வேகத்தை பாருங்க... CM விஜய்க்கு மலர் கூடை கொடுத்து சல்யூட் அடித்து மரியாதை செலுத்திய மோப்ப நாய்..! வியக்க வைக்கும் வீடியோ!!!
சென்னையில் நடைபெற்ற தமிழ்நாடு காவல்துறை பதக்க வழங்கும் விழாவில் மோப்ப நாய் ராக்கி முதல்வர் சி. ஜோசப் விஜயை மலர்க் கூடை வழங்கி வரவேற்ற தருணம் பார்வையாளர்களை நெகிழ்ச்சியில் ஆழ்த்தியது.
by
சென்னையில் நடைபெற்ற தமிழ்நாடு காவல்துறையின் பதக்க வழங்கும் விழாவில் அனைவரின் கவனத்தையும் ஈர்த்த நெகிழ்ச்சியான தருணம் அரங்கேறியது. பாதுகாப்புப் பணியில் ஈடுபட்டிருந்த ராக்கி என்ற மோப்ப நாய், வாயில் மலர்க் கூடை ஏந்தி முதல்வர் சி. ஜோசப் விஜய் முன் வந்து மரியாதை செலுத்தியது. அந்த காட்சி விழாவில் பங்கேற்ற அதிகாரிகள் மற்றும் பொதுமக்களிடையே பெரும் வரவேற்பைப் பெற்றது.
மலர்க் கூடை வழங்கிய ராக்கி
மேடையை அமைதியாக அடைந்த ராக்கி, முதல்வரின் முன் நின்று தலை குனிந்து மலர்க் கூடையை வழங்கியது. இதையடுத்து அந்த வரவேற்பை புன்னகையுடன் ஏற்றுக்கொண்ட முதல்வர் விஜய், உடனடியாக ராக்கிக்கு சல்யூட் அடித்து தனது மரியாதையை வெளிப்படுத்தினார். எதிர்பாராத இந்த தருணம் அரங்கம் முழுவதும் கரவொலியை ஏற்படுத்தியது.
இதையும் படிங்க: என் புள்ளையின் உடலை மிரட்டி வாங்க வச்சாங்கே..... உயிரிழந்த வாலிபரின் தாய் கண்ணீர் மல்க பேட்டி.!!!
665 காவலர்களுக்கு பதக்கங்கள்
2023 முதல் 2025 ஆம் ஆண்டுகளுக்கான இந்திய அரசு மற்றும் தமிழ்நாடு காவல்துறை பதக்கங்களை வழங்கும் நிகழ்ச்சி சென்னையில் நடைபெற்றது. இதில் மொத்தம் 665 காவல்துறை அதிகாரிகள் மற்றும் பணியாளர்கள் சிறப்பான சேவைக்காக கவுரவிக்கப்பட்டனர். அதன்பின் காவல்துறையினர் முதல்வருக்கு அணிவகுப்பு மரியாதையும் செலுத்தினர்.
சமூக வலைதளங்களில் வைரலான வீடியோ
விழாவின் ஒரு பகுதியாக நடைபெற்ற ராக்கியின் வரவேற்பு நிகழ்ச்சி பலரது மனதையும் கவர்ந்தது. விலங்குகளுக்கும் மனிதர்களுக்கும் இடையிலான பாசத்தையும், காவல்துறையில் மோப்ப நாய்கள் வகிக்கும் முக்கியப் பங்கையும் அது மீண்டும் நினைவூட்டியது. தகவலின்படி, இந்த வீடியோ சமூக வலைதளங்களில் வேகமாக பரவி வருகிறது. ராக்கியின் ஒழுக்கமும், முதல்வரின் எளிமையான பதிலும் பாராட்டுக்குரியது என பலரும் கருத்து தெரிவித்து வருகின்றனர்.
இதையும் படிங்க: உன்னுடைய போதைக்கு பொண்டாட்டி, புள்ள ஊறுகாய்யா.... 3 வயது பிஞ்சு குழந்தைக்கு நேர்ந்த கொடூரம்...! சிவகாசியில் நடந்த அதிர்ச்சி....!!!
