அடக்கடவுளே..! நொடியில் வெடித்துச் சிதறிய டிரான்ஸ்பார்மர்...! பதறி அடித்து ஓடிய பாதசாரி.... அமேசான் ஆபீஸ் வெளியே நடந்த அதிர்ச்சி! பகீர் வீடியோ..!!!

பெங்களூருவின் பஹலூர் கிராஸ் அருகே உள்ள அமேசான் அலுவலகத்திற்கு வெளியே புதன்கிழமை காலை திடீரென மின்மாற்றி வெடித்து சிதறியது. காலை 9.49 மணியளவில் நடந்த இந்த வெடிப்பில், அங்கு நடந்து சென்ற முகமது அஃப்ரோஸ் என்ற நபர் படுகாயமடைந்தார். அவர் மீட்கப்பட்டு மருத்துவமனையில் அனுமதிக்கப்பட்டுள்ள நிலையில், தற்போது பாதுகாப்பாக இருப்பதாக போலீசார் தெரிவித்துள்ளனர்.

அமேசான் அலுவலக நுழைவாயில் அருகே திடீர் வெடிப்பு

எலஹங்கா பழைய டவுன் காவல் நிலைய எல்லைக்குட்பட்ட அமேசான் வளாகத்தின் 3-வது நுழைவாயில் அருகே இந்த அதிர்ச்சி சம்பவம் நடந்துள்ளது. திடீரென மின்மாற்றி வெடித்ததால் அப்பகுதியில் பரபரப்பு ஏற்பட்டது. அப்போது அந்த வழியாகச் சென்ற முகமது அஃப்ரோஸ் மீது வெடிப்பின் தாக்கம் ஏற்பட்டதாக கூறப்படுகிறது.

இதையும் படிங்க: இந்த முடிவை மட்டும் எடுக்கவே எடுக்காதீங்க! வேலை கஷ்டமா இருக்கா? அதை விட கஷ்டம்... ஐடி ஊழியர்களுக்கு இளைஞர் சொன்ன ஷாக்கிங் அட்வைஸ்...!!!

டேஷ்கேமராவில் பதிவான காட்சிகள்

அங்கு இருந்த அருண் ஜி என்பவரின் காரில் பொருத்தப்பட்டிருந்த டேஷ்கேமராவில் வெடிப்பு தொடர்பான காட்சிகள் முழுமையாக பதிவாகியுள்ளன. வெடிப்பு நடந்த நேரத்தில் அப்பகுதியில் அதிகமானோர் கூடியிருந்ததாகவும், தனது காருக்குள் குழந்தைகள் இருந்ததால் உடனடியாக கீழே இறங்க முடியவில்லை என்றும் அருண் தெரிவித்துள்ளார்.

போலீசார், மின்சாரத் துறை விசாரணை

வடகிழக்கு மண்டல காவல் துணை ஆணையர் மிதுன் குமார், காயமடைந்த முகமது அஃப்ரோஸ் மீட்கப்பட்டு மருத்துவமனையில் சிகிச்சைக்காக அனுமதிக்கப்பட்டுள்ளதாகவும், அவரது நிலை பாதுகாப்பாக இருப்பதாகவும் உறுதிப்படுத்தினார். இதையடுத்து, மின்மாற்றி வெடித்ததற்கான காரணம் குறித்து போலீசாரும் மின்சாரத் துறை அதிகாரிகளும் விசாரணை மேற்கொண்டு வருகின்றனர்.

இதையும் படிங்க: மரத்தடியில் மழைக்காக ஒதுங்கிய தவெக நிர்வாகி..... நொடிப்பொழுத்தில் மின்னல் தாக்கி உயிரிழப்பு! விவசாய வேலை செய்யும் போது நேர்ந்த கொடூரம்!!!