கஜானா காலி... ஆனால் கார் மட்டும் எப்படி? ரூ.1500 கோடி ஒதுக்கிட்டு இப்ப ரூ.4000 கோடியா? அடுக்கடுக்கான கேள்வி கேட்டு கொந்தளித்த திமுக எழிலன்..!!!

தமிழக சட்டமன்ற உறுப்பினர்களுக்கு அரசு சார்பில் கார் மற்றும் மாதாந்திரப் படிகள் வழங்கப்படும் என்ற அறிவிப்பு அரசியல் வட்டாரத்தில் விவாதத்தை ஏற்படுத்தியுள்ளது. முதல்வரின் இந்த அறிவிப்புக்கு தவெக மற்றும் கூட்டணி கட்சிகள் வரவேற்பு தெரிவித்துள்ளன. அதேநேரம், ஏற்கனவே கார் உள்ளிட்ட வசதிகளை வைத்திருக்கும் எம்.எல்.ஏக்களுக்கும் அரசு சார்பில் கார் வழங்க வேண்டுமா என்ற கேள்வியும் எழுந்துள்ளது.

கார் வைத்திருப்பவர்களுக்கு மீண்டும் கார் தேவையா?

இந்த விவகாரம் குறித்து அண்ணா அறிவாலயத்தில் செய்தியாளர்களிடம் பேசிய திமுக மருத்துவரணிச் செயலாளர் எழிலன், அரசின் முடிவுக்கு எதிர்ப்பு தெரிவித்தார். கஜானா காலியாக இருப்பதாக கூறிவிட்டு, தற்போது அனைத்து சட்டமன்ற உறுப்பினர்களுக்கும் கார் வழங்கும் அறிவிப்பு வெளியிடப்படுவது எப்படி நியாயமாகும் என்று அவர் கேள்வி எழுப்பினார்.

இதையும் படிங்க: அப்படியே ஓப்பனாக சொல்லிட்டாரு... பாட்டு பாடி அசத்திய தவெக பெண் எம்எல்ஏ.... ரசித்து கேட்ட CM விஜய்! வைரல் வீடியோ..!!!

மேலும், தேர்தல் வேட்புமனுவில் தாக்கல் செய்யப்பட்ட சொத்து விவரங்களை அடிப்படையாகக் கொண்டு இந்தத் திட்டத்தை செயல்படுத்தலாம் என்றும் எழிலன் யோசனை தெரிவித்தார். ஏற்கனவே கார் வைத்திருக்கும் எம்.எல்.ஏக்களை திட்டத்தில் இருந்து விலக்கி, கார் வசதி இல்லாத உறுப்பினர்களுக்கு மட்டும் அரசு சார்பில் வாகனம் வழங்குவது பொருத்தமாக இருக்கும் என அவர் கூறினார்.

காப்பீட்டு தொகை உயர்வு குறித்தும் கேள்வி

இதனிடையே, சட்டமன்ற உறுப்பினர்களுக்கான காப்பீட்டு தொகை உயர்த்தப்பட்டிருப்பது குறித்தும் எழிலன் கேள்வி எழுப்பினார். பட்ஜெட்டில் காப்பீட்டுக்காக ரூ.1,400 கோடி மட்டுமே ஒதுக்கப்பட்டுள்ளதாகக் கூறிய அவர், தற்போது காப்பீட்டு தொகை ரூ.5 லட்சத்தில் இருந்து ரூ.25 லட்சமாக உயர்த்தப்பட்டுள்ள நிலையில், காப்பீட்டு நிறுவனங்களுக்கு வழங்க வேண்டிய தொகை ரூ.4,000 கோடியாகுமா என்றும் கேள்வி எழுப்பினார்.

அரசின் நிதிநிலை, ஏற்கனவே உள்ள வசதிகள் உள்ளிட்டவற்றை கருத்தில் கொண்டு புதிய திட்டங்கள் செயல்படுத்தப்பட வேண்டும் என்பதே எதிர்ப்பாளர்களின் வாதமாக உள்ளது. எம்.எல்.ஏக்களுக்கு கார் வழங்கும் திட்டம் தொடர்பாக பல்வேறு தரப்பிலிருந்தும் கருத்துகள் வெளியாகி வரும் நிலையில், இது தொடர்பான விவாதம் தமிழக அரசியலில் தொடர்ந்து நீடித்து வருகிறது.

அரசின் முடிவுக்கு எதிர்ப்பு அதிகரிக்குமா?

ஒருபுறம் அறிவிப்புக்கு வரவேற்பு தெரிவிக்கப்படும் நிலையில், மறுபுறம் அதன் நிதிச்சுமை மற்றும் திட்டத்தின் பயனாளிகள் குறித்து கேள்விகள் முன்வைக்கப்படுகின்றன. இதனால் எம்.எல்.ஏ கார் திட்டம் தொடர்பான அரசின் அடுத்தகட்ட நடவடிக்கை அரசியல் வட்டாரத்தில் கவனம் பெற்றுள்ளது.

இதையும் படிங்க: சற்று முன்.... பாஜகவிலிருந்து விலகி தவெகவில் ஐக்கியம்..! பரவிய வதந்திக்கு முற்றுப்புள்ளி வைத்த சரத்குமார்! வெளியிட்ட பரபரப்பு பதிவு...!!!