பார்க்கும்போதே பக்கு பக்குன்னு இருக்கு! 39 வார கர்ப்பம்.... பட்டுப் புடவையில் சவாலான யோகாசனம் செய்த கர்ப்பிணி பெண்! வைரலாகும் வீடியோ காட்சி....!!!

பெங்களூருவைச் சேர்ந்த 39 வார கர்ப்பிணி யோகா ஆசிரியையின் வீடியோ ஒன்று சமூக வலைத்தளங்களில் வேகமாக பரவி வருகிறது. பட்டுப்புடவை அணிந்தபடியே கடினமான யோகாசனங்களை அவர் செய்யும் காட்சிகள் பலரது கவனத்தையும் ஈர்த்துள்ளன. இந்த வீடியோ இதுவரை 2 கோடிக்கும் அதிகமான பார்வைகளைப் பெற்றுள்ளதுடன், கர்ப்ப கால உடற்பயிற்சி குறித்து புதிய விவாதத்தையும் கிளப்பியுள்ளது.

பட்டுப்புடவையில் கடின யோகாசனங்கள்

பெங்களூருவில் யோகா ஆசிரியையாக பணியாற்றும் சஷி பிரபா திவேதி, பிரசவத்திற்கு இன்னும் சில நாட்களே உள்ள நிலையில் இந்த வீடியோவை வெளியிட்டுள்ளார். அதில், பட்டுப்புடவை அணிந்தபடி சக்ராசனம் உள்ளிட்ட சவாலான யோகாசனங்களை எவ்வித சிரமமும் இல்லாமல் செய்து காட்டுகிறார். அவரது உடல் நெகிழ்வுத்தன்மையும் பயிற்சித் திறனும் பலரை ஆச்சரியப்பட வைத்துள்ளது.

சமூக வலைத்தளங்களில் இரு தரப்பு விவாதம்

வீடியோ வைரலானதைத் தொடர்ந்து நெட்டிசன்கள் மத்தியில் கருத்து வேறுபாடு உருவானது. ஒரு தரப்பினர், பிரசவ காலத்தின் இறுதிக்கட்டத்தில் இதுபோன்ற பயிற்சிகள் ஆபத்தை ஏற்படுத்தக்கூடும் என்றும், சமூக வலைத்தள கவனத்திற்காக இதுபோன்ற செயல்கள் தேவையற்றவை என்றும் விமர்சித்து வருகின்றனர்.

இதையும் படிங்க: ஐயோ.... எனக்கு ஒரு நிமிஷம் கூட நிம்மதி இல்லை! குழந்தை வளர்ப்பதில் உள்ள சிரமம் குறித்து குளியலறையில் உட்கார்த்து கதறி கண்ணீர் விட்டு அழும் தாயின் வீடியோ !!!

மறுபுறம், அவரது ஆதரவாளர்கள், பல ஆண்டுகளாக தொடர்ந்து பயிற்சி மேற்கொண்டவர்களுக்கு உடல் நிலை மற்றும் மருத்துவ ஆலோசனைக்கு ஏற்ப யோகா செய்வதில் தவறில்லை எனக் கருத்து தெரிவித்து வருகின்றனர். மேலும், இது ஒரு தாயின் உடல் வலிமை மற்றும் கட்டுப்பாட்டை வெளிப்படுத்துவதாகவும் அவர்கள் கூறுகின்றனர்.

விமர்சனங்களுக்கு சஷி பிரபாவின் பதில்

எழுந்துள்ள சர்ச்சைக்கு பதிலளித்துள்ள சஷி பிரபா திவேதி, இது பல ஆண்டுகால யோகா பயிற்சி மற்றும் உழைப்பின் விளைவு என்று தெரிவித்துள்ளார். யாருக்கும் எதையும் நிரூபிப்பதற்காக இந்த ஆசனங்களை செய்யவில்லை என்றும், இது தனது வாழ்வியல் முறையின் ஒரு பகுதிதான் என்றும் கூறியுள்ளார்.

அதே நேரத்தில், ஒவ்வொரு பெண்ணின் கர்ப்ப கால அனுபவமும் உடல்நிலையும் வேறுபடும் என்பதால், தனது வீடியோவைப் பார்த்து யாரும் நேரடியாக பின்பற்ற வேண்டாம் என்றும் அவர் வலியுறுத்தியுள்ளார். எந்தவொரு உடற்பயிற்சியையும் தொடங்குவதற்கு முன் மருத்துவரின் ஆலோசனையைப் பெறுவது அவசியம் என்றும் அறிவுறுத்தியுள்ளார்.