திடீர் பல்டி அடித்த டிடிவி தினகரன்! 2026 தேர்தல் கூட்டணியில் விஜய் வெற்றி பெற்றால் எடப்பாடி இப்படிதான் செய்வார்! அடித்து பேசியதால் அரசியலில் பரபரப்பு....

தமிழக அரசியல் மீண்டும் தீவிரமாக மாறி வரும் நிலையில், 2026 சட்டமன்றத் தேர்தல் அரசியல் கட்சிகள் இடையே கூட்டணிப் பேச்சுவார்த்தைக்கு புதிய திருப்பத்தை ஏற்படுத்தியுள்ளது. பல கட்சிகள் தங்கள் வலிமையை உறுதிப்படுத்த புதிய முகங்களை அணுகும் முயற்சியில் உள்ளன.

விஜயை தங்கள் பக்கம் இழுக்கும் அதிமுக மற்றும் பாஜக

வரவிருக்கும் தேர்தலை முன்னிட்டு, அதிமுக மற்றும் பாஜக உள்ளிட்ட கட்சிகள், கரூர் சம்பவத்தை தங்களுக்கு சாதகமாக மாற்றிக் கொண்டு நடிகர் விஜயை தங்கள் பக்கம் இழுக்கும் முயற்சியில் தீவிரமாக உள்ளன. சமீபத்தில் நடைபெற்ற பிரச்சாரக் கூட்டத்தில், இபிஎஸ் “கூட்டணிக்கு பிள்ளையார் சுழி போடப்பட்டுள்ளது” எனக் கூறி, விஜயுடன் கூட்டணி குறித்த சாத்தியத்தை சூசகமாக வெளிப்படுத்தினார். அதிமுக கூட்டணியில் இணைய விஜய்க்கு தொடர்ந்து அழைப்புகள் விடுக்கப்பட்டாலும், அவர் இதுவரை மௌனம் காத்து வருகிறார்.

இதையும் படிங்க: அப்படித்தான் சொன்னேன்... இப்படி இல்லை! விஜய்யுடன் கூட்டணி இல்லை! திடீரென பல்டி அடிக்கும் அரசியல் பிரபலம்!

எடப்பாடி மீது டிடிவி தினகரனின் கடும் குற்றச்சாட்டு

இந்நிலையில், அமமுக தலைவர் டிடிவி தினகரன் ஒரு பேட்டியில் எடப்பாடி பழனிசாமியை கடுமையாக விமர்சித்துள்ளார். “முதல்வராக ஆக்கிய சசிகலாவுக்கே துரோகம் செய்த இபிஎஸ், ஒருவேளை அதிமுக–வெற்றிக்கழகம் கூட்டணி வெற்றி பெற்றால் விஜய்யையும் ஓரம் கட்டி விடுவார்,” என தினகரன் குற்றம் சாட்டியுள்ளார். மேலும், “நானும் சசிகலாவும் கட்சியில் இருந்தால் இபிஎஸின் பதவிக்கு ஆபத்து என்பதால் தான் எங்களை நீக்கினார்,” எனவும் அவர் கூறினார்.

கொடநாடு வழக்கு மற்றும் ஜாதிவாரி கணக்கெடுப்பு குறித்து கருத்து

கொடநாடு வழக்கில் இபிஎஸ் தான் A1 குற்றவாளி என திண்டுக்கல் சீனிவாசன் தெரிவித்ததை தினகரன் சுட்டிக்காட்டினார். அதே நேரத்தில், தமிழ்நாடு அரசின் ஜாதிவாரி கணக்கெடுப்பு நடவடிக்கையை நேர்மறையாகப் பார்க்கலாம் எனவும் தனது கருத்தை தெரிவித்துள்ளார்.

வரவிருக்கும் 2026 தேர்தலை முன்னிட்டு விஜயின் அரசியல் முடிவு மிகப்பெரிய தாக்கத்தை ஏற்படுத்தும் நிலையில், அதிமுக மற்றும் பாஜக ஆகிய கட்சிகள் அவரை அணுகும் முயற்சியை தொடர்ந்து முன்னெடுத்து வருகின்றன. இதனால் தமிழக அரசியல் வட்டாரம் அடுத்த சில மாதங்களில் மிகப் பெரிய மாற்றத்தைக் காணும் என எதிர்பார்க்கப்படுகிறது.

இதையும் படிங்க: திடீர் திருப்பம்! தவெக தலைவர் விஜய்யுடன் கூட்டணி.... இபிஎஸ் அறிவித்த இறுதி முடிவு!