தேர்தலுக்கு பிறகு மனம் திறந்து ஸ்டாலின் வெளியிட்ட வீடியோ! இனிதான் ஆட்டமே இருக்கு.... திமுக கையில் எடுத்த புது ஆயுதம் இதுதான்!!!

2026 சட்டமன்றத் தேர்தலில் ஏற்பட்ட பின்னடைவுக்கு பிறகு, திமுக தலைவர் மு.க.ஸ்டாலின் வெளியிட்டுள்ள புதிய வீடியோ அரசியல் வட்டாரங்களில் கவனம் பெற்றுள்ளது. தேர்தல் தோல்விக்கான முழுப் பொறுப்பையும் தானே ஏற்கிறேன் என்று அவர் நேரடியாகக் கூறியுள்ளார். அதே நேரத்தில், கட்சியை அடுத்த கட்டத்திற்கு கொண்டு செல்ல புதிய முயற்சிகளையும் அறிவித்துள்ளார்.

தொண்டர்கள் மற்றும் பொதுமக்களுடன் நேரடியாக கருத்து பரிமாறிக்கொள்ளும் வகையில் ‘உடன்பிறப்பின் குரல்’ என்ற புதிய இணையதளத்தையும் அவர் அறிமுகப்படுத்தியுள்ளார்.

இதையும் படிங்க: சற்று முன்... 2026 தேர்தலில் இருந்து விலகுகிறேன்.... நடிகர் சரத்குமாரின் அதிரடி அறிவிப்பு! 22 கால அரசியல் அனுபவத்தில் எனக்கு அதுதான் முக்கியம்!!!

“தோல்விக்கும் நானே பொறுப்பு”

வெளியான வீடியோவில், “வெற்றிக்குக் கிடைக்கும் பெருமை எனக்கு என்றால், இந்தத் தோல்விக்கும் தலைவனாக நானே முழுப் பொறுப்பேற்கிறேன்” என்று மு.க.ஸ்டாலின் தெரிவித்துள்ளார். தேர்தல் முடிவால் திமுக முடங்கிவிடாது என்றும், புதிய மாற்றங்களுடன் முன்னேறத் தயாராக இருப்பதாகவும் அவர் கூறியுள்ளார்.

இதையடுத்து கட்சியின் அடுத்தகட்ட பயணத்திற்காக தொண்டர்களின் கருத்துகள் முக்கியம் என வலியுறுத்தியுள்ளார். குறிப்பாக, தேர்தல் தோல்விக்கான காரணங்கள், கட்சியில் செய்ய வேண்டிய மாற்றங்கள் மற்றும் மக்கள் எதிர்பார்க்கும் திட்டங்கள் குறித்து வெளிப்படையாக கருத்து தெரிவிக்குமாறு கேட்டுக்கொண்டார்.

‘உடன்பிறப்பின் குரல்’ மூலம் நேரடி கருத்து பதிவு

புதிய இணையதளத்தில் பொதுமக்கள் மற்றும் கட்சித் தொண்டர்கள் தங்கள் கருத்துகளை பல்வேறு வடிவங்களில் பதிவு செய்யலாம் என தெரிவிக்கப்பட்டுள்ளது. வாய்ஸ் மெசேஜ், டைப் செய்த தகவல் அல்லது காகிதத்தில் எழுதி புகைப்படமாக பதிவேற்றும் வசதியும் ஏற்படுத்தப்பட்டுள்ளதாக கூறப்பட்டுள்ளது.

மு.க.ஸ்டாலின் தனது உரையில், “உங்கள் ஆலோசனைகளின் அடிப்படையில்தான் திமுகவின் அடுத்த 100 ஆண்டுகால பயணம் அமையும்” என்று குறிப்பிட்டுள்ளார். இதனால், கட்சியின் உள்மாற்றம் தொடர்பாக முக்கிய ஆலோசனைகள் சேகரிக்கப்படலாம் என்ற எதிர்பார்ப்பு எழுந்துள்ளது.

அரசியல் வட்டாரங்களில் விவாதம்

தேர்தல் தோல்விக்குப் பிறகு நேரடியாக பொறுப்பேற்று கருத்து கேட்கும் அணுகுமுறை அரசியல் களத்தில் பேசுபொருளாகியுள்ளது. குறிப்பாக, திமுக அமைப்பில் மாற்றங்கள் வருமா என்ற கேள்வியும் தற்போது எழுந்துள்ளது.

கட்சித் தொண்டர்களிடையே இந்த முயற்சிக்கு வரவேற்பு கிடைத்து வரும் நிலையில், எதிர்க்கட்சிகளும் இந்த அறிவிப்பை கவனமாகப் பார்த்து வருகின்றன.

இதையும் படிங்க: தேர்தலுக்கு இன்னும் 2 நாள் தான் இருக்கு....தவெக உறுப்பினர் கார்டை கசக்கி பிழிந்த நிர்வாகி! 100-க்கும் மேற்பட்டோருடன் திமுகவில் இணைவு! ஆவேச வீடியோ!!!