உங்க இஷ்டத்துக்கு எல்லாம் நடக்காது... நாளைக்கு என்னையே விலகச் சொல்வீங்களா? கொந்தளித்து ஆடியோ வெளியிட்ட சீமான்...! பரபரக்கும் அரசியல்!!!
தருமபுரி நாம் தமிழர் கட்சியில் நிர்வாகி நியமனத்தைச் சுற்றி உட்கட்சிப் பிரச்சினை தீவிரமடைந்த நிலையில், சீமான் நிர்வாகிகளிடம் கடுமையாக பேசியதாகக் கூறப்படும் ஆடியோ சமூக வலைதளங்களில் பரவி வருகிறது.
by
தருமபுரி மாவட்டத்தில் நாம் தமிழர் கட்சிக்குள் நிர்வாகி நியமனத்தைச் சுற்றி ஏற்பட்டுள்ள கருத்து வேறுபாடு புதிய பரபரப்பை ஏற்படுத்தியுள்ளது. மண்டல ஒருங்கிணைப்பாளராக உள்ள அரிமா செந்தில்நாதன் பதவியில் இருந்து நீக்கப்பட வேண்டும் என்று மாவட்ட நிர்வாகிகள் மற்றும் தொண்டர்கள் வலியுறுத்தி வரும் நிலையில், இது தொடர்பாக தலைமை ஒருங்கிணைப்பாளர் சீமான் கடுமையாக பேசியதாகக் கூறப்படும் ஆடியோ சமூக வலைதளங்களில் வேகமாகப் பரவி வருகிறது.
நிர்வாகி நியமனத்திற்கு எதிர்ப்பு
தருமபுரி மண்டல ஒருங்கிணைப்பாளராக செயல்பட்டு வரும் அரிமா செந்தில்நாதனை உடனடியாக பொறுப்பிலிருந்து நீக்க வேண்டும் என்று மாவட்ட நிர்வாகிகள் தொடர்ந்து வலியுறுத்தி வருகின்றனர். மேலும், அவர் தங்களது தொகுதிக்குள் வரக்கூடாது என்றும் தலைமைக்கு அழுத்தம் கொடுத்து வருவதாக கூறப்படுகிறது. இதனால் மாவட்ட அளவில் உட்கட்சிப் பிரச்சினை தீவிரமடைந்துள்ளதாக தகவல்கள் வெளியாகியுள்ளன.
இதையும் படிங்க: வெளியான தவெகவின் ரகசிய ஆடியோ! 4.1 நிமிடத்தில் மொத்தமாக கொட்டி தீர்த்த விழுப்புர ஒன்றிய செயலாளர்! அடுத்து அரங்கேறிய அதிரடி ட்விஸ்ட்.!!!
ஆடியோவில் சீமான் பேசியதாக கூறப்படுவது என்ன?
இந்த சூழலில், மாவட்ட நிர்வாகிகளிடம் சீமான் தொலைபேசியில் கடுமையாக பேசியதாகக் கூறப்படும் ஆடியோ ஒன்று வெளியாகியுள்ளது. அதில், “தலைமை நியமிக்கும் நிர்வாகி உங்கள் தொகுதிக்குள் வரக்கூடாது என்றால், நாளை நானே உங்கள் பகுதிக்கு வர முடியுமா? அல்லது என்னையும் கட்சியை விட்டு விலகச் சொல்வீர்களா?” என்று கேள்வி எழுப்பியதாக அந்த ஆடியோவில் இடம்பெற்றுள்ளது.
கட்சி கட்டுப்பாட்டை வலியுறுத்திய சீமான்
மேலும், கட்சித் தலைமையின் முடிவுகளுக்கு எதிராக செயல்படுபவர்கள் விருப்பமிருந்தால் வேறு கட்சியில் சேரலாம் என்றும், நாம் தமிழர் கட்சியில் தலைமை எடுக்கும் முடிவுகளே அனைவருக்கும் பொருந்தும் என்றும் அவர் கூறியதாக ஆடியோவில் கேட்கப்படுகிறது. கட்சிப் பணிகளில் அனைவரும் முழுமையாக ஈடுபட்டிருந்தால் அமைப்பு இன்னும் பெரிய வளர்ச்சியை அடைந்திருக்கும் என்றும், கட்சியில் தொடர விருப்பமில்லையெனில் வெளியேறலாம் என்றும் எச்சரிக்கை விடுத்ததாக கூறப்படுகிறது.
இந்த ஆடியோ வெளியானதைத் தொடர்ந்து, ஏற்கனவே நிலவி வந்த உட்கட்சிப் பிரச்சினை மேலும் தீவிரமடைந்துள்ளதாக கூறப்படுகிறது. இதுகுறித்து கட்சித் தலைமையிடமிருந்து அதிகாரப்பூர்வ விளக்கம் வெளியாகுமா என்பது அரசியல் வட்டாரங்களில் கவனிக்கப்படுகிறது.
இதையும் படிங்க: அதிமுகவில் எடப்பாடிக்கு எதிராக அடுத்த போர்க்கொடி தூக்கிய முக்கிய புள்ளி! அதிமுகவில் கிளம்பும் புதிய விவாதம்..!!!
