விஷயத்தை சொல்லி ஒரே வார்த்தையால் அடக்கிய விஜய்! கப்புசூப்புன்னு ஆன செங்கோட்டையன்! திடீர் தடையின் பிண்ணனி என்ன..? பரபபரப்பில் அரசியல் களம்!

2026 சட்டமன்றத் தேர்தலை முன்னிட்டு தமிழக அரசியல் சூழல் வேகமாக மாறி வரும் நிலையில், ஈரோடு மாவட்டம் கோபியில் நடைபெற்ற செய்தியாளர் சந்திப்பு முக்கிய கவனம் பெற்றுள்ளது.

கட்சித் தலைமை அறிவுறுத்தல்

கோபியில் உள்ள தவெக அலுவலகத்தில் செய்தியாளர்களைச் சந்தித்த கே.ஏ.செங்கோட்டையன், கூட்டணி மற்றும் அரசியல் நகர்வுகள் தொடர்பாக அடுத்த இரண்டு நாட்களுக்கு செய்தியாளர் சந்திப்பு வேண்டாம் என்று கட்சித் தலைமை அறிவுறுத்தியுள்ளதாக தெரிவித்தார். "சில முக்கியப் பணிகளை மேற்கொள்ள வேண்டி இருப்பதால் தற்போது எதையும் விரிவாகக் கூற இயலாது" என அவர் கூறினார்.

தினகரன் குறித்து எழுந்த கேள்வி

தொடர்ந்து செய்தியாளர்கள், முன்பு எடப்பாடி பழனிசாமியுடன் கூட்டணி வைத்தால் தூக்கில் தொங்கத் தயார் என்று கூறிய டிடிவி தினகரன், தற்போது பாஜக-அதிமுக கூட்டணியில் இணைந்துள்ளதைப் பற்றி கேள்வி எழுப்பினர்.

இதையும் படிங்க: BREAKING: சற்று முன்... மீண்டும் அதிமுக வுடன் கூட்டணியில் இணைந்த பாமக! அரசியலில் அறிவித்த அதிகாரப்பூர்வ அறிவிப்பு!!!

சுருக்கமான பதில்

அதற்கு பதிலளித்த செங்கோட்டையன், மிகவும் சுருக்கமாக, "எடப்பாடியுடன் கூட்டணி வைத்திருப்பது என்பது தினகரனின் தனிப்பட்ட விருப்பம்" என்று தெரிவித்தார். இதன் மூலம் அதிமுக கூட்டணி அரசியல் விவகாரத்தில் கட்சி மிகுந்த எச்சரிக்கையுடன் அணுகி வருவது வெளிப்பட்டுள்ளது.

2026 தேர்தல் பின்னணி

2026 சட்டமன்றத் தேர்தல் நெருங்கி வரும் நிலையில், பல்வேறு அரசியல் கட்சிகள் தங்களது கூட்டணி கணக்குகளை மாற்றி அமைத்து வருகின்றன. தினகரனின் வருகை குறித்து அதிமுக தரப்பில் வெளிப்படையான கருத்துகளைத் தவிர்த்து, கவனமான பதில்களே வழங்கப்பட்டு வருகிறது.

இந்த நிலைமை, தமிழக அரசியலில் வரும் நாட்களில் மேலும் முக்கிய மாற்றங்கள் ஏற்படக்கூடும் என்பதற்கான அறிகுறியாகப் பார்க்கப்படுகிறது. கூட்டணி தொடர்பான முடிவுகள் வெளியாகும் வரை அரசியல் வட்டாரங்களில் எதிர்பார்ப்பு தொடர்ந்து நிலவுகிறது.

இதையும் படிங்க: கெத்து காட்டும் ஸ்டாலின்! திமுக கூட்டணியில் ஒரே நேரத்தில் இணையும் இரண்டு கட்சிகள்.....! சூடுபிடிக்கும் அரசியல் களம்!