முகத்தில் தெரிந்த கருமை நிற திட்டுகள்..! வி.எஸ்.பாபு மரணத்தில் மருத்துவமனை ரகசியம் என்ன..? பகீர் கிளப்பும் திமுக மருத்துவர் கேள்விகள்..!!!
கொளத்தூர் தவெக எம்எல்ஏ வி.எஸ்.பாபு உயிரிழந்த நிலையில், அவரது உடல் புகைப்படம் குறித்து மருத்துவர் சஃபி எழுப்பிய சந்தேகங்கள் சமூக வலைதளங்களில் விவாதமாகியுள்ளது.
கொளத்தூர் தொகுதி தமிழக வெற்றிக் கழக சட்டமன்ற உறுப்பினர் வி.எஸ்.பாபு, 72 நாட்களாக மருத்துவமனையில் சிகிச்சை பெற்று வந்த நிலையில் நேற்று உயிரிழந்தார். முன்னாள் முதலமைச்சர் மு.க.ஸ்டாலினை எதிர்த்துப் போட்டியிட்டு வெற்றி பெற்ற அவர், கடந்த செப்டம்பர் 9-ஆம் தேதி திடீரென ஏற்பட்ட மூச்சுத்திணறல் காரணமாக சென்னை அமைந்தக்கரையில் உள்ள தனியார் மருத்துவமனையில் அனுமதிக்கப்பட்டார். அவரது மரணம் குறித்து மருத்துவமனை வெளியிட்ட தகவலைத் தொடர்ந்து, உடல் புகைப்படம் தொடர்பாக சமூக வலைதளங்களில் சில கேள்விகளும் விவாதங்களும் எழுந்துள்ளன.
72 நாட்களாக மருத்துவமனையில் சிகிச்சை
கடந்த செப்டம்பர் 9-ஆம் தேதி இரவு வி.எஸ்.பாபுவுக்கு திடீரென மூச்சுத்திணறல் ஏற்பட்டது. இதையடுத்து அவர் சென்னை அமைந்தக்கரையில் உள்ள தனியார் மருத்துவமனையில் அனுமதிக்கப்பட்டு தீவிர சிகிச்சை பெற்று வந்தார். செப்டம்பர் 23-ஆம் தேதி முதலமைச்சர் விஜய் மருத்துவமனைக்கு நேரில் சென்று அவரைச் சந்தித்து நலம் விசாரித்தார்.
இதையும் படிங்க: சற்று முன்.. கொளத்தூர் MLA வி. எஸ். பாபு காலமானார்..! மருத்துவமனைக்கு விரைந்த முதல்வர் விஜய்..! பெரும் சோகத்தில் தொண்டர்கள்..!!!
அதன்பிறகு வி.எஸ்.பாபுவின் உடல்நிலை குறித்த அதிகாரப்பூர்வ தகவல்கள் வெளியாகாததால், தகவல்களை வெளியிடக் கோரி சென்னை உயர் நீதிமன்றத்தில் வழக்கு தொடரப்பட்டது. இந்நிலையில், நேற்று பிற்பகல் 2.24 மணியளவில் மாரடைப்பு ஏற்பட்டதைத் தொடர்ந்து சிகிச்சைப் பலனின்றி அவர் உயிரிழந்ததாக மருத்துவமனை நிர்வாகம் செய்திக்குறிப்பு வெளியிட்டது.
உடல் புகைப்படம் குறித்து மருத்துவர் சஃபி எழுப்பிய கேள்விகள்
வி.எஸ்.பாபுவின் உடல் புகைப்படங்கள் சமூக வலைதளங்களில் வெளியானதைத் தொடர்ந்து, அவரது முகத்தில் காணப்பட்ட நிறமாற்றம் மற்றும் சில மாற்றங்கள் குறித்து விவாதங்கள் எழுந்தன. இதுகுறித்து திமுக செய்தித் தொடர்பாளரும் மருத்துவருமான டாக்டர் சஃபி தனது முகநூல் பதிவில் சில மருத்துவக் கருத்துகளையும் சந்தேகங்களையும் முன்வைத்துள்ளார்.
நீண்ட காலத்துக்கு முன்பு உயிரிழந்த உடல்களில் ரத்தம் உறைதல், பழைய காயங்களின் தழும்புகள், உதடுகள் வறண்டு போதல் மற்றும் முகத்தில் ஊதா அல்லது கருமை நிறத் திட்டுகள் போன்ற மாற்றங்கள் காணப்படலாம் என அவர் குறிப்பிட்டுள்ளார். மேலும், திரவங்கள் உட்செலுத்தப்பட்டதன் காரணமாக முகத்தில் வீக்கம் அல்லது சிறிய துவாரங்கள் ஏற்பட வாய்ப்புள்ளதாகவும் தனது பதிவில் தெரிவித்துள்ளார்.
மருத்துவமனை மற்றும் தவெக மீது குற்றச்சாட்டு
இந்த மருத்துவக் கருத்துகளின் அடிப்படையில், மருத்துவமனை நிர்வாகம் அல்லது தமிழக வெற்றிக் கழகம் முக்கிய தகவல்களை மறைக்கிறதா என்ற சந்தேகத்தை டாக்டர் சஃபி தனது பதிவில் எழுப்பியுள்ளார். ஆட்சிக்கு வந்து ஆறு மாதங்களே ஆன புதிய அரசியல் கட்சியால் இத்தகைய செயல்களைத் தனியாக மேற்கொள்ள முடியுமா என்றும், இதன் பின்னணியில் வேறு காரணங்கள் இருக்கலாம் என்றும் அவர் கருத்து தெரிவித்துள்ளார். வி.எஸ்.பாபுவின் மரணம் தொடர்பாக வெளியாகும் தகவல்கள் அரசியல் வட்டாரத்திலும் சமூக வலைதளங்களிலும் தொடர்ந்து விவாதத்தை ஏற்படுத்தி வருகின்றன.