ரூ.40 கோடியில் எம்.எல்.ஏ-க்களுக்கு சொகுசு கார்கள், மாதாந்திர படிகள்! இரவோடு இரவாக தமிழக அரசு வெளியிட்ட அரசாணை..!!!

தமிழக சட்டமன்ற உறுப்பினர்களுக்குக் கார் வாங்குவதற்கும், வாகனப் பராமரிப்பு மற்றும் உதவியாளர் செலவுகளுக்கும் கூடுதல் சலுகைகள் வழங்கும் திட்டத்துக்கு அரசாணை வெளியிடப்பட்டுள்ளது. அமைச்சர்கள் மற்றும் முக்கியப் பதவிகளில் உள்ளவர்களுக்கு ரூ.26 லட்சம் வரையிலும், மற்ற எம்.எல்.ஏ.க்களுக்கு ரூ.15 லட்சம் வரையிலும் கார் வாங்க உச்சவரம்பு நிர்ணயிக்கப்பட்டுள்ளது. இதற்காக மட்டும் அரசுக்கு சுமார் ரூ.40 கோடி செலவாகும் எனக் கணக்கிடப்பட்டுள்ளது.

எம்.எல்.ஏ.க்களுக்கு கார், மாதாந்திரப் படிகள்

சட்டப்பேரவையில் 110 விதியின் கீழ் முதல்வர் விஜய் வெளியிட்ட அறிவிப்பின்படி, அனைத்து எம்.எல்.ஏ.க்களுக்கும் கார் வாங்கும் வசதி ஏற்படுத்தப்படும். ஓட்டுநர் சம்பளம், எரிபொருள் மற்றும் வாகனப் பராமரிப்புச் செலவுகளுக்காக மாதம் ரூ.75,000 வாகனப் படியாகவும், உதவியாளர் செலவுகளுக்காக மாதம் ரூ.25,000 படியாகவும் வழங்கப்படும் என அறிவிக்கப்பட்டது.

இதையும் படிங்க: இவ்வளவு பிரச்சனைக்கும் இதுதான் காரணமா? ஜோதிடர் சொன்ன சீக்ரெட் உண்மை..! . பட்டினப்பாக்கம் பின்னணியில் இப்படி ஒரு திட்டமா... முதல்வர் விஜய் போடும் அரசியல் கணக்கு..!!!

இந்த அறிவிப்பு வெளியானதும், மக்கள் மத்தியில் எதிர்ப்பு எழுந்தது. பொதுமக்களின் அதிருப்தியைத் தொடர்ந்து, திமுக, பாமக மற்றும் கம்யூனிஸ்ட் கட்சிகளைச் சேர்ந்த சில சட்டமன்ற உறுப்பினர்கள் தங்களுக்கு கார் மற்றும் கூடுதல் சலுகைகள் தேவையில்லை என்று தெரிவித்தனர்.

ஆளுநர் ஒப்புதலுக்குப் பிறகு அரசாணை வெளியீடு

எதிர்ப்புகள் எழுந்தபோதிலும், வாகனப் படி மற்றும் உதவியாளர் படியை உயர்த்துவதற்கான சட்டம் சட்டமன்றத்தில் நிறைவேற்றப்பட்டு, ஆளுநரின் ஒப்புதலும் பெறப்பட்டது. இதையடுத்து, திட்டத்தைச் செயல்படுத்துவதற்கான விதிகளில் திருத்தங்கள் செய்யப்பட்டு தற்போது அரசாணை வெளியிடப்பட்டுள்ளது.

கார் வாங்க ரூ.40 கோடி ஒதுக்கீடு

அரசாணையின்படி, அமைச்சர்கள், சபாநாயகர், துணைத் தலைவர், எதிர்க்கட்சித் தலைவர் மற்றும் கொறடா உள்ளிட்ட முக்கியப் பதவிகளில் இருப்பவர்களுக்குக் கார் வாங்க அதிகபட்சமாக ரூ.26 லட்சம் உச்சவரம்பு நிர்ணயிக்கப்பட்டுள்ளது. இந்தப் பிரிவில் 40 கார்கள் வாங்குவதற்கு சுமார் ரூ.10.40 கோடி செலவாகும் என மதிப்பிடப்பட்டுள்ளது.

மற்ற சட்டமன்ற உறுப்பினர்களுக்குக் கார் வாங்க ரூ.15 லட்சம் உச்சவரம்பாக நிர்ணயிக்கப்பட்டுள்ளது. இதன்படி, 194 கார்கள் வாங்குவதற்கு சுமார் ரூ.29.10 கோடி செலவாகும் எனக் கணக்கிடப்பட்டுள்ளது. அமைச்சர்கள் மற்றும் எம்.எல்.ஏ.க்களுக்கான கார் கொள்முதலுக்கு மட்டும் மொத்தம் ரூ.39.50 கோடி, அதாவது சுமார் ரூ.40 கோடி செலவாகும் என எதிர்பார்க்கப்படுகிறது.

இதையும் படிங்க: இந்த ஆட்சியை நடத்துவது யார்? தவெக அரசின் அரசியலை கடுமையாக விமர்சித்த ஆதரவாளர் மதிவாணன்..! அரசியல் வட்டாரத்தில் பரபரப்பு..!!!