BREAKING: சற்றுமுன்... மகன் மிதுனின் அரசியல் வருகை குறித்து அறிவிப்பை திட்டவட்டமாக அறிவித்த எடப்பாடி...! அதிரும் அரசியல் களம்..!!!

சென்னையில் செய்தியாளர்களை சந்தித்த அதிமுக பொதுச்செயலாளர் எடப்பாடி பழனிசாமி, தனது மகன் மிதுன் அரசியலுக்கு வருவது தொடர்பாக பரவி வரும் தகவல்களுக்கு முற்றுப்புள்ளி வைத்தார். அதே நேரத்தில், மாநிலத்தின் சட்டம் ஒழுங்கு நிலை, மின்வெட்டு பிரச்சினை மற்றும் அரசின் செயல்பாடுகள் குறித்தும் பல்வேறு கேள்விகளை எழுப்பினார்.

மிதுன் அரசியலுக்கு வரமாட்டார்

செய்தியாளர்களின் கேள்விக்கு பதிலளித்த எடப்பாடி பழனிசாமி, தனது மகன் மிதுன் அதிமுகவின் அடிப்படை உறுப்பினராக மட்டுமே இருப்பதாக தெரிவித்தார். கட்சியில் எந்தப் பொறுப்பிலும் அவர் இல்லை என்றும், அரசியலில் களமிறங்கப் போகிறார் என்ற தகவல்கள் உண்மையல்ல என்றும் தெளிவுபடுத்தினார்.

இதையும் படிங்க: BREAKING: விசிக கட்சி 100% தேர்தல் களத்தில் போட்டியிடாது...! காலையிலேயே திருமாவளவன் பரபரப்பு அறிவிப்பு.!!!

மேலும், முன்னாள் அமைச்சர் விஜயபாஸ்கரின் வெற்றிக்கு அதிமுக தலைமை எடுத்த நடவடிக்கைகளே முக்கிய காரணம் என்றும் அவர் குறிப்பிட்டார்.

ஆளுநர் உரைக்கு விமர்சனம்

அண்மையில் வெளியான ஆளுநர் உரை குறித்து கருத்து தெரிவித்த அவர், மக்கள் எதிர்பார்த்த புதிய அறிவிப்புகள் எதுவும் அதில் இடம்பெறவில்லை என்றார். இரண்டு நாட்களுக்கு முன்பு வெளியிடப்பட்ட வெள்ளை அறிக்கையில் இடம்பெற்ற அம்சங்களே மீண்டும் கூறப்பட்டுள்ளதாகவும் விமர்சித்தார்.

அரசின் செயல்பாடுகள் குறித்து மக்கள் மத்தியில் ஏமாற்றம் நிலவுவதாகவும், தேர்தல் காலத்தில் வழங்கப்பட்ட பல வாக்குறுதிகள் இன்னும் நிறைவேற்றப்படவில்லை என்றும் அவர் குற்றம்சாட்டினார்.

சட்டம் ஒழுங்கு, மின்வெட்டு குறித்து கேள்வி

தமிழகத்தில் கடந்த 38 நாட்களில் 105 பாலியல் வழக்குகள் பதிவாகியுள்ளதாக சுட்டிக்காட்டிய எடப்பாடி பழனிசாமி, சட்டம் ஒழுங்கைப் பாதுகாப்பதில் அரசு போதிய கவனம் செலுத்தவில்லை என்றார்.

அதேபோல், சென்னை உள்ளிட்ட பல பகுதிகளில் நிலவும் மின்வெட்டு காரணமாக பொதுமக்கள் கடும் சிரமத்தை சந்தித்து வருவதாகவும் அவர் கூறினார். இரவு நேரங்களில் மக்கள் தூக்கமின்றி அவதிப்படுவதாக குறிப்பிட்ட அவர், சில இடங்களில் பியூஸ் கேரியர் அகற்றப்பட்டதாக கூறி தமிழகம் முழுவதும் ஏற்பட்ட மின்தடை பிரச்சினையை விளக்க முடியுமா என ஆளுங்கட்சியினரிடம் கேள்வி எழுப்பினார்.

இதையும் படிங்க: BREAKING: எனது அரசியல் பொறுப்பில் இருந்து விலகிக் கொள்கிறேன்...! சவால் விட்ட தங்கம் தென்னரசு.!!!