ரஜினிகாந்த் - ஸ்டாலின் சந்திப்பு! அதிமுக - திமுக கூட்டணி குறித்த பேச்சுவார்த்தை.... உண்மையை உடைத்த ரியாஸ்.!!!

தமிழக சட்டமன்றத் தேர்தல் முடிவுகளுக்குப் பிறகு ஏற்பட்ட அரசியல் பரபரப்புகளுக்கு மத்தியில், தமிழக வெற்றிக் கழகத் தலைவர் விஜய் இன்று முதலமைச்சராகப் பொறுப்பேற்றுள்ளார். எந்தக் கட்சிக்கும் தனிப்பெரும்பான்மை கிடைக்காததால் நீண்ட நாட்களாக நீடித்த அரசியல் குழப்பம், பல்வேறு பேச்சுவார்த்தைகளுக்குப் பிறகு முடிவுக்கு வந்துள்ளது.

கடந்த 4-ம் தேதி வெளியான தேர்தல் முடிவுகளில் தவெக தனிப்பெரும்பான்மையை எட்டத் தவறியது. இதனால் கூட்டணி ஆதரவை நம்பியே ஆட்சியமைக்கும் நிலை ஏற்பட்டது. அதேசமயம், காங்கிரஸ் கூட்டணியில் இருந்து விலகியதும் விஜய்க்கு பெரிய சவாலாக பார்க்கப்பட்டது.

இதையும் படிங்க: அதிமுக கூட்டணியில் தவெக விஜய்...? திட்டவட்டமான முடிவை அறிவித்த TVK! சூடு பிடிக்கும் அரசியல் களம்!

திமுக - அதிமுக கூட்டணி பேச்சு?

தேர்தல் முடிவுகளுக்குப் பிறகு, தமிழக அரசியலில் எதிர்பாராத திருப்பமாக திமுக மற்றும் அதிமுக இடையே கூட்டணிப் பேச்சுவார்த்தை நடந்ததாக தகவல்கள் வெளியாகின. அதிமுக ஆட்சியமைக்க திமுக வெளியில் இருந்து ஆதரவு அளிக்கலாம் என்ற தகவலும் அரசியல் வட்டாரங்களில் பேசப்பட்டது.

இதையடுத்து, இந்த அரசியல் நகர்வுகளின் பின்னணியில் ரஜினிகாந்த் இருப்பதாக சமூக வலைதளங்களில் பல்வேறு கருத்துகள் பரவின. குறிப்பாக, ரஜினி மூலமாக பாஜக காய் நகர்த்துவதாக எழுந்த விமர்சனங்கள் இணையத்தில் பெரும் விவாதத்தை ஏற்படுத்தின.

ரஜினி சந்திப்புக்கு ரியாஸ் விளக்கம்

இந்த சர்ச்சைக்கு முற்றுப்புள்ளி வைக்கும் வகையில், ரஜினிகாந்தின் செய்தித் தொடர்பாளர் ரியாஸ் விளக்கம் அளித்துள்ளார். ரஜினிகாந்தும், மு.க.ஸ்டாலினும் 42 ஆண்டுகளாக நண்பர்கள் என்றும், அந்த நட்பின் அடிப்படையில்தான் ரஜினி நேரில் சந்தித்து ஆறுதல் தெரிவித்தார் என்றும் கூறியுள்ளார்.

மேலும், அந்தச் சந்திப்பில் எந்தவித அரசியல் பேச்சும் இடம்பெறவில்லை என்றும், ஊடகங்கள் இதனை அரசியல் கோணத்தில் பார்க்க வேண்டாம் என்றும் கேட்டுக்கொண்டார். மறைந்த முன்னாள் முதல்வர் கருணாநிதி காலத்திலிருந்தே திமுக குடும்பத்துடன் ரஜினிக்கு நெருக்கம் இருந்து வருவதாகவும் அவர் தெரிவித்துள்ளார்.

ஸ்டாலின் தோல்வி ஏற்படுத்திய அதிர்ச்சி

தேர்தலுக்கு முன் வெளியான பல கணிப்புகளில் திமுக வெற்றி பெறும் என கூறப்பட்ட நிலையில், கட்சி எதிர்பாராத தோல்வியை சந்தித்தது. குறிப்பாக, முன்னாள் முதலமைச்சர் மு.க.ஸ்டாலின் கொளத்தூர் தொகுதியில் சுமார் 10 ஆயிரம் வாக்குகள் வித்தியாசத்தில் தோல்வியடைந்தது கட்சியினருக்கு அதிர்ச்சியாக அமைந்தது.

இதற்கிடையில், இணையத்தில் விஜய் மற்றும் ரஜினி ரசிகர்கள் இடையேயான மோதல்கள் தீவிரமடைந்துள்ளன. அந்த சூழலில் ரஜினிகாந்தின் சந்திப்பும், அதைச் சுற்றிய அரசியல் யூகங்களும் தற்போது தமிழக அரசியலில் முக்கிய பேசுபொருளாக மாறியுள்ளன.

இதையும் படிங்க: #சற்றுமுன் : விஜய் - காங்கிரஸ் கூட்டணி..... தவெகவுக்கு அதிகாரப்பூர்வ ஆதரவு அறிவித்த காங்கிரஸ்...!!!