திசை திருப்ப இப்படி ஒரு நாடகமா? 20 லட்சம் ஹார்டு டிஸ்க் மாயம்! பின்னணி காரணம் குறித்து அமைச்சர் செந்தில் பாலாஜி விமர்சனம்..!!!

மின்துறையில் கடந்த காலங்களில் நடைபெற்ற டெண்டர்களில் எந்தவித முறைகேடும் நடைபெறவில்லை என்று முன்னாள் அமைச்சர் செந்தில் பாலாஜி தெரிவித்துள்ளார். 20 லட்சத்திற்கும் அதிகமான ஹார்டு டிஸ்க்குகள் மாயமானதாக கூறப்படும் தகவல்கள், தற்போதைய மின்வெட்டு பிரச்னையில் இருந்து மக்களின் கவனத்தை திசைதிருப்பும் முயற்சியாக இருக்கலாம் என்ற சந்தேகத்தையும் அவர் எழுப்பியுள்ளார்.

கோவையில் செய்தியாளர்களை சந்தித்த செந்தில் பாலாஜி, ஆட்சி மாறினாலும் துறையின் அதிகாரிகள் மாறப்போவதில்லை என்பதை சுட்டிக்காட்டினார். கடந்த ஆட்சிக் காலத்தில் அனைத்து டெண்டர்களும் நடைமுறைகளுக்கு உட்பட்டு, விதிமுறைகளின்படி மட்டுமே வழங்கப்பட்டதாகவும் அவர் விளக்கம் அளித்தார்.

இதையும் படிங்க: அந்த வீடியோவை எடுத்தது யார்..? இப்படி ஒரு வேலையை செய்தது விஜய்யா..? இல்ல செங்கோட்டையனா..? பகீர் கிளப்பிய டிடிவி தினகரன்..!!

ஹார்டு டிஸ்க் விவகாரம் குறித்து கேள்வி

மின்துறையில் 20 லட்சத்திற்கும் அதிகமான ஹார்டு டிஸ்க்குகள் மாயமானதாக கூறப்படும் தகவல்கள் குறித்து பேசிய அவர், அந்த குற்றச்சாட்டுகளின் பின்னணி குறித்து சந்தேகம் எழுப்பினார். தற்போதைய மின்வெட்டு பிரச்னை தொடர்பான விமர்சனங்களில் இருந்து கவனத்தை மாற்றவே இத்தகைய தகவல்கள் வெளியிடப்படுகிறதா என்ற கேள்வியையும் முன்வைத்தார்.

அமைச்சரின் செயல்பாடுகள் மீது விமர்சனம்

தற்போதைய மின்துறை அமைச்சரின் செயல்பாடுகள் குறித்தும் செந்தில் பாலாஜி விமர்சனம் செய்தார். “ஆடத் தெரியாதவர்கள் வீதி கோணல் என்று சொல்வது போல, தற்போதைய அமைச்சரின் விளக்கங்கள் அமைந்துள்ளன” என்று அவர் கூறினார். நிர்வாக குறைபாடுகளை மறைக்க காரணங்கள் கூறப்படுவதாகவும் அவர் குற்றம்சாட்டினார்.

அகவிலைப்படி உயர்வு, தேர்தல் வாக்குறுதிகள்

அரசு ஊழியர்களுக்கு அறிவிக்கப்பட்ட அகவிலைப்படி உயர்வுக்கான அரசாணையை உடனடியாக வெளியிட வேண்டும் என்றும் அவர் வலியுறுத்தினார். மேலும், தேர்தலின்போது வழங்கப்பட்ட வாக்குறுதிகளை முழுமையாக நிறைவேற்றுவதற்கு அரசு முன்னுரிமை அளிக்க வேண்டும் என்றும் கேட்டுக்கொண்டார்.

இதையும் படிங்க: முதல்வரின் முக்கிய இலக்கே இதுதான்! தமிழகத்தில் ஊழலுக்கு இனி இடமில்லை... அமைச்சர் செங்கோட்டையன் போட்ட அதிரடி உத்தரவால் ஆடிப்போன அதிகாரிகள்..!!!!