BREAKING : ஜோசப் விஜய் எனும் நான்.... தமிழ்நாட்டின் 13-வது முதலமைச்சராக ஆக நேரு அரங்கில் பொறுப்பேற்றார் தவெக தலைவர் விஜய்.!!!
தமிழக வெற்றிக் கழக தலைவர் விஜய் இன்று தமிழக முதலமைச்சராக பதவியேற்றார். நேரு உள்விளையாட்டு அரங்கில் நடைபெற்ற விழாவில் 9 அமைச்சர்களும் பொறுப்பேற்றனர்.
by
தமிழக அரசியலில் புதிய அத்தியாயமாக, தமிழக வெற்றிக் கழகத்தின் தலைவர் விஜய் இன்று தமிழக முதலமைச்சராக பதவியேற்றார். சென்னை நேரு உள்விளையாட்டு அரங்கில் நடைபெற்ற பிரம்மாண்ட விழாவில், அவருடன் 9 அமைச்சர்களும் பதவிப் பிரமாணம் செய்து கொண்டனர். அரசியல் தலைவர்கள், திரையுலக பிரபலங்கள் மற்றும் ஆயிரக்கணக்கான தொண்டர்கள் முன்னிலையில் இந்த விழா நடைபெற்றது.
சமீபத்தில் நடைபெற்ற சட்டப்பேரவைத் தேர்தலில் விஜய் தலைமையிலான கட்சி 108 தொகுதிகளில் வெற்றி பெற்றிருந்தது. தனிப்பெரும்பான்மை கிடைக்காததால் ஆட்சியமைப்பில் சிக்கல் ஏற்பட்ட நிலையில், திமுக கூட்டணியில் இருந்த காங்கிரஸ், கம்யூனிஸ்ட் கட்சிகள், முஸ்லிம் லீக் மற்றும் விடுதலை சிறுத்தைகள் கட்சி ஆகியவை ஆதரவு தெரிவித்தன. இதையடுத்து பெரும்பான்மை எண்ணிக்கை 120 ஆக உயர்ந்ததால், ஆட்சியமைக்க ஆளுநர் அழைப்பு விடுத்தார்.
இதையும் படிங்க: போடு வெடிய... நாளை CM விஜய்யுடன் சேர்ந்து 9 அமைச்சர்கள் பதவியேற்பு...? ஒட்டுமொத்த தமிழகமே உற்சாகத்தில்...!!!
நேரு அரங்கில் பலத்த பாதுகாப்பு
சென்னை நேரு உள்விளையாட்டு அரங்கில் நடைபெற்ற பதவியேற்பு விழாவை முன்னிட்டு பலத்த போலீஸ் பாதுகாப்பு போடப்பட்டிருந்தது. மாநிலம் முழுவதும் இருந்து வந்திருந்த தொண்டர்கள் மற்றும் பொதுமக்களால் அரங்கு வளாகம் முழுவதும் பரபரப்பாக காணப்பட்டது.
இந்த விழாவில் எதிர்க்கட்சித் தலைவர் ராகுல் காந்தி உள்ளிட்ட பல்வேறு அரசியல் கட்சி தலைவர்களும், முன்னணி நடிகர்கள் மற்றும் திரையுலக பிரபலங்களும் பங்கேற்றனர்.
தமிழ்த்தாய் வாழ்த்துடன் தொடங்கிய விழா
விழா நிகழ்ச்சியின் தொடக்கத்தில் தமிழ்த்தாய் வாழ்த்து பாடப்பட்டது. அதன் பின்னர் ஆளுநர் ஆர்.என். அர்லேகர், விஜய்க்கு முதலமைச்சராக பதவிப் பிரமாணமும் ரகசியக் காப்புப் பிரமாணமும் செய்து வைத்தார்.
இதையடுத்து அமைச்சர்களாக தேர்வு செய்யப்பட்ட 9 பேரும் முறையே பதவியேற்றனர். அமைச்சரவைப் பட்டியல் மற்றும் துறைகள் தொடர்பான அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
மக்கள் நல அறிவிப்புகளுக்கு எதிர்பார்ப்பு
பதவியேற்ற உடனேயே சில முக்கிய கோப்புகளில் விஜய் கையெழுத்திடுவார் என அரசியல் வட்டாரங்களில் தகவல்கள் வெளியாகியுள்ளன. குறிப்பாக இளைஞர்கள், பெண்கள் மற்றும் வேலைவாய்ப்பு தொடர்பான திட்டங்கள் குறித்து ஆரம்ப கட்ட அறிவிப்புகள் வெளியாகலாம் என்று கூறப்படுகிறது.
திரைத்துறையிலிருந்து அரசியலுக்குள் வந்து குறுகிய காலத்தில் முதலமைச்சர் பதவியை அடைந்த விஜய்யின் இந்த அரசியல் பயணம், தமிழக அரசியலில் முக்கிய மாற்றமாக பார்க்கப்படுகிறது.
இதையும் படிங்க: "உங்க விஜய் நா வரேன்"..... கோலாக்கல கொண்டாட்டத்தில் தமிழகமே...!!!
