எல்லா பக்கமும் சுத்தி வளைக்கும் விஜய்! ஸ்டாலினுக்கு ஒரே கூட்டத்தில் வைத்த செக்..... அதிர்ச்சியில் அறிவாலயம்..!!!

தொகுதி மறுவரையறை விவகாரத்தை மையமாகக் கொண்டு தமிழக வெற்றிக் கழகத் தலைவர் விஜய் கூட்டியுள்ள அனைத்துக் கட்சி தமிழக எம்.பி.க்கள் கூட்டம், தமிழக அரசியலில் புதிய விவாதத்தை உருவாக்கியுள்ளது. மாநில உரிமைகள் தொடர்பான விவகாரத்தில் திமுகவின் நிலைப்பாட்டை நேரடியாக கேள்விக்குள்ளாக்கும் அரசியல் நகர்வாகவே இது பார்க்கப்படுகிறது.

திமுக நிலைப்பாட்டை குறிவைக்கும் விஜய்

மத்திய அரசு கொண்டு வரத் திட்டமிட்டுள்ள தொகுதி மறுவரையறை மசோதாவில், அனைத்து மாநிலங்களுக்கும் தொகுதிகளின் எண்ணிக்கையை 50 சதவீதம் உயர்த்தும் முன்மொழிவு வந்தால் அதற்கு ஆதரவு அளிக்கலாம் என்ற மனநிலையில் திமுக இருப்பதாக அரசியல் வட்டாரங்களில் தகவல்கள் வெளியாகியுள்ளன. இதையடுத்து, அத்தகைய ஆதரவை வழங்கக் கூடாது என்பதையே வலியுறுத்தும் நோக்கில் விஜய் இந்தக் கூட்டத்தை ஏற்பாடு செய்துள்ளதாக கூறப்படுகிறது.

இதையும் படிங்க: BREAKING: 29 பேர்க்கு அதிரடி பணி நியமனம்! புதிய பொறுப்புகளில் மூத்த தலைவர்கள்..... முதல்வர் விஜய் தூக்கிக்கொடுத்த முக்கிய பொறுப்பு!!!

மாநில உரிமை விவாதம் தீவிரம்

தகவலின்படி, மாநில உரிமைகள் தொடர்பான முக்கிய பிரச்சினையில் திமுக நெகிழ்வான அணுகுமுறையை கடைப்பிடிக்கிறது என்ற கருத்தை மக்களிடம் எடுத்துச் செல்லவும், அந்த விவகாரத்தில் விஜய் தலைமையிலான தமிழக வெற்றிக் கழகம் வலுவான எதிர்க்குரலாக தங்களை முன்னிறுத்தவும் இந்த முயற்சி மேற்கொள்ளப்பட்டுள்ளதாக அரசியல் பார்வையாளர்கள் மதிப்பிடுகின்றனர்.

கூட்டத்தை புறக்கணிக்கும் திமுக?

மறுபுறம், புதிய அரசியல் கட்சியின் அழைப்பை ஏற்று இந்தக் கூட்டத்தில் பங்கேற்பது தங்களின் அரசியல் நிலைப்பாட்டை பலவீனப்படுத்தும் என்ற எண்ணத்தில், கூட்டத்தை முழுமையாக புறக்கணிக்க திமுக தலைமை முடிவு செய்துள்ளதாக தகவல்கள் தெரிவிக்கின்றன. இதனால் தொகுதி மறுவரையறை தொடர்பான அரசியல் விவாதம் தமிழகத்தில் மேலும் சூடுபிடித்துள்ளதுடன், வரும் நாட்களில் இந்த விவகாரம் முக்கிய அரசியல் பேசுபொருளாக மாறும் என்ற எதிர்பார்ப்பும் உருவாகியுள்ளது.

இதையும் படிங்க: யாரு சாமி இவரு...! இவ்வளவு பிரச்சனைக்கு இடையிலும் எப்படி விஜய் படம் பார்க்க முடியுது....! தியேட்டரில் 'ஜன நாயகன்' படத்தை ரசித்த செந்தில் பாலாஜி...!!!