உயிருடன் இருக்கும் வரை அதிமுக தான்! உயிர் பிரிந்தாலும் அந்த கொடியே போர்த்தப்படும்! TVK எலி.... அதிமுக புலி...! ஜெயக்குமார் பரபரப்பு பேட்டி!

அதிமுக உள்கட்டமைப்பைச் சுற்றிய அரசியல் சூழல் மீண்டும் பரபரப்பை ஏற்படுத்தியுள்ளது. முன்னாள் அமைச்சர் செங்கோட்டையன் புதிய கட்சியில் இணைந்த நிலையில், அதிமுகவின் முக்கியத் தலைவரான ஜெயக்குமார் வெளியிட்ட பதில் அரசியல் தரப்பில் கவனத்தை ஈர்த்து வருகிறது.

செங்கோட்டையன் குறித்து ஜெயக்குமார் பதில்

செங்கோட்டையன் தமிழக வெற்றிக்கழகத்தில் இணைந்த பின்னர் செய்தியாளர்களை சந்தித்த ஜெயக்குமார், “அண்ணன் செங்கோட்டையன் மீது எனக்கு மிகுந்த மதிப்பு, மரியாதை உள்ளது. அவர் எங்கு இருந்தாலும் வாழ்க. ஆனால் நான் கருத்து சொல்ல விருப்பமில்லை” என்றார். மேலும், “நான் உயிருடன் இருக்கும் வரை அதிமுகவில்தான் இருப்பேன்; என் உயிர் பிரிந்தாலும் அதிமுகக் கொடியே என் மீது போர்த்தப்படும்” என்றும் உறுதியாகக் கூறினார்.

இதையும் படிங்க: அதிமுக என் உயிரோடு கலந்த கட்சி! இந்த வதந்தியை யாரும் நம்ப வேண்டாம்! உயிர் மூச்சு இருக்கும் வரை அது EPS க்கு தான் ஜெயராமன் பரபரப்பு பேட்டி.!

அதிமுகவிலான உறுதி மற்றும் மரியாதை

அதிமுக தனது வாழ்நாள் கட்சி என வலியுறுத்திய ஜெயக்குமார், “எனக்கு பல பதவிகள் வழங்கியது அதிமுக. எனவே எம்.ஜி.ஆர் மற்றும் ஜெயலலிதாவின் புகழைப் பாடும் வானம்பாடியாகவே தொடர்வேன்” என்றார். கட்சியை AIADMK எனப் புலியுடன் ஒப்பிடும் அவர், “எலிக்கி தலைவனாக இருப்பதைவிட, புலிக்கு விசுவாசியாக இருப்பதே பெருமை” என மறைமுகமாக விமர்சனை செய்தார்.

சர்ச்சைக்கு முற்றுப்புள்ளி வைத்த ஜெயக்குமார்

செங்கோட்டையன் வெளியேறியதைத் தொடர்ந்து, ஜெயக்குமார் உட்பட பலர் தமிழக வெற்றிக்கழகத்தில் இணைவார்கள் என்ற செய்தி பரவியது. இதை முழுமையாக மறுத்து, அதிமுகவிலிருந்து விலகும் எந்த எண்ணமும் இல்லையென அவர் தெளிவுபடுத்தினார்.

செங்கோட்டையன் வெளியேறல் அதிமுகவிற்குள் சிறிய அதிர்வுகளை ஏற்படுத்தியிருந்தாலும், ஜெயக்குமார் வெளியிட்ட இந்தத் துல்லியமான விளக்கம், கட்சியின் நிலைப்பாட்டை மேலும் தெளிவுபடுத்தும் வகையில் அமைந்துள்ளது.

இதையும் படிங்க: BREAKING: MLA பதவியை ராஜினாமா செய்த செங்கோட்டையன்! "ஒரு நாள் பொறுத்திருங்கள் " நாளை தவெக விஜய் கட்சியில் இணைவது உறுதி..!!