இது என்ன கொடுமையா இருக்கு... திமுகவில் இருந்து விலகி தவெகவில் இணைந்த நிர்வாகிகள்! ஊர் மக்கள் கொடுத்த அதிரவைக்கும் தண்டனை... தமிழக அரசியலில் பரபரப்பு..!!!

நாகப்பட்டினம் அருகே திமுகவில் இருந்து விலகி விஜய் தலைமையிலான தமிழக வெற்றி கழகத்தில் இணைந்த மாற்றுக்கட்சி நிர்வாகிகள், தங்கள் சொந்த ஊரிலேயே சமூக ரீதியாக புறக்கணிக்கப்படுவதாக குற்றம்சாட்டியுள்ளனர். சுப நிகழ்ச்சிகள் மற்றும் துக்க நிகழ்வுகளில் பங்கேற்கவும் தடைகள் ஏற்படுத்தப்படுவதாக அவர்கள் வேதனை தெரிவித்துள்ளனர். பொதுமக்களிடம் பேசுவதற்கும் கட்டுப்பாடு விதிக்கப்படுவதாக கூறப்படுகிறது.

சுப நிகழ்ச்சிகளிலும் பங்கேற்க முடியாத நிலை

நாகப்பட்டினம் சுற்றுவட்டாரப் பகுதியில் தமிழக வெற்றி கழகத்தில் இணைந்த சில நிர்வாகிகளுக்கு இந்த நிலை ஏற்பட்டுள்ளதாக கூறப்படுகிறது. தங்களது குடும்ப நிகழ்ச்சிகள் மட்டுமின்றி, ஊரில் நடைபெறும் திருமணம் உள்ளிட்ட சுப நிகழ்ச்சிகளுக்கும், துக்க நிகழ்வுகளுக்கும் செல்ல முடியாத சூழல் உருவாகியுள்ளதாக பாதிக்கப்பட்டவர்கள் தெரிவித்துள்ளனர். இதனால் குடும்பத்தினரும் மன உளைச்சலுக்கு ஆளாகியுள்ளதாக கூறப்படுகிறது.

இதையும் படிங்க: திடீர் ட்விஸ்ட்.... என்னையும் தான் CM ஆக்க ஆசைப்படுறாங்க....! உண்மையை புட்டு புட்டு வைத்த திருமாவளவன்...!!!

பொதுமக்களிடம் பேசவும் தடையா?

அரசியல் நிலைப்பாட்டை மாற்றிக் கொண்டதற்காகவே தங்களை ஒதுக்குவதாக பாதிக்கப்பட்டவர்கள் குற்றம்சாட்டுகின்றனர். குறிப்பாக, தமிழக வெற்றி கழகம் கட்சியில் இணைந்த பிறகு ஊரில் தங்களுடனான தொடர்புகளை சிலர் துண்டித்ததாகவும், பொதுமக்களிடம் பேசக் கூடாது என கட்டுப்பாடுகள் விதிக்கப்படுவதாகவும் அவர்கள் தெரிவித்துள்ளனர். இதுதொடர்பாக தங்களுக்கு பாதுகாப்பும் உரிய தீர்வும் தேவை என கோரிக்கை விடுத்துள்ளனர்.

காவல்துறை தலையிட கோரிக்கை

ஜனநாயக முறையில் ஒருவர் தனது அரசியல் விருப்பத்துக்கு ஏற்ப ஒரு கட்சியில் இருந்து மற்றொரு கட்சிக்கு மாறுவது இயல்பானது என கூறும் பாதிக்கப்பட்ட குடும்பத்தினர், இதற்காக சமூக ரீதியாக புறக்கணிப்பது ஏற்கத்தக்கதல்ல என தெரிவித்துள்ளனர். இதையடுத்து, நாகப்பட்டினம் காவல்துறை மற்றும் மாவட்ட நிர்வாகம் விவகாரம் குறித்து விசாரித்து உரிய நடவடிக்கை எடுக்க வேண்டும் என்றும் அவர்கள் கோரிக்கை விடுத்துள்ளனர்.

அரசியல் மாற்றத்தைத் தொடர்ந்து ஏற்பட்டதாக கூறப்படும் இந்தப் புறக்கணிப்பு குற்றச்சாட்டு அப்பகுதியில் பரபரப்பை ஏற்படுத்தியுள்ளது. புகார் தொடர்பாக அதிகாரிகள் விசாரணை நடத்தி, உண்மை நிலவரத்தை தெளிவுபடுத்த வேண்டும் என்பதே பாதிக்கப்பட்டவர்களின் எதிர்பார்ப்பாக உள்ளது.

இதையும் படிங்க: BREAKING: 5 திமுக MLA-க்கள் ராஜினாமா?.... பனையூர் தலைமை அலுவலகத்தில் தவெக- வின் தரமான சம்பவம்! அதிர்ச்சியில் ஸ்டாலின்....!!!