×
 
☰
தமிழகம் இந்தியா சினிமா விளையாட்டு வீடியோ

இடைத்தேர்தல் நேரத்தில் சிக்கலில் சிக்கிய தவெக! ரூ.35.79 கோடி சொத்து வழக்கில் சி. விஜயபாஸ்கரிடம் ED கிடுக்கிப்பிடி விசாரணை..! நாளை மனைவி விசாரணைக்கு ஆஜர்..!!!

ரூ.35.79 கோடி வருமானத்திற்கு அதிகமாகச் சொத்து சேர்த்ததாகவும் பணப் பரிமாற்றம் செய்ததாகவும் தொடரும் வழக்கில் முன்னாள் அமைச்சர் சி. விஜயபாஸ்கர், சென்னையில் அமலாக்கத்துறை விசாரணைக்கு ஆஜரானார்.

Advertisement

வருமானத்திற்கு அதிகமாக ரூ.35.79 கோடி சொத்து சேர்த்ததாகத் தொடரும் வழக்கில், முன்னாள் அமைச்சர் சி. விஜயபாஸ்கர் சென்னையில் உள்ள அமலாக்கத்துறை அலுவலகத்தில் விசாரணைக்கு ஆஜராகியுள்ளார். சட்டவிரோத பணப் பரிமாற்றம் தொடர்பாக அவரிடம் அதிகாரிகள் விசாரணை நடத்தி வருகின்றனர். அவரது மனைவி ரம்யாவும் நாளை விசாரணைக்கு ஆஜராக வேண்டும் என அமலாக்கத்துறை அழைப்பாணை அனுப்பியுள்ளது.

ரூ.35.79 கோடி சொத்துக் குவிப்பு வழக்கு

2016 முதல் 2021 வரை அதிமுக ஆட்சியில் சுகாதாரத்துறை அமைச்சராக இருந்தபோது, வருமானத்திற்கு அதிகமாக சொத்துகள் சேர்த்ததாக சி. விஜயபாஸ்கர் மீது தமிழ்நாடு லஞ்ச ஒழிப்புத்துறை 2021-ம் ஆண்டு வழக்குப் பதிவு செய்தது. தொடர்ந்து, இந்த வழக்கில் குற்றப்பத்திரிகையும் தாக்கல் செய்யப்பட்டது.

இதையும் படிங்க: விஜயபாஸ்கர் முன்னிலையில் தவெகவில் இணைந்த அன்னவாசல் சந்திரனும், மகனும்..! திடீர் ஷாக்கில் திமுக..!!!

இதன் அடிப்படையில் பணமோசடி தடுப்புச் சட்டத்தின் கீழ் அமலாக்கத்துறை தனியாக வழக்குப் பதிவு செய்தது. ஏற்கனவே விசாரணைக்கு அழைப்பு விடுக்கப்பட்டிருந்த நிலையில், மீண்டும் அனுப்பப்பட்ட சம்மனின் பேரில் விஜயபாஸ்கர் தற்போது ஆஜராகியுள்ளார். சொத்துகள் வாங்க பயன்படுத்தப்பட்ட பணத்தின் ஆதாரம் மற்றும் வங்கிப் பரிவர்த்தனைகள் குறித்து அவரிடம் அதிகாரிகள் கேள்வி எழுப்பி வருவதாகத் தெரிகிறது.

மனைவி ரம்யாவுக்கும் விசாரணைக்கு அழைப்பு

இந்த வழக்கில் விஜயபாஸ்கரின் மனைவி ரம்யாவையும் நாளை விசாரணைக்கு ஆஜராகுமாறு அமலாக்கத்துறை உத்தரவிட்டுள்ளது. சொத்துகள் வாங்கியதற்கான நிதி ஆதாரங்கள் உள்ளிட்ட விவரங்களை அதிகாரிகள் ஆய்வு செய்து வருகின்றனர்.

தவெக பொறுப்பில் இருக்கும் நிலையில் விசாரணை

சமீபத்தில் தமிழக வெற்றிக் கழகத்தில் இணைந்த சி. விஜயபாஸ்கர், புதுக்கோட்டை மாவட்ட அமைப்புச் செயலாளராகப் பொறுப்பு வகித்து வருகிறார். இடைத்தேர்தல் நடைபெற உள்ள தனது சொந்தத் தொகுதியான விராலிமலையிலும் தேர்தல் பணிகளில் ஈடுபட்டு வருகிறார்.

இந்தச் சூழலில் அமலாக்கத்துறை விசாரணைக்கு அவர் ஆஜராகியிருப்பது அரசியல் வட்டாரத்திலும் கவனத்தைப் பெற்றுள்ளது. தேர்தல் பணிகள் தீவிரமாக நடைபெற்று வரும் நிலையில், இந்த விசாரணை அவரது அரசியல் செயல்பாடுகளில் எத்தகைய தாக்கத்தை ஏற்படுத்தும் என்ற எதிர்பார்ப்பும் எழுந்துள்ளது.

 

இதையும் படிங்க: அடுத்த ஆப்பு ஆரம்பம்.. பீதியில் தவெக..? ஆட்சியைக் காப்பாற்ற டெல்லி பறந்த விஜய்! அடுத்து திமுக ஆட்சி தான்... ஸ்டாலின் போட்ட வெடிகுண்டு..!!!

Advertisement

Follow @ Google News: செய்திகளை உடனுக்குடன் பெற கூகுள் செய்திகள் பக்கத்தில் Tamil Spark இணையதளத்தை இங்கே கிளிக் செய்து ஃபாலோ செய்யுங்கள். Click Here
#சி. விஜயபாஸ்கர் #அமலாக்கத்துறை விசாரணை #சொத்துக் குவிப்பு வழக்கு #ED Investigation #தமிழக வெற்றிக் கழகம்
 
 
 
Latest News Home Web Stories Web Stories Latest Videos Videos Share on WhatsApp Share
Next Story