கடைசி நேரத்தில் எப்படி கைநழுவியது...! பச்சை வேஷ்டி அணிந்து கையில் கயிறு கட்டிக்கொண்டு... ஆனா கடைசியில்? எடப்பாடி தொகுதியில் நடந்த பேரதிர்ச்சி! உண்மையை போட்டு உடைத்த செங்கோட்டையன்...!!!

சேலம் எடப்பாடி தொகுதியில் வேட்பாளர் தேர்வில் தானும், அமைச்சர் அருண் ராஜ்ஜும் ஏமாந்துவிட்டதாக தவெக மூத்த தலைவர் செங்கோட்டையன் தெரிவித்துள்ளார். திருப்பூர் மாவட்டம் தாராபுரத்தில் நடைபெற்ற நிகழ்ச்சியில் பேசிய அவர், எடப்பாடி பழனிசாமியை அவரது சொந்த தொகுதியிலேயே எதிர்கொள்ளும் வாய்ப்பு கடைசி நேரத்தில் எப்படி கைநழுவியது என்பது குறித்து பரபரப்பு தகவல்களை பகிர்ந்தார்.

கடைசி நேரத்தில் நடந்தது என்ன?

எடப்பாடி தொகுதியில் தவெக சார்பில் போட்டியிட விருப்பம் தெரிவித்த அருண்குமார், கையில் கயிறு கட்டிக்கொண்டு பச்சை வேஷ்டி அணிந்து பழனிக்கு நடைபயணம் சென்றுவந்ததாக செங்கோட்டையன் கூறினார். இதனால் அவர் தீவிரமான ஆதரவாளராக இருப்பார் என தாங்கள் நம்பியதாகவும் தெரிவித்தார்.

இதையும் படிங்க: அதிமுகவுக்கு அடுத்த ஆப்பு ரெடி....! தவெகவில் இணைய தயார் நிலையில் இருக்கும் 20 முக்கிய புள்ளிகள்...! தெறிக்கவிட்ட செங்கோட்டையன்....!!!

ஆனால் வேட்புமனு தாக்கல் செய்யப்பட்ட பிறகு அவர் பணத்தை பெற்றுக்கொண்டு விலகிவிட்டதாக செங்கோட்டையன் குற்றம்சாட்டினார். வேட்புமனு பரிசீலனைக்கு அவர் மற்றும் அவரது மனைவி வராததால் இருவரது மனுக்களும் நிராகரிக்கப்பட்டதாகவும் கூறினார். அந்த வேட்பாளர் மட்டும் களத்தில் இருந்திருந்தாலே எடப்பாடி பழனிசாமிக்கு கடும் போட்டி ஏற்பட்டிருக்கும் என்றும் அவர் தெரிவித்தார்.

சுயேச்சைக்கு தவெக ஆதரவு

வேட்புமனு நிராகரிக்கப்பட்டதால் 234 தொகுதிகளிலும் தனித்து போட்டியிட்ட தவெகவுக்கு எடப்பாடியில் மட்டும் வேட்பாளர் இல்லாத நிலை ஏற்பட்டது. இதையடுத்து கடைசி நேரத்தில் சுயேச்சையாக களமிறங்கிய கே. பிரேம்குமாருக்கு கட்சி ஆதரவு தெரிவித்தது.

வெறும் இரு நாட்களில் பிரசாரம் மேற்கொண்ட பிரேம்குமார், 50,823 வாக்குகள் பெற்றதாக செங்கோட்டையன் குறிப்பிட்டார். தவெகவின் 'விசில்' சின்னத்தில் அவர் போட்டியிட்டிருந்தால் தேர்தல் முடிவு வேறுவிதமாக அமைந்திருக்க வாய்ப்பு இருந்ததாகவும் அவர் கூறினார்.

அரசியல் வட்டாரத்தில் மீண்டும் விவாதம்

எடப்பாடி பழனிசாமி 1,48,933 வாக்குகள் பெற்று வெற்றி பெற்ற நிலையில், தவெக ஆதரவு பெற்ற பிரேம்குமார் கணிசமான வாக்குகளைப் பெற்றார். இதனைச் சுட்டிக்காட்டிய செங்கோட்டையன், அதிமுக எம்.எல்.ஏக்கள் தொடர்பான அரசியல் நிலவரம் குறித்தும் கேள்வி எழுப்பினார்.

தவெக வேட்பாளர் அதிமுக தரப்பால் விலைக்கு வாங்கப்பட்டதாக கட்சித் தலைமை ஏற்கனவே குற்றம்சாட்டி வரும் நிலையில், சமீபத்தில் மதுராந்தகத்தில் நடைபெற்ற நிர்வாகிகள் கூட்டத்திலும் ஆதவ் அர்ஜுனா இதே விவகாரத்தை முன்வைத்திருந்தார். தற்போது செங்கோட்டையனின் தாராபுரம் பேச்சும் எடப்பாடி தொகுதி வேட்பாளர் சர்ச்சை தொடர்பான அரசியல் விவாதத்தை மீண்டும் தீவிரப்படுத்தியுள்ளது.

இதையும் படிங்க: இன்னும் அறிவிப்பே வரல... அதுக்குள்ள செங்கோட்டையன் செய்த காரியம்! முதல்வர் விஜய்க்கு பேரதிர்ச்சி... தவெக தலைமைக்கே வந்த சவால்!!!