9 நிமிட வீடியோக்கு தவெக கொடுத்த தரமான பதிலடி! தமிழக அரசியலில் வெடித்த அடுத்த பூகம்பம்..!!!
தமிழகத்தில் சட்டம் ஒழுங்கு குறித்து மு.க.ஸ்டாலின் முன்வைத்த விமர்சனங்களுக்கு தமிழக வெற்றிக் கழகம் பதிலடி கொடுத்துள்ளது. திமுக ஆட்சிக் கால சம்பவங்களையும் சுட்டிக்காட்டி விஜய் தலைமையிலான ஆட்சியை தவெக ஆதரித்துள்ளது.
by
தமிழகத்தில் சட்டம் ஒழுங்கு நிலை குறித்து திமுக தலைவர் மு.க.ஸ்டாலின் முன்வைத்த விமர்சனங்களுக்கு தமிழக வெற்றிக் கழகம் பதிலடி கொடுத்துள்ளது. தவெக அரசால் மாநிலத்தைப் பாதுகாக்க முடியாது என்றும், அந்தக் கட்சியிடமிருந்தே தமிழகத்தைக் காப்பாற்ற வேண்டும் என்றும் ஸ்டாலின் வெளியிட்ட வீடியோவில் கடுமையாகச் சாடியிருந்தார். இதற்கு தவெக தனது அதிகாரப்பூர்வ சமூக வலைதளப் பக்கம் மூலம் விரிவான விளக்கம் அளித்துள்ளது.
காவல்துறைக்கு முழு சுதந்திரம்: தவெக விளக்கம்
தவெக ஆட்சியில் காவல்துறை முழு சுதந்திரத்துடன் செயல்பட்டு வருவதாக அக்கட்சி தெரிவித்துள்ளது. குற்றச்சம்பவங்கள் நடந்தால் உடனடியாக நடவடிக்கை எடுக்கப்படுவதுடன், அவை மீண்டும் நடைபெறாமல் தடுக்க முதலமைச்சர் விஜய் தொடர்ந்து ஆய்வுக் கூட்டங்களை நடத்தி அதிகாரிகளுக்கு வழிகாட்டுதல்களை வழங்கி வருவதாகவும் கூறியுள்ளது.
இதையும் படிங்க: தவெக-வுக்கு செக் வைத்த அதிமுக! விஜய் பாணியை கையில் எடுத்து காய் நகர்த்தும் எடப்பாடி..!!!
திமுக ஆட்சிக் கால சம்பவங்களைச் சுட்டிக்காட்டி விமர்சனம்
திமுக ஆட்சியில் சட்டம் ஒழுங்கு நிலை மோசமாக இருந்ததாகக் குற்றம்சாட்டியுள்ள தவெக, அப்போது முதலமைச்சராக இருந்தவர் விளம்பரப் படப்பிடிப்புகளிலும், சமூக வலைதளப் பிரபலங்களுடன் ரீல்ஸ் பதிவிடுவதிலும் கவனம் செலுத்தியதாக விமர்சித்துள்ளது. அரக்கோணம் மாணவி விவகாரம், அண்ணா பல்கலைக்கழக மாணவி வழக்கு, அண்ணா நகர் சிறுமி வழக்கு உள்ளிட்ட சம்பவங்களையும் தனது அறிக்கையில் குறிப்பிட்டுள்ளது.
மேலும், அந்த வழக்குகளில் பாதிக்கப்பட்டவர்களின் விவரங்களை வெளியிட்டு அச்சுறுத்தும் போக்கு நிலவியதாகவும் திமுக மீது தவெக குற்றம்சாட்டியுள்ளது. இவை அனைத்தும் அக்கட்சியின் அரசியல் விமர்சனங்களாக முன்வைக்கப்பட்டுள்ளன.
ஜெம் வீரமணி வழக்கில் விசாரணை தீவிரம்
குற்றம் செய்தவர்கள் எந்தக் கட்சியைச் சேர்ந்தவர்களாக இருந்தாலும், தவெக ஆட்சியில் பாரபட்சமின்றி நடவடிக்கை எடுக்கப்படுவதாக அக்கட்சி தெரிவித்துள்ளது. திமுக ஆட்சிக் காலத்தில் முறையாக விசாரிக்கப்படவில்லை எனக் கூறப்படும் ஜெம் வீரமணி வழக்கு தற்போது தீவிரமாக விசாரிக்கப்பட்டு வருவதாகவும் குறிப்பிட்டுள்ளது.
மக்கள் நலனில் அக்கறை கொண்ட பொறுப்பான முதலமைச்சராக விஜய் செயல்பட்டு வருவதாகவும் தவெக தனது அறிக்கையில் தெரிவித்துள்ளது. சட்டம் ஒழுங்கு விவகாரத்தில் திமுகவும் தவெகவும் மாறி மாறி விமர்சனங்களை முன்வைத்து வருவது தமிழக அரசியல் களத்தில் விவாதத்தை ஏற்படுத்தியுள்ளது.
இதையும் படிங்க: பாஜக- வில் எனக்குத்தான் பதவியே இல்லையே..! முதல்வர் விஜய் செயல்பாடு குறித்து சரத்குமார் அளித்த பேட்டியால்... அரசியல் களத்தில் பரபரப்பு..!!!
