மாதம் ரூ. 4000, பெற்றோருக்கு ₹15,000.. குடும்பத்துக்கு ₹25 லட்சம் இன்சூரன்ஸ்.! தவெக தேர்தல் அறிக்கையை வெளியிட்ட விஜய்! அதிர்ச்சியில் திக்குமுக்காடும் திமுக!!!

தமிழக சட்டமன்றத் தேர்தலை முன்னிட்டு தவெக தலைவர் விஜய் இன்று தனது தேர்தல் அறிக்கையை வெளியிட்டார். பொதுமக்கள் வாழ்க்கையை நேரடியாகத் தொடும் வகையில் பல புதிய வாக்குறுதிகள் இதில் இடம் பெற்றுள்ளன. கல்வி, பெண்கள், இளைஞர்கள் மற்றும் சுகாதாரம் ஆகிய துறைகளில் கவனம் செலுத்தப்பட்டிருப்பது குறிப்பிடத்தக்கது. அரசியல் வட்டாரங்களில் இதனால் புதிய விவாதம் உருவாகியுள்ளது.

கல்வி துறையில் புதிய திட்டங்கள்

மாணவர்கள் பள்ளி இடைநிற்றலைத் தடுக்க, பெற்றோருக்கு ஆண்டுதோறும் ₹15,000 வழங்கப்படும் என அறிவிக்கப்பட்டுள்ளது. இதன் மூலம் கல்வியில் தொடர்ச்சி ஏற்படும் எனக் கூறப்படுகிறது. மேலும், தமிழகம் முழுவதும் 100 ‘காமராஜர் மாதிரிப் பள்ளிகள்’ அமைக்கப்படும் திட்டமும் வெளியிடப்பட்டுள்ளது. இது அரசு பள்ளிகளின் தரத்தை உயர்த்தும் முயற்சியாக பார்க்கப்படுகிறது.

இதையும் படிங்க: மக்களுக்கு விஜய் கொடுத்த பெரிய சர்ப்ரைஸ்! மகளிர் தினமான மார்ச் 8-ல் வெளியாகும் தவெக தலைவர் விஜய்யின் மெகா அரசியல் பிளான்!!!

பெண்கள் மற்றும் குடும்பங்களுக்கு உதவித் திட்டங்கள்

பெண்களுக்கு மாதம் ₹2,500 வழங்கப்படும் திட்டம் முக்கியமாக கவனம் ஈர்த்துள்ளது. இதையடுத்து, ஆண்டுக்கு 6 இலவச சிலிண்டர்கள் மற்றும் ஒவ்வொரு குடும்பத்திற்கும் ₹25 லட்சம் மதிப்பிலான மருத்துவக் காப்பீடு வழங்கப்படும் என கூறப்பட்டுள்ளது. பொருளாதார ரீதியாகப் பின்தங்கிய குடும்பங்களை ஆதரிக்க இந்த திட்டங்கள் கொண்டு வரப்பட்டுள்ளன.

இளைஞர்களுக்கான உதவித் தொகை

வேலையில்லாத பட்டதாரிகளுக்கு மாதம் ₹4,000 வழங்கப்படும் என்ற அறிவிப்பு இளைஞர்களிடையே வரவேற்பைப் பெற்றுள்ளது. வேலைவாய்ப்பு இல்லாதவர்களுக்கு இடைக்கால ஆதரவாக இது அமையும் என தெரிவிக்கப்பட்டுள்ளது. இந்த தேர்தல் அறிக்கை வெளியானதையடுத்து, தமிழக அரசியலில் புதிய விவாதம் கிளம்பியுள்ளது.

இதையும் படிங்க: தவெக விஜய்யின் மகளிர் நல வாக்குறுதிகள்.... பெண்களுக்கு 8 கிராம் தங்கம், அனைத்து அரசு பேருந்துகளிலும் இலவச பயணம்! விஜய்யின் அதிரடி தேர்தல் வாக்குறுதிகள்!!!