அரசியல் வியூகம்! அடுத்தக்கட்டாமாக அதிமுக அடையாளங்களை தவிர்த்த சி.விஜயபாஸ்கர்!!!

அதிமுக முன்னாள் அமைச்சர் சி.விஜயபாஸ்கரின் சமீபத்திய அரசியல் நடவடிக்கைகள் தமிழக அரசியலில் புதிய பரபரப்பை ஏற்படுத்தியுள்ளன. பொதுநிகழ்ச்சி ஒன்றில் அவர் பேசிய விதமும், கட்சி அடையாளங்களைத் தவிர்த்திருந்ததும் பல்வேறு கேள்விகளை எழுப்பியுள்ளது. இதனால் அவரது அடுத்தகட்ட அரசியல் நகர்வு குறித்து கட்சித் தொண்டர்கள் மற்றும் அரசியல் வட்டாரங்களில் தீவிர விவாதம் நிலவி வருகிறது.

கட்சி அடையாளங்களைத் தவிர்த்த பேச்சு

புதுக்கோட்டை மாவட்டத்தில் நடைபெற்ற பொதுநிகழ்ச்சியில் வாக்காளர்களுக்கு நன்றி தெரிவித்து சி.விஜயபாஸ்கர் உரையாற்றினார். ஆனால் அவரது பேச்சில் ஒரு இடத்திலும் அதிமுக பெயர் இடம்பெறவில்லை. அதேபோல் கட்சியின் பொதுச்செயலாளர் இபிஎஸ், இரட்டை இலை சின்னம் உள்ளிட்ட முக்கிய அடையாளங்களும் குறிப்பிடப்படாதது கவனத்தை ஈர்த்தது.

இதையும் படிங்க: அங்க போன பிரச்சனை வரும்! திமுக பக்கம் திசை திருப்பிய சி.விஜயபாஸ்கர்..... புதுக்கோட்டையில் அரங்கேறப்போகும் அரசியல்...!!!

பொதுவாக அதிமுக துண்டு அணிந்து பொதுநிகழ்ச்சிகளில் பங்கேற்கும் அவர், இம்முறை அந்த அடையாளத்தையும் தவிர்த்திருந்தது தொண்டர்கள் மத்தியில் ஆச்சரியத்தை ஏற்படுத்தியுள்ளது.

அழைப்பிதழிலும் இல்லை கட்சி சின்னம்

நிகழ்ச்சிக்காக அவரது தரப்பில் வெளியிடப்பட்ட அதிகாரப்பூர்வ அழைப்பிதழிலும் அதிமுக பெயர், இரட்டை இலை சின்னம் அல்லது கட்சித் தலைவர்களின் படங்கள் இடம்பெறவில்லை. வழக்கமாக அரசியல் நிகழ்வுகளில் காணப்படும் கட்சி சார்ந்த அடையாளங்கள் எதுவும் இல்லாதது மேலும் சந்தேகங்களை உருவாக்கியுள்ளது.

தகவலின்படி, இந்த மாற்றம் சாதாரண நடைமுறையா அல்லது திட்டமிட்ட அரசியல் சைகையா என்பது குறித்து கட்சி நிர்வாகிகள் மத்தியில் ஆலோசனைகள் நடைபெற்று வருகின்றன.

அரசியல் வட்டாரத்தில் அதிகரிக்கும் ஊகங்கள்

ஏற்கனவே சில முக்கிய நிர்வாகிகளின் கட்சி மாற்றம் தொடர்பான விவாதங்கள் நீடித்து வரும் நிலையில், சி.விஜயபாஸ்கரின் இந்த நடவடிக்கை அதிமுக தலைமையினருக்கு புதிய சவாலாக பார்க்கப்படுகிறது. குறிப்பாக இபிஎஸ் தலைமையின் கீழ் கட்சியின் எதிர்காலம் குறித்த விவாதங்களும் மீண்டும் தீவிரமடைந்துள்ளன.

இதுவரை சி.விஜயபாஸ்கர் தரப்பிலிருந்து எந்த அதிகாரப்பூர்வ விளக்கமும் வெளியாகவில்லை. இதையடுத்து அவர் வேறு அரசியல் பாதையைத் தேர்வு செய்ய உள்ளாரா என்ற கேள்வி சமூக வலைதளங்களில் வேகமாகப் பரவி வருகிறது.

இதையும் படிங்க: திடீர் திருப்பம்! கச்சிதமாக காய் நகர்த்தும் முஸ்லிம் லீக் கட்சி! விஜய்யின் தவெக உடன் ரகசிய டீல்? அதிர்ச்சியில் அறிவாலயம்..!!!