அங்கே பாலியல் வன்கொடுமை.... இங்கே முதல்வர் சொகுசு பைக்கில் போஸ்..? வைரல் புகைப்படத்தால் வெடித்த சர்ச்சை! இணையத்தில் கடும் விமர்சனம்!

தமிழக அரசியலில் மீண்டும் ஒரு சர்ச்சை வெடித்துள்ளது. சென்னை அடையாறு தொல்காப்பியர் பூங்காவில் நடைப்பயிற்சி மேற்கொண்ட போது, முதல்வர் மு.க. ஸ்டாலின் சொகுசு பைக்கில் அமர்ந்து புகைப்படம் எடுத்துக் கொண்டது சமூக வலைதளங்களில் பரபரப்பை ஏற்படுத்தியுள்ளது.

ஹயபுசா பைக்கில் முதல்வர் போஸ்

நேற்று காலை நடைப்பயிற்சியின் போது அங்கு நிறுத்தப்பட்டிருந்த சுஸுகி ஹயபுசா ரக அதிநவீன பைக்கில் முதல்வர் அமர்ந்து புகைப்படம் எடுத்துக் கொண்டார். சுமார் 18 லட்சம் ரூபாய் மதிப்பிலான இந்த பைக், சமூக வலைதளங்களில் உடனடியாக வைரலானது.

இந்த காட்சி, எதிர்க்கட்சித் தலைவர் எடப்பாடி பழனிசாமி இளமைக்காலத்தில் புல்லட் பைக்கில் அமர்ந்திருந்த புகைப்படத்துடன் ஒப்பிடப்பட்டு விவாதிக்கப்பட்டு வருகிறது.

இதையும் படிங்க: சென்னை பல்லாவரத்தில் பசுமாட்டிற்கு பாலியல் தொல்லை கொடுத்த ஆசாமி! வைரலாகும் அதிர்ச்சி வீடியோ.!!

எதிர்க்கட்சிகள் கடும் விமர்சனம்

தமிழகத்தில் கொலைகள், போதைப்பொருள் புழக்கம் மற்றும் சட்டம் ஒழுங்கு சிக்கல்கள் அதிகரித்து வரும் சூழலில், முதல்வர் தனது பிம்பத்தை மேம்படுத்துவதில் கவனம் செலுத்துவதாக அதிமுக மற்றும் தமிழக வெற்றி கழகம் உள்ளிட்ட கட்சிகள் குற்றம்சாட்டுகின்றன.

குறிப்பாக, முதல்வர் வசிக்கும் செனடாப் சாலைக்கு அருகிலுள்ள நந்தனம் அரசு கலைக் கல்லூரியில் உணவக ஊழியர் ஒருவர் பாலியல் வன்கொடுமைக்கு உள்ளான சம்பவம் மக்கள் மத்தியில் பெரும் அதிர்ச்சியை ஏற்படுத்தியுள்ளது.

சமூக வலைதளங்களில் கண்டனம்

“அங்கே ஒரு பெண் பாலியல் கொடுமைக்கு ஆளாகி நீதிக்காக போராடிக் கொண்டிருக்க, முதல்வர் சொகுசு பைக்கில் போஸ் கொடுக்கிறார்” என பலரும் சமூக வலைதளங்களில் கண்டனம் தெரிவித்து வருகின்றனர். மேலும், தூய்மைப் பணியாளர்கள் ஊதிய உயர்வு கோரி போராடி வரும் நேரத்தில் இத்தகைய புகைப்படங்கள் தேவையற்றவை என்றும் விமர்சனங்கள் எழுந்துள்ளன.

மக்களின் பிரச்சினைகளுக்கு தீர்வு காண வேண்டிய நேரத்தில், இவ்வாறு வெளியான வைரல் புகைப்பட சர்ச்சை தமிழக அரசியலில் புதிய விவாதத்தை உருவாக்கியுள்ளதுடன், முதல்வரின் செயல்பாடுகள் குறித்து பொதுமக்கள் மத்தியில் கேள்விகளையும் எழுப்பியுள்ளது.

இதையும் படிங்க: திமுக ஆட்சிக்கு வந்த 4 1/2 வருஷத்தில் ரூ.4 லட்சம் கோடி ஊழல்! இந்தத் துறையில் மட்டும் ரூ.64,000 கோடியா? லிஸ்ட் போட்டு திமுகவுக்கு ஷாக் கொடுத்த எடப்பாடி! அடுத்து நடக்க போகும் அதிரடி!