் கார்டையும் அதன் ரகசிய எண்ணையும் கொடுத்து, பணம் எடுத்துவரும்படி கூறியுள்ளார். அதுவரை தான் கடையைப் பார்த்துக்கொள்வதாகவும் நம்பிக்கையுடன் பேசியுள்ளார்.

இதையும் படிங்க: உள்ளாட்சி தேர்தலில் திடீர் ட்விஸ்ட்...! அடுத்த 6 மாதங்களுக்கு தமிழக அரசு எடுத்த அதிரடி முடிவு...!!!

அவரது பேச்சை நம்பிய கடைக்காரர், கார்டை எடுத்துக்கொண்டு ஏடிஎம் மையத்துக்குச் சென்றுள்ளார். அவர் கடையை விட்டு வெளியேறியதைப் பயன்படுத்திக்கொண்ட மற்றொரு நபர், அங்கிருந்த விலை உயர்ந்த செல்போன்களையும் கல்லாப் பெட்டியில் இருந்த பணத்தையும் எடுத்துக்கொண்டு தப்பியோடியுள்ளார்.

டம்மி கார்டால் ஏமாந்த கடைக்காரர்

ஏடிஎம் மையத்துக்குச் சென்றபோதுதான், தன்னிடம் கொடுக்கப்பட்ட கார்டு போலியானது அல்லது செயல்படாத கார்டு என்பது கடைக்காரருக்குத் தெரியவந்ததாகக் கூறப்படுகிறது. இதையடுத்து உடனடியாகக் கடைக்குத் திரும்பிய அவர், செல்போன்களும் பணமும் திருடுபோனதைக் கண்டு அதிர்ச்சியடைந்தார்.

சிசிடிவி காட்சிகளின் அடிப்படையில் போலீசார் விசாரணை

வாடிக்கையாளர்களைப் போல நடித்து, கடைக்காரரின் நம்பிக்கையைப் பயன்படுத்தி திருடர்கள் இந்தத் திட்டத்தைச் செயல்படுத்தியுள்ளனர். இதுகுறித்து கடை உரிமையாளர் அளித்த புகாரின் பேரில், சிசிடிவி காட்சிகளை ஆய்வு செய்துவரும் போலீசார், திருட்டில் ஈடுபட்ட நபர்களைத் தேடி வருகின்றனர்.

இதையும் படிங்க: புயல் சின்னம் உருவானது..! தமிழ்நாட்டிற்கு ஆரஞ்ச் அலர்ட்... இந்த மாவட்டங்களில் வெளுத்து வாங்க போகும் கனமழை..!!!