அதிர்ச்சியில் ஆளும்கட்சி! துணை சபாநாயகரை பதவி நீக்க முடிவில்... CM விஜக்கு இருக்கும் இரண்டே வழி! சட்டமன்றத்தின் அதிர்ச்சி கணக்கால் பரபரப்பு...!!!

தமிழகத்தில் தமிழக வெற்றிக் கழக ஆட்சி அமைந்து ஆறு மாதங்கள் நிறைவடைந்துள்ள நிலையில், துணை சபாநாயகர் எம். ரவிசங்கர் தொடர்பான வீடியோ சர்ச்சை அரசியல் பரபரப்பை ஏற்படுத்தியுள்ளது. அடிப்படை வசதிகள் கேட்டு வந்த கார்த்திக் குமார் என்பவரைத் தாக்கியதாக எழுந்த குற்றச்சாட்டும், தொடர்ந்து வெளியான முரண்பாடான வீடியோக்களும் விவாதத்தை அதிகரித்துள்ளன. இதனால், ரவிசங்கரை பதவியிலிருந்து நீக்க முதலமைச்சர் விஜய் ஆலோசித்து வருவதாகத் தகவல்கள் வெளியாகியுள்ளன.

பதவி நீக்க முடிவு எடுத்தால் புதிய தேர்தல் சிக்கல்

ரவிசங்கர் மீது நடவடிக்கை எடுத்து கட்சியின் நற்பெயரைக் காப்பதா அல்லது அவரைத் தொடர்ந்து பதவியில் நீடிக்கச் செய்வதா என்ற இக்கட்டான நிலை விஜய்க்கு ஏற்பட்டுள்ளதாகக் கூறப்படுகிறது. தற்போதைய 229 உறுப்பினர்களைக் கொண்ட சட்டமன்றத்தில், துணை சபாநாயகரை நீக்குவதற்கான தீர்மானம் அல்லது புதிய துணை சபாநாயகரைத் தேர்வு செய்வதற்கு 115 உறுப்பினர்களின் ஆதரவு தேவை.

இதையும் படிங்க: எம். எல். ஏக்களுக்கு அவசர மீட்டிங்..! ஆக்ரோஷத்தில் முதல்வர் விஜய்... பனையூரில் வெடிக்கப் போகும் வெடிகுண்டு! பரபரக்கும் தலைமை செயலகம்..!!,

தவெகவுக்கு 109 இடங்கள் மட்டுமே உள்ளன. கூட்டணிக் கட்சிகள் மற்றும் வெளியில் இருந்து ஆதரவு தரும் கட்சிகளின் உறுப்பினர்களையும் சேர்த்தால் ஆளும் தரப்புக்கு 123 எம்.எல்.ஏ-க்களின் ஆதரவு உள்ளது. இருப்பினும், புதிய தேர்தல் வந்தால் இந்த ஆதரவு முழுமையாகக் கிடைக்குமா என்பதே முக்கியக் கேள்வியாக உள்ளது.

கூட்டணிக் கட்சிகளின் அதிருப்தியால் வாக்குகள் குறையுமா?

ஏற்கனவே அதிருப்தியில் இருப்பதாகக் கூறப்படும் இடதுசாரிக் கட்சிகளின் 4 எம்.எல்.ஏ-க்கள் எதிராக வாக்களித்தால் ஆளும் தரப்புக்கு சிக்கல் ஏற்படலாம். அதேபோல், கூட்டணியில் உள்ள காங்கிரஸின் 5 எம்.எல்.ஏ-க்களில் சிலர் எதிராக வாக்களிக்கும் சூழல் உருவானாலும் அரசின் பலம் குறைய வாய்ப்புள்ளது.

மறுபுறம், திமுக மற்றும் அதிமுக அணிகளைச் சேர்ந்த எதிர்க்கட்சிகளிடம் மொத்தம் 106 உறுப்பினர்கள் உள்ளதாகக் கூறப்படுகிறது. கூட்டணியில் அதிருப்தியில் இருப்பவர்களின் ஆதரவு எதிர்க்கட்சிகளுக்குக் கிடைத்தால், ஆளும் தரப்பு நிறுத்தும் வேட்பாளர் தோல்வியடையும் அபாயம் உள்ளது.

துணை சபாநாயகர் தேர்தலில் ஆளும் கட்சி தோல்வியடைந்தாலும் அரசு உடனடியாகக் கவிழாது. ஆனால், சட்டமன்றத்தில் பெரும்பான்மை ஆதரவு குறித்த கேள்விகள் எழும். இதைத் தொடர்ந்து எதிர்க்கட்சிகள் நம்பிக்கையில்லாத் தீர்மானம் கொண்டு வருவதற்கான அரசியல் சூழலும் உருவாகலாம்.

விஜய்க்கு முன் இருக்கும் இரண்டு வழிகள்

இந்த விவகாரத்தில் விஜய்க்கு இரண்டு முக்கியமான வாய்ப்புகள் இருப்பதாக அரசியல் வட்டாரங்களில் பேசப்படுகிறது. முதலாவது, ரவிசங்கரை துணை சபாநாயகர் பதவியிலிருந்து நீக்கி சர்ச்சைக்கு முற்றுப்புள்ளி வைப்பது. ஆனால், அதன்பிறகு புதிய தேர்தலைச் சந்திக்க வேண்டியிருக்கும் என்பதால் கூட்டணிக் கட்சிகளின் ஆதரவை உறுதி செய்வது அவசியமாகும்.

இரண்டாவது, ரவிசங்கரை சட்டமன்றப் பதவியில் தொடரவிட்டு, கட்சிப் பொறுப்பிலிருந்து மட்டும் தற்காலிகமாக நீக்குவது. இதன் மூலம் உடனடியாக புதிய துணை சபாநாயகர் தேர்தல் மற்றும் அதனால் ஏற்படக்கூடிய வாக்கெடுப்பு சிக்கல்களைத் தவிர்க்க முடியும்.

ஒரு வீடியோ சர்ச்சையாகத் தொடங்கிய விவகாரம், தற்போது தவெக அரசின் சட்டமன்ற பலத்தையே கேள்விக்குள்ளாக்கும் நிலையை எட்டியுள்ளது. இதில் விஜய் எடுக்கப்போகும் முடிவு, கட்சியின் அரசியல் அணுகுமுறையையும் கூட்டணிக் கட்சிகளுடனான உறவையும் தீர்மானிக்கும் முக்கிய நகர்வாக இருக்கும்.

இதையும் படிங்க: 6 மாதத்தில் ரூ.5,000 கோடி டெண்டர்கள் ரத்து..! அதிரடி காட்டும் தவெக அரசு.. தமிழக அரசியலில் பெரும் அதிர்ச்சி..!!!