தவெகவில் மேலும் 5 மாவட்ட செயலாளர்கள்! இப்போ மொத்தம் 136 மா. செ. க்கள்... CM விஜய் போட்ட மெகா பிளான்!!!
தமிழக வெற்றிக் கழகத்தின் நிர்வாகத்தை வலுப்படுத்தும் வகையில் 5 புதிய மாவட்டங்களை உருவாக்கிய தலைவர் விஜய், புதிய மாவட்டச் செயலாளர்களையும் அறிவித்துள்ளார். இதன் மூலம் மாவட்டச் செயலாளர்களின் எண்ணிக்கை 136 ஆக உயர்ந்துள்ளது.
by
தமிழக வெற்றிக் கழகத்தின் நிர்வாக அமைப்பை மேலும் வலுப்படுத்தும் நோக்கில், தமிழக வெற்றிக் கழகம் சார்பில் 5 புதிய மாவட்டங்கள் உருவாக்கப்பட்டுள்ளன. இதற்கான அறிவிப்பை கட்சித் தலைவர் விஜய் வெளியிட்டுள்ள நிலையில், புதிய மாவட்டச் செயலாளர்களின் பெயர்களும் அறிவிக்கப்பட்டுள்ளன.
5 புதிய மாவட்டங்களுக்கு செயலாளர்கள் நியமனம்
புதிய நிர்வாகப் பிரிவுகளின் அடிப்படையில், காஞ்சி தெற்கு மாவட்டச் செயலாளராக முனிரத்தினம் எம்.எல்.ஏ., திருவண்ணாமலை வடமேற்கு மாவட்டச் செயலாளராக அபிஷேக் எம்.எல்.ஏ., நெல்லை வடக்கு மாவட்டச் செயலாளராக முருகன் எம்.எல்.ஏ., நெல்லை தென்கிழக்கு மாவட்டச் செயலாளராக ரெட்டியார்பட்டி நாராயணன் எம்.எல்.ஏ. மற்றும் நெல்லை மத்தி மாவட்டச் செயலாளராக மரிய ஜாண் ஆகியோர் நியமிக்கப்பட்டுள்ளனர்.
இதையும் படிங்க: சற்று முன்.... விஜயின் அதிரடி மாற்றம்! தவெக கட்சி மாவட்டங்கள் அதிகரிப்பு.... புதிய நிர்வாகிகளை அறிவித்த விஜய்! தேர்தல் களம் தீவிரம் !!!
நிர்வாகத்தை பலப்படுத்தும் நடவடிக்கை
கட்சியின் அடிமட்ட அமைப்பை மேலும் வலுப்படுத்தவும், மாவட்ட அளவிலான பணிகளை விரைவுபடுத்தவும் இந்த புதிய நிர்வாக மாற்றம் மேற்கொள்ளப்பட்டுள்ளதாக தெரிவிக்கப்பட்டுள்ளது. வரவிருக்கும் தேர்தல்களை முன்னிட்டு அமைப்பு ரீதியான பணிகளை தீவிரப்படுத்தும் நடவடிக்கையாகவும் இது பார்க்கப்படுகிறது.
136 ஆக உயர்ந்த மாவட்டச் செயலாளர்கள்
இந்த புதிய மாற்றங்களுக்குப் பிறகு, விஜய் தலைமையிலான தமிழக வெற்றிக் கழகத்தின் மாவட்டச் செயலாளர்களின் மொத்த எண்ணிக்கை தற்போது 136 ஆக உயர்ந்துள்ளது. புதிய பொறுப்பாளர்கள் விரைவில் தங்களது மாவட்டங்களில் கட்சிப் பணிகளை முழுவீச்சில் தொடங்குவார்கள் என்று எதிர்பார்க்கப்படுகிறது.
இதையும் படிங்க: திடீர் ட்விஸ்ட்.... தவெகவில் இணைந்த முக்கிய புள்ளிகள்! இன்ப அதிர்ச்சியில் முதல்வர் விஜய்..!!!
