திமுக நாசமா போனதுக்கு காரணமே திமுககாரன் தான்..! மேடையிலேயே தோல்வி குறித்து வெளிப்படையாக பேசிய திமுக நிர்வாகி மூர்த்தி...!!!

மதுரை மேற்கு தொகுதியில் நடைபெற்ற கலைஞர் பிறந்தநாள் விழாவில் திமுக நிர்வாகி மூர்த்தி பேசிய கருத்துகள் அரசியல் வட்டாரத்தில் கவனத்தை ஈர்த்துள்ளன. தேர்தல் தோல்வி குறித்து மேடையிலேயே அவர் வெளிப்படையாக சுயவிமர்சனம் செய்ததுடன், கட்சியினரையும் கடுமையாக விமர்சித்தார். அந்தப் பேச்சின் வீடியோ தற்போது சமூக வலைத்தளங்களில் வேகமாக பரவி வருகிறது.

தோல்வி குறித்து வெளிப்படையான கருத்து

விழா மேடையில் பேசிய மூர்த்தி, இந்தத் தேர்தலில் மக்கள் தங்களுக்கு முக்கியமான பாடம் கற்றுக் கொடுத்துள்ளதாக கூறினார். அதற்காக முதலில் வாக்காளர்களுக்கு நன்றி தெரிவிப்பதாகவும், தோல்வியை ஏற்றுக்கொள்ள வேண்டிய சூழலில் தாங்கள் இருப்பதாகவும் குறிப்பிட்டார்.

அதன்பின், “திமுக நாசமாய்ப் போனதற்கு காரணமே திமுககாரன் தான்” என்று கூறி சொந்தக் கட்சியினரையே நேரடியாக விமர்சித்தார். அவரது இந்தக் கருத்து நிகழ்ச்சியில் இருந்தவர்களிடையே பரபரப்பை ஏற்படுத்தியது.

இதையும் படிங்க: எந்த கொம்பனாலும் இதை தடுக்க முடியாது! 2026 தேர்தலில் மே 5 ஆம் தேதி இது நடப்பது உறுதி.., அதிமுக EX MLA ராஜேந்திர பாலாஜி பரபரப்பு பேட்டி.!

மக்கள் மனநிலை குறித்து ஆதங்கம்

கடந்த ஒரு ஆண்டாக மதுரை மேற்கு தொகுதியில் ஊரணி, பூங்கா, மீனாட்சி அம்மன் கோவில் தொடர்பான இட வசதி உள்ளிட்ட மக்கள் கோரிய பல்வேறு அடிப்படை பணிகள் மேற்கொள்ளப்பட்டதாக மூர்த்தி தெரிவித்தார்.

ஆனால் அவை அனைத்தும் செய்யப்பட்டிருந்த போதிலும், இந்த முறை தங்களை தோற்கடிக்க வேண்டும் என்ற உறுதியான மனநிலையுடன் மக்கள் வாக்களித்ததாக அவர் ஆதங்கம் தெரிவித்தார். நல்லது செய்ததற்காக வாக்குகள் கிடைக்கவில்லை என்ற வேதனையையும் வெளிப்படுத்தினார்.

வைரலாகும் வீடியோ

மேலும், மக்கள் வழங்கிய இந்தத் தீர்ப்புக்குப் பிறகு யாரையும் குறை கூறுவதற்கோ காரணம் தேடுவதற்கோ இடமில்லை என்றும் அவர் தெரிவித்தார். திமுக நிர்வாகியின் இந்த சுயவிமர்சனப் பேச்சு அரசியல் விவாதங்களை கிளப்பியுள்ள நிலையில், அதற்கான வைரல் வீடியோ சமூக வலைத்தளங்களில் பரவலாக பகிரப்பட்டு வருகிறது.

இதையும் படிங்க: திமுக வை கடுமையாக தண்டிக்கனும்! எந்த தொகுதியிலும் வெற்றி பெற கூடாது! இதுதான் எங்களது நோக்கம்! திமுகவுக்கு இந்த தேர்தல்ல பொங்கல் வைக்கணும்! ஹெச்.ராஜாவின் அதிரடி பேச்சு!