எவ்வளவு கொடுமை! வரதட்சணை கேட்டு மனைவியை எலும்பு கூடாக மாற்றிய கணவன்! 2 வருஷமா சாப்பாடு கொடுக்கல, உடலில் சூடு வைத்து... பகீர் சம்பவம்!
ஆந்திர மாநிலம் கல்லூரில் ஏற்பட்ட மர்ம மரணம் உள்ளூர் மக்களை அதிர்ச்சியடையச் செய்தது. வரதட்சனை சித்திரவதை காரணமாக உயிரிழந்தார் லட்சுமி பிரசன்னா.
by
ஆந்திர மாநிலத்தில் நடந்த கொடூர சம்பவம் சமூகத்தில் அதிர்வலை ஏற்படுத்தியுள்ளது. வரதட்சனை சித்திரவதை காரணமாக உயிரிழந்த இளம் பெண்ணின் மரணம், பெண்களின் பாதுகாப்பு மீதான கேள்விகளை மீண்டும் எழுப்பியுள்ளது.
திருமணம் மற்றும் வரதட்சனை
கம்பம் மாவட்டம் கல்லூர் முடிச்சாவரத்தை சேர்ந்த லட்சுமி பிரசன்னா (33) என்பவருக்கு, 2015-ம் ஆண்டு நரேஷ் பாபுவுடன் திருமணம் நடைபெற்றது. திருமணத்தின் போது 2 ஏக்கர் மாந்தோப்பு, 1 ஏக்கர் விவசாய நிலம் மற்றும் ரூ.10 லட்சம் பணம் வரதட்சனையாக வழங்கப்பட்டதாக கூறப்படுகிறது. தம்பதிக்கு பின்னர் ஒரு பெண் குழந்தையும் பிறந்தது.
சித்திரவதை மற்றும் துன்பங்கள்
ஆரம்பத்தில் 6 ஆண்டுகள் மாமியார் வீட்டில் தங்கியிருந்த நரேஷ் பாபு, பின்னர் தனது சகோதரி பூ லட்சுமியின் வீட்டுக்கு மனைவி, குழந்தையுடன் குடிபெயர்ந்தார். கடந்த 2 ஆண்டுகளாக, லட்சுமி பிரசன்னாவிடம் கூடுதல் வரதட்சனை கேட்டும், உணவு மறுத்தும், சூடு வைத்து சித்திரவதை செய்தும் கொடுமைப்படுத்தியதாக தகவல் வெளியாகியுள்ளது. இதன் விளைவாக அவர் உடல் முழுவதும் மெலிந்து, எலும்புக்கூடு போல் மாறியதாக கூறப்படுகிறது.
இதையும் படிங்க: அம்மாவிடம் கடைசியாக பேசிய பெண்! அடுத்து பெண் செய்த அதிர்ச்சி செயல்! அழுது கதறிய 1 1/2 வயது குழந்தை! பகீர் சம்பவம்...
மர்மமான இறப்பு
சமீபத்தில் நரேஷ் பாபு, தனது மாமனாருக்கு அழைத்து, "உங்கள் மகள் படிக்கட்டில் இருந்து விழுந்து காயமடைந்து மருத்துவமனையில் அனுமதிக்கப்பட்டுள்ளார்" என தெரிவித்துள்ளார். ஆனால் மருத்துவமனைக்கு சென்ற பெற்றோருக்கு, டாக்டர்கள் லட்சுமி பிரசன்னா ஏற்கனவே உயிரிழந்துவிட்டதாக தெரிவித்தனர். அவரது உடலில் புதியதும் பழையதுமான சூடு வைக்கப்பட்ட தடயங்கள் இருந்ததாக கூறப்படுகிறது.
போலீஸ் விசாரணை
இதையடுத்து, வெங்கடேஸ்வர ராவ் போலீசில் புகார் அளித்தார். போலீசார் மர்ம மரணமாக வழக்கு பதிவு செய்து, தலைமறைவாக உள்ள நரேஷ் பாபு, அவரது சகோதரி பூ லட்சுமி, தாய் விஜயலட்சுமி மற்றும் மைத்துனர் சீனிவாச ராவை தேடி தீவிரமாக விசாரணை நடத்தி வருகின்றனர்.
இந்த மரணம் அந்த பகுதியில் பெரும் அதிர்ச்சியை ஏற்படுத்தி உள்ளது. பெண்கள் மீதான வன்முறைகளை தடுக்கும் வகையில் சமூகத்தில் விழிப்புணர்வு அதிகரிக்க வேண்டும் என்பதே பொதுமக்களின் கோரிக்கையாகும்.
