சற்று முன்... செங்கோட்டையன் வெற்றி உறுதி! உயர்நீதிமன்றம் அளித்த அதிரடி தீர்ப்பு...!!

கோபிசெட்டிபாளையம் சட்டமன்றத் தொகுதியில் அமைச்சர் கே.ஏ. செங்கோட்டையனின் வெற்றியை எதிர்த்து தொடரப்பட்ட தேர்தல் வழக்கை சென்னை உயர் நீதிமன்றம் தள்ளுபடி செய்துள்ளது. வேட்புமனுவில் சான்றளித்த நோட்டரி வழக்கறிஞரின் உரிமம் காலாவதியாகியிருந்ததாக கூறி அதிமுக வேட்பாளர் பிரபு வழக்கு தொடர்ந்திருந்தார். இந்த வழக்கில் இன்று, செப்டம்பர் 15-ம் தேதி, இறுதித் தீர்ப்பு வழங்கப்பட்டது.

வேட்புமனுவை ஏற்றது தவறு என பிரபு மனு

கடந்த தேர்தலில் கோபிசெட்டிபாளையம் தொகுதியில் செங்கோட்டையன் தாக்கல் செய்த வேட்புமனுவை தேர்தல் அதிகாரி ஏற்றது விதிமுறைகளுக்கு எதிரானது என பிரபு தனது மனுவில் குறிப்பிட்டிருந்தார். குறிப்பாக, வேட்புமனுவில் சான்றளித்த நோட்டரி வழக்கறிஞரின் உரிமம் ஏற்கனவே காலாவதியாகிவிட்டதாக அவர் சுட்டிக்காட்டியிருந்தார். இதன் அடிப்படையில் செங்கோட்டையனின் தேர்தல் வெற்றியை ரத்து செய்ய வேண்டும் என கோரிக்கை விடுக்கப்பட்டது.

இதையும் படிங்க: திடீர் பல்டி... ராஜினாமா வேண்டாம்...! அம்பாசமுத்திரம் MLA விவகாரத்தில் உயர்நீதிமன்றம் காட்டிய அதிரடி...!!!

வழக்கை நிராகரிக்க செங்கோட்டையன் தரப்பு வாதம்

இந்த தேர்தல் மனு அடிப்படை ஆதாரமற்றது என்பதால் அதை நிராகரிக்க வேண்டும் என அமைச்சர் செங்கோட்டையன் தரப்பிலும் மனு தாக்கல் செய்யப்பட்டது. வழக்கை நீதிபதி ஜி.கே. இளந்திரையன் விசாரித்து வந்தார். இருதரப்பு வாதங்களும் நிறைவடைந்த நிலையில், தீர்ப்பு ஒத்திவைக்கப்பட்டிருந்தது.

தேர்தல் வழக்கு தள்ளுபடி; வெற்றி உறுதி

இந்த நிலையில், செப்டம்பர் 15-ம் தேதி நீதிபதி ஜி.கே. இளந்திரையன் தீர்ப்பு வழங்கினார். அதில், செங்கோட்டையனின் வெற்றியை எதிர்த்து தாக்கல் செய்யப்பட்ட தேர்தல் வழக்கு நிராகரிக்கப்பட்டது. இதன்மூலம் கோபிசெட்டிபாளையம் தொகுதியில் அமைச்சர் செங்கோட்டையனின் வெற்றி உறுதி செய்யப்பட்டதுடன், அவருக்கு எதிராக தொடரப்பட்ட தேர்தல் வழக்குக்கும் முற்றுப்புள்ளி வைக்கப்பட்டுள்ளது.

இதையும் படிங்க: அறிவிப்பே வரல… அதுக்குள்ள இம்புட்டு அவசரம் தேவையா? செங்கோட்டையன் மேடையிலேயே போட்ட குண்டு... அதிர்ந்துபோன முதல்வர் விஜய்...!!!