அது சரிப்பட்டு வராது... சீனியர்கள் பேச்சைக் கேட்டு ஆவேசத்தில் ஸ்டாலின் எடுத்த அதிரடி முடிவு! உதயநிதி சொன்ன அந்த ஒரு 'நோ'.... பின்னணியில் இருக்கும் ரகசியம்...!!!

தமிழ்நாடு அரசியலில் இடைத்தேர்தலை மையமாகக் கொண்டு புதிய பரபரப்பு உருவாகியுள்ளது. காலியாக உள்ள ஆறு சட்டமன்றத் தொகுதிகளுக்கான தேர்தல் விரைவில் நடைபெறவுள்ள நிலையில், மு.க.ஸ்டாலின் திருச்சி கிழக்கு தொகுதியில் போட்டியிடலாம் என்ற தகவல்கள் அரசியல் வட்டாரங்களில் தீவிரமாக பேசப்பட்டு வருகின்றன.

ஸ்டாலினை களமிறக்க விரும்பும் மூத்த தலைவர்கள்

கொளத்தூர் தொகுதியில் தோல்வியடைந்த பிறகு, மு.க.ஸ்டாலின் மீண்டும் சட்டமன்றத்திற்குள் வர வேண்டும் என்பதில் திமுகவின் மூத்த நிர்வாகிகள் உறுதியாக இருப்பதாக கூறப்படுகிறது. அதற்காக திருச்சி கிழக்கு இடைத்தேர்தலில் அவரை வேட்பாளராக அறிவிக்க வேண்டும் என்று கட்சித் தலைமையிடம் தொடர்ந்து வலியுறுத்தி வருவதாக தகவல்கள் தெரிவிக்கின்றன.

இதையும் படிங்க: சீமானை பேரவைக்குள் கொண்டுவர திமுகவின் பலே திட்டம்? அம்பாசமுத்திரத்தில் ரகசிய டீல்.... அதிர்ச்சியில் அரசியல் வட்டாரங்கள்..!!!

உதயநிதியின் தயக்கத்துக்கு பின்னணி என்ன?

மறுபுறம், கட்சியின் எதிர்கால அரசியல் கணக்குகளை கருத்தில் கொண்டு, ஸ்டாலின் மீண்டும் இடைத்தேர்தலில் போட்டியிட வேண்டாம் என்ற நிலைப்பாட்டில் எதிர்க்கட்சித் தலைவரான உதயநிதி ஸ்டாலின் இருப்பதாக கூறப்படுகிறது. இதுதொடர்பாக மூத்த நிர்வாகிகளுக்கும் அவருக்கும் இடையே கருத்து வேறுபாடு ஏற்பட்டுள்ளதாக அரசியல் வட்டாரங்களில் பேசப்படுகிறது.

பொதுவாக இடைத்தேர்தல்களில் ஆளுங்கட்சிக்கே சாதகமான சூழல் நிலவும் நிலையில், தற்போதைய ஆளுங்கட்சியான தமிழக வெற்றிக் கழகத்தின் மீதான மக்களின் எதிர்பார்ப்பு இன்னும் குறையவில்லை என்பதே இந்த தயக்கத்திற்கான முக்கிய காரணமாக கூறப்படுகிறது. ஒருவேளை மீண்டும் போட்டியிட்டு தோல்வி ஏற்பட்டால், அது திமுகவின் அரசியல் மீட்சிக்கு பெரிய பின்னடைவாக அமையக்கூடும் என்ற அச்சமும் கட்சியின் ஒரு தரப்பில் இருப்பதாக தகவல்கள் வெளியாகியுள்ளன.

வேட்பாளர் பட்டியலை நோக்கும் அரசியல் பார்வை

திமுக சந்தித்த தேர்தல் தோல்விக்கு மூத்த நிர்வாகிகளின் செயல்பாடுகளே முக்கிய காரணம் என உதயநிதி கருதுவதாகவும் கூறப்படுகிறது. அதேநேரத்தில், மு.க.ஸ்டாலினை மீண்டும் முன்னிறுத்தி கட்சியில் தங்களது செல்வாக்கை தொடர சில மூத்த தலைவர்கள் முயற்சிப்பதாக இளைய தலைமுறையினர் கருதுவதாகவும் அரசியல் வட்டாரங்களில் பேசப்படுகிறது. இந்த சூழலில், வெளியாகவுள்ள திமுக வேட்பாளர் பட்டியலில் மு.க.ஸ்டாலின் பெயர் இடம்பெறுமா என்பதே தற்போது தமிழக அரசியலில் அதிகம் எதிர்பார்க்கப்படும் கேள்வியாக மாறியுள்ளது.

இதையும் படிங்க: அப்பாவை காணோம்.... ஆவேசத்தில் கொதித்தெழுந்த திமுக..! திருச்சியில் ஸ்டாலின் எடுக்கும் விஸ்வரூபம்?.. கசிந்த ரகசிய தகவல்.!!!