இனி எங்க ஆட்டத்தை பார்ப்பீங்க..! முதல்வர் விஜய்கு நல்லா பாடம் புகட்டுவோம்... 16 நாளில் ஆட்டம் க்ளோஸ்! மேடையில் ஆவேசமடைந்த உதயநிதி ஸ்டாலின்...!!!

மதுராந்தகம் சட்டமன்றத் தொகுதி இடைத்தேர்தல் களம் சூடுபிடித்துள்ள நிலையில், திமுக நிர்வாகிகள் ஆலோசனைக் கூட்டம் நடைபெற்றது. இதில் எதிர்க்கட்சித் தலைவர் உதயநிதி ஸ்டாலின் பங்கேற்று பேசினார். ஆளுங்கட்சி மற்றும் முதலமைச்சர் விஜய்யை அவர் கடுமையாக விமர்சித்தார். அக்டோபர் 6-ம் தேதி நடைபெறும் தேர்தலில் திமுக வேட்பாளர் பரந்தாமனுக்கு மக்கள் ஆதரவு அளிக்க வேண்டும் என்றும் கேட்டுக்கொண்டார்.

மரகதம் குமாரவேல் ராஜினாமாவால் வந்த இடைத்தேர்தல்

மதுராந்தகம் தொகுதியில் அதிமுக சார்பில் வெற்றி பெற்ற மரகதம் குமாரவேல், தனது எம்எல்ஏ பதவியை ராஜினாமா செய்துவிட்டு தமிழக வெற்றிக் கழகத்தில் இணைந்தார். இதையடுத்து தொகுதி காலியானதால் இடைத்தேர்தல் அறிவிக்கப்பட்டது. வரும் அக்டோபர் 6-ம் தேதி வாக்குப்பதிவும், அக்டோபர் 9-ம் தேதி வாக்கு எண்ணிக்கையும் நடைபெற உள்ளது. திமுக சார்பில் இ.பரந்தாமன் போட்டியிடுகிறார்; தவெக சார்பில் மரகதம் குமாரவேல் மீண்டும் களமிறங்கியுள்ளார்.

இதையும் படிங்க: இது பயமா? இல்ல பதற்றமா? இரண்டு தொகுதிக்கே 11 அமைச்சர்கள்...! விஜய் அரசை அசால்ட்டாக எதிர்க்கும் எதிர்க்கட்சிகள்! உளவுத்துறை கொடுத்த ரகசிய ரிப்போர்ட்...!!!

இந்த இடைத்தேர்தல் தேவையின்றி மதுராந்தகம் மக்களிடம் திணிக்கப்பட்டுள்ளதாக உதயநிதி ஸ்டாலின் குற்றம்சாட்டினார். மக்கள் பிரதிநிதிகள் கட்சி மாறியதன் விளைவாகவே மீண்டும் தேர்தலை சந்திக்கும் நிலை ஏற்பட்டுள்ளதாகவும் அவர் கூறினார்.

சட்டம்-ஒழுங்கு, மின்தடை, விலைவாசி குறித்து விமர்சனம்

ஆளுங்கட்சியின் செயல்பாடுகளை விமர்சித்த உதயநிதி, சட்டம்-ஒழுங்கு பிரச்சனை, தொடர் மின்தடை, விலைவாசி உயர்வு உள்ளிட்ட விவகாரங்களால் மக்கள் பாதிக்கப்பட்டுள்ளதாகக் கூறினார். இதுபோன்ற பிரச்சனைகளுக்கு எதிராக மதுராந்தகம் இடைத்தேர்தலில் மக்கள் தங்கள் ஆதரவை வெளிப்படுத்த வேண்டும் என அவர் வலியுறுத்தினார்.

முதலமைச்சர் விஜய்யை ‘டம்மி முதலமைச்சர்’ என விமர்சித்த அவர், தேர்தலில் மக்கள் ஆதரவுடன் ஆளுங்கட்சிக்கு பாடம் புகட்டுவோம் என்று பேசினார். அதே நேரத்தில், திமுக வேட்பாளர் பரந்தாமன் பெருவாரியான வாக்குகள் வித்தியாசத்தில் வெற்றி பெறுவார் என்றும் நம்பிக்கை தெரிவித்தார்.

16 நாட்களில் களப்பணியை தீவிரப்படுத்த அறிவுரை

திமுகவின் அரசியல் வரலாற்றில் பல்வேறு சவால்களை எதிர்கொண்டு கட்சி முன்னேறியுள்ளதாக குறிப்பிட்ட உதயநிதி, தற்போதைய பின்னடைவு தற்காலிகமானது என நிர்வாகிகளிடம் தெரிவித்தார். மு.க.ஸ்டாலின் தலைமையில் திமுக தொடர்ந்து தேர்தல் வெற்றிகளைப் பெற்றுள்ளதாகவும் அவர் சுட்டிக்காட்டினார்.

தேர்தலுக்கு எஞ்சியுள்ள நாட்களில் வீடு வீடாகச் சென்று மக்களை சந்திப்பதுடன், சமூக ஊடகப் பிரச்சாரத்தையும் தீவிரப்படுத்த வேண்டும் என கட்சி நிர்வாகிகளுக்கும் இளைஞரணியினருக்கும் அறிவுறுத்தினார். திமுக தலைவர் மு.க.ஸ்டாலின் விரைவில் மதுராந்தகத்தில் பிரச்சாரம் மேற்கொள்ள உள்ளதாகவும் தெரிவித்தார்.

தொகுதி வளர்ச்சிக்கு திமுக வேட்பாளர் பரந்தாமனுக்கு வாக்களிக்க வேண்டும் என்று கேட்டுக்கொண்ட உதயநிதி, தேர்தல் முடிவு தமிழக அரசியலில் மாற்றத்திற்கான தொடக்கமாக அமையும் என தனது உரையில் குறிப்பிட்டார். இதனால் மதுராந்தகம் இடைத்தேர்தல் பிரச்சாரம் அடுத்த கட்டத்தை எட்டியுள்ளது.

இதையும் படிங்க: மதுராந்தகம், தாராபுரத்தில் இப்படி ஒரு பிரச்சனையா? முதல்வர் விஜய் என்ன செய்ய போகிறார்... பரபரக்கும் அரசியல் களம்...!!!