மருத்துவமனையில் பக்கவாதத்தால் பாதிக்கப்பட்டு இருக்கும் எச்.ராஜா! நேரில் சென்று நலம் விசாரித்த எடப்பாடி பழனிசாமி..!!

சென்னையில் சிகிச்சை பெற்று வரும் பாஜக மூத்த தலைவர் எச்.ராஜாவின் உடல்நிலை குறித்து அரசியல் தலைவர்கள் தொடர்ந்து விசாரித்து வரும் நிலையில், இன்று அதிமுக பொதுச்செயலாளர் எடப்பாடி பழனிசாமி மருத்துவமனைக்கு நேரில் சென்று நலம் விசாரித்தார்.

மருத்துவமனையில் அனுமதி

கடந்த ஜனவரி 30 அன்று சென்னையில் நடைபெற்ற தனியார் ஊடக விவாத நிகழ்ச்சியின் போது எச்.ராஜா திடீரென மயங்கி விழுந்தார். பின்னர் மேற்கொள்ளப்பட்ட மருத்துவ பரிசோதனையில் அவருக்கு பக்கவாதம் ஏற்பட்டிருப்பது உறுதி செய்யப்பட்டது. இதையடுத்து சென்னை கிரீம்ஸ் சாலையில் உள்ள அப்பல்லோ மருத்துவமனையில் அவர் அனுமதிக்கப்பட்டு தீவிர சிகிச்சைப் பிரிவில் கண்காணிக்கப்பட்டு வருகிறார்.

எடப்பாடி பழனிசாமி நேரில் சந்திப்பு

இன்று (பிப்.4) மருத்துவமனைக்கு சென்ற எடப்பாடி பழனிசாமி, எச்.ராஜாவின் உடல்நிலை குறித்து மருத்துவர்களிடமும் குடும்பத்தினரிடமும் கேட்டறிந்தார். அவரது உடல்நிலை தற்போது சீராக உள்ளதாக மருத்துவர்கள் தெரிவித்துள்ளனர்.

இதையும் படிங்க: BREAKING: இன்று காலை நல்லகண்ணுக்கு திடீரென மூச்சுத்திணறல்! மீண்டும் உடல்நிலை பின்னடைவால் மருத்துவமனையில் அனுமதி!

அரசியல் தலைவர்கள் நலம் விசாரிப்பு

முன்னதாக தமிழக முதலமைச்சர் மு.க.ஸ்டாலின், துணை முதல்வர் உதயநிதி ஸ்டாலின் மற்றும் நடிகர் ரஜினிகாந்த் உள்ளிட்டோர் மருத்துவமனைக்கு சென்று எச்.ராஜாவின் உடல்நிலை குறித்து விசாரித்திருந்தனர்.

தொடர்ந்து மருத்துவ கண்காணிப்பில் இருந்து வரும் எச்.ராஜா விரைவில் முழுமையாக குணமடைவார் என மருத்துவமனை வட்டாரங்கள் நம்பிக்கை தெரிவித்துள்ளன.