இத யாரும் எதிர்பார்க்கல.... எடப்பாடிக்கே அதிர்ச்சி கொடுத்த எஸ்.பி. வேலுமணி...! அதிமுகவில் அடுத்தடுத்து அதிரடி திருப்பம்..!!!

அதிமுகவில் உள்கட்சி சலசலப்பு நிலவுவதாகவும், முன்னாள் அமைச்சர் எஸ்.பி. வேலுமணி தவெகவில் இணையப்போவதாகவும் வெளியான தகவல்களுக்கு அவர் மறுப்பு தெரிவித்துள்ளார். கோவையில் செய்தியாளர்களைச் சந்தித்த வேலுமணி, தான் அதிமுகவை விட்டு வேறு கட்சிக்குச் செல்லப்போவதில்லை என்று திட்டவட்டமாகக் கூறினார். எடப்பாடி பழனிசாமிக்கு எதிராகச் செயல்படப்போவதில்லை என்றும், கட்சி ஒற்றுமையாக இருக்க வேண்டும் என்பதே தனது விருப்பம் என்றும் தெரிவித்தார்.

கட்சி மாறும் தகவல் வெறும் வதந்தி: வேலுமணி விளக்கம்

மதுராந்தகம் மற்றும் தாராபுரம் இடைத்தேர்தல் தோல்விக்குப் பிறகு அதிமுகவில் குழப்பம் ஏற்பட்டுள்ளதாகவும், மூத்த நிர்வாகிகள் அடுத்தகட்ட நடவடிக்கை குறித்து ஆலோசித்து வருவதாகவும் செய்திகள் வெளியாகின. குறிப்பாக, எஸ்.பி. வேலுமணி தவெகவில் இணையப்போவதாகவும், சி.வி. சண்முகம் உள்ளிட்டோர் இணைந்து முக்கிய முடிவுகளை எடுக்கத் திட்டமிட்டுள்ளதாகவும் தகவல்கள் பரவின.

இதையும் படிங்க: அடுத்த 48 மணி நேரத்தில் அதிமுகவில் நடக்கபோகும் அதிர்ச்சி! வேலுமணி, சிவி சண்முகத்தின் மாஸ்டர் பிளான்... எடப்பாடி தலையில் இடியை இறக்க தயாராகும் முக்கிய புள்ளிகள்..!!!

இதற்கு விளக்கம் அளித்த வேலுமணி, “என் உடலில் ஓடுவது அதிமுக ரத்தம் மட்டும்தான்” என்று கூறினார். கட்சி மாறும் எண்ணம் தனக்கு இல்லை என்றும், ஊடகங்களில் வெளியாகும் தகவல்கள் வதந்திகள் என்றும் தெரிவித்தார். சென்னையில் தேவையற்ற வதந்திகள் பரவுவதைத் தவிர்க்கவே கோவைக்கு வந்ததாகவும் அவர் கூறினார்.

எடப்பாடி பழனிசாமிக்கு எதிராகச் செயல்பட மாட்டேன்

தான் யாரையும் தனிப்பட்ட முறையில் சந்திக்கவில்லை என்று கூறிய வேலுமணி, சி.வி. சண்முகம், நத்தம் விஸ்வநாதன் உள்ளிட்ட மூத்த தலைவர்கள் சந்திப்பது வழக்கமான ஒன்றுதான் என விளக்கமளித்தார். அதிமுக பொதுச்செயலாளர் எடப்பாடி பழனிசாமியை எதிர்ப்பது குறித்த பேச்சுக்கே இடமில்லை என்றும் அவர் தெரிவித்தார்.

இடைத்தேர்தல் தோல்வி குறித்து பேசிய அவர், சில மாதங்களுக்கு முன்பு வெற்றி பெற்ற தொகுதிகளில் தற்போது தோல்வியைச் சந்தித்திருப்பது வருத்தமளிப்பதாகக் கூறினார். கட்சி ஒன்றுபட வேண்டும் என்பதே தனது முக்கிய நோக்கம் என்றும், பிரிந்து சென்றவர்களையும் மற்ற அணிகளையும் மீண்டும் ஒன்றிணைக்க எடப்பாடி பழனிசாமி நடவடிக்கை எடுக்க வேண்டும் என்பதே தொண்டர்களின் எதிர்பார்ப்பு என்றும் தெரிவித்தார்.

கூட்டணி குறித்து வேலுமணி தெரிவித்த கருத்து

கடந்த தேர்தல்களில் பாஜகவுடன் கூட்டணி அமைத்திருந்தால் வெற்றி கிடைத்திருக்கலாம் என்பது தனது கருத்து என வேலுமணி கூறினார். அதேபோல், 2026 சட்டமன்றத் தேர்தலில் தவெகவுடன் கூட்டணி அமைக்கும் வாய்ப்பை அதிமுக தவறவிட்டதாகவும் தனது தனிப்பட்ட கருத்தை முன்வைத்தார்.

எடப்பாடி பழனிசாமி கட்சியின் பொதுச்செயலாளர் என்பதில் தனக்கு எந்த மாற்றுக் கருத்தும் இல்லை என்று கூறிய வேலுமணி, அவரை விமர்சிக்கத் தயாராக இல்லை என்றும் தெரிவித்தார். எம்.ஜி.ஆர். மற்றும் ஜெயலலிதாவால் வளர்க்கப்பட்ட அதிமுக தொடர்ந்து வலிமையுடன் இருக்க வேண்டும் என்பதே தனது விருப்பம் என்றும் அவர் கூறினார்.

இதையும் படிங்க: களவரத்தில் அதிமுக..! எடப்பாடிக்கு எதிராக களமிறங்கும் எஸ்.பி.வேலுமணி அணி... அதிருப்தியால் அவசர ஆலோசனை..!!!