எங்களுக்கு தெளிவான விளக்கம் வேணும்..! ரூ. 4 கோடியில் தொடங்கி ரூ. 10 கோடியில் முடிவு...! தவெக பெண் அமைச்சரால்... அரசியலில் பரபரப்பு..!!!
விஜய் தலைமையிலான தவெக ஆட்சியில் இளம் பெண் அமைச்சர் ஒருவர் ரூ.10 கோடி மதிப்பிலான சொகுசு பங்களா வாங்கியதாகப் புகார் எழுந்துள்ளது. இதுகுறித்து விசாரணை நடத்த எதிர்க்கட்சிகள் கோரிக்கை விடுத்துள்ளன.
by
விஜய் தலைமையிலான தமிழக வெற்றிக் கழக அரசு ஆட்சிப் பொறுப்பேற்றுள்ள நிலையில், இளம் பெண் அமைச்சர் ஒருவர் ரூ.10 கோடி மதிப்பிலான சொகுசு பங்களா வாங்கியதாக வெளியாகியுள்ள தகவல் அரசியல் வட்டாரத்தில் சர்ச்சையை ஏற்படுத்தியுள்ளது. அமைச்சரின் சொத்து விவகாரம் குறித்து எதிர்க்கட்சிகள் கேள்வி எழுப்பியுள்ளன. அரசு ஒப்பந்தங்களில் முறைகேடு நடந்ததா என்பது குறித்தும் விசாரணை நடத்த வேண்டும் என வலியுறுத்தி வருகின்றன. ஆனால், இந்தக் குற்றச்சாட்டுகளை அமைச்சர் தரப்பு மறுத்துள்ளது.
ரூ.4 கோடி வீடு என தொடங்கி ரூ.10 கோடியாக பரவிய தகவல்
சமூக வலைத்தளங்களில் முதலில் ரூ.4 கோடி மதிப்பிலான வீடு வாங்கியதாகப் பரவிய தகவல், பின்னர் ரூ.10 கோடி மதிப்பிலான சொகுசு பங்களா எனப் பேசப்பட்டு வருகிறது. ஆட்சிக்கு வந்த குறுகிய காலத்திலேயே இவ்வளவு மதிப்புள்ள சொத்தை வாங்கியது எப்படி என்று எதிர்க்கட்சிகள் கேள்வி எழுப்பியுள்ளன.
இதையும் படிங்க: திமுகவுக்கு திக் திக் நிமிடம் இல்ல.. இப்போ தமிழ்நாட்டுக்கு தான் அந்த நிலைமை! தவெக அரசை வெளுத்தெடுத்த கனிமொழி..!!!
மேலும், அரசு ஒப்பந்தங்களில் கமிஷன் பெறப்பட்டு அதன்மூலம் சொத்து வாங்கப்பட்டதாகவும் சில எதிர்க்கட்சித் தலைவர்கள் குற்றம்சாட்டி வருகின்றனர். அமைச்சரின் தந்தை மீதானதாகக் கூறப்படும் லஞ்சப் புகார்கள், கோயில் நிகழ்வின்போது பயன்படுத்தப்பட்ட ஆடம்பரப் பொருட்கள் தொடர்பான விவாதங்களையும் அவர்கள் சுட்டிக்காட்டுகின்றனர். எனினும், இந்தக் குற்றச்சாட்டுகள் எதுவும் இதுவரை உறுதிப்படுத்தப்பட்ட தகவல்களாக வெளியாகவில்லை.
லஞ்ச ஒழிப்புத்துறை விசாரணைக்கு எதிர்க்கட்சிகள் கோரிக்கை
தங்கள் மீதான குற்றச்சாட்டுகளை அமைச்சர் தரப்பு திட்டவட்டமாக மறுத்துள்ளதாகத் தெரிவிக்கப்படுகிறது. இருப்பினும், இதை வெறும் அரசியல் குற்றச்சாட்டாகக் கடந்து செல்ல முடியாது எனக் கூறும் எதிர்க்கட்சிகள், புதிய அமைச்சர்களின் சொத்து விவரங்கள் குறித்து லஞ்ச ஒழிப்புத்துறை மூலம் முறையான விசாரணை நடத்த வேண்டும் என்று வலியுறுத்தி வருகின்றன.
குறிப்பாக, அமைச்சர்களின் வருமானம், சொத்து வாங்கியதற்கான நிதி ஆதாரம், அரசு ஒப்பந்தங்கள் தொடர்பான புகார்கள் ஆகியவை வெளிப்படையாக ஆய்வு செய்யப்பட வேண்டும் என்பதே அவர்களின் கோரிக்கையாக உள்ளது.
தவெக அரசுக்கு எழுந்துள்ள அரசியல் சவால்
நேர்மையான நிர்வாகம் என்ற முழக்கத்துடன் ஆட்சிப் பொறுப்பேற்ற தவெக அரசுக்கு, அமைச்சர்கள் மீதான சொத்துக் குவிப்பு மற்றும் ஊழல் புகார்கள் அரசியல் ரீதியாகச் சவாலாக மாறியுள்ளன. குற்றச்சாட்டுகளின் உண்மைத் தன்மை இன்னும் உறுதி செய்யப்படாத நிலையில், அவற்றுக்கு அரசு எவ்வாறு பதிலளிக்கப் போகிறது என்ற எதிர்பார்ப்பு எழுந்துள்ளது.
தவெக தலைமை இந்த விவகாரத்தில் தெளிவான விளக்கத்தை அளித்து, தேவையான விசாரணைக்கு வழிவகுக்க வேண்டும் என அரசியல் நோக்கர்கள் கருத்து தெரிவித்து வருகின்றனர். விசாரணை நடத்தப்பட்டால் மட்டுமே எழுந்துள்ள சந்தேகங்களுக்கும் குற்றச்சாட்டுகளுக்கும் உரிய விளக்கம் கிடைக்கும் என்ற கோரிக்கையும் வலுத்து வருகிறது.
இதையும் படிங்க: 50 நாட்கள் ஆகிட்டு... மருத்துவமனையில் கொளத்தூர் எம்.எல்.ஏ வி.எஸ்.பாபு எப்படி உள்ளார்? உடல்நிலை குறித்து வெளியான முக்கிய தகவல்..!!!
