அதிர்ச்சியில் CM விஜய்! ஆதரவை வாபஸ் வாங்கும் 4 கட்சிகள்..... தவெக ஆட்சியின் சிக்கலுக்கு அதிமுக தான் காரணமா? இரண்டுக்கும் இடையில் சிக்கித்தவிக்கும் முதல்வர் விஜய்..!!!

அதிமுக அதிருப்தி எம்எல்ஏக்களை அமைச்சரவையில் சேர்க்கும் முயற்சி நடைபெறுவதாக வெளியாகியுள்ள தகவல்கள் தமிழக அரசியலில் புதிய பரபரப்பை ஏற்படுத்தியுள்ளன. இந்த நிலையில், அத்தகைய முடிவு எடுக்கப்பட்டால் முதலமைச்சர் விஜய் தலைமையிலான அரசுக்கு அளித்து வரும் ஆதரவை மறுபரிசீலனை செய்ய நேரிடும் என சிபிஎம் கட்சி கடும் எச்சரிக்கை விடுத்துள்ளது.

இந்த விவகாரத்தில் சிபிஐ, விசிக மற்றும் ஐயூஎம்எல் உள்ளிட்ட கூட்டணிக் கட்சிகளும் அதிருப்தி தெரிவித்துள்ளதாக அரசியல் வட்டாரங்களில் தகவல் பரவி வருகிறது.

இதையும் படிங்க: கூட்டம் கூட்டமாக அதிமுக எம்.எல்.ஏ-க்கள் தவெக-விற்கு ஆதரவு.? ஆனால் விஜய்க்கு காத்திருக்கும் பேரதிர்ச்சி! ஆதரவா..? ஆபத்தா..? ஊழலலற்ற அரசியலில் அதிரடி திருப்பம்..!!!

கூட்டணியில் அதிகரிக்கும் அதிருப்தி

அதிமுக அதிருப்தி எம்எல்ஏக்களை அமைச்சரவையில் சேர்ப்பது தங்களின் அரசியல் கொள்கைகளுக்கு முரணானது என கூட்டணிக் கட்சிகள் கருதுவதாக கூறப்படுகிறது. இதனால் கூட்டணிக்குள் கருத்து வேறுபாடுகள் வெளிப்படையாகத் தெரிய தொடங்கியுள்ளன.

குறிப்பாக சிபிஎம் கட்சியின் எச்சரிக்கை அரசியல் வட்டாரத்தில் முக்கிய கவனத்தை பெற்றுள்ளது. அமைச்சரவை விரிவாக்கம் தொடர்பான நகர்வுகள் தொடர்ந்தால், கூட்டணியில் மேலும் சிக்கல்கள் உருவாகலாம் என கூறப்படுகிறது.

சட்டமன்றத்தில் தற்போதைய பலம்

தற்போது முதலமைச்சர் விஜய் தலைமையிலான தவெக அரசுக்கு மொத்தம் 144 எம்எல்ஏக்களின் ஆதரவு இருப்பதாகக் கூறப்படுகிறது. இதில் தவெகவின் 106 உறுப்பினர்களுடன், அதிமுக அதிருப்தி தரப்பின் 25 எம்எல்ஏக்கள், காங்கிரஸின் 5 உறுப்பினர்கள் மற்றும் கூட்டணிக் கட்சிகளான சிபிஐ, சிபிஎம், விசிக, ஐயூஎம்எல் ஆகியவற்றின் தலா 2 உறுப்பினர்கள் ஆதரவு வழங்கி வருகின்றனர்.

இந்த எண்ணிக்கையின் அடிப்படையில் அரசு தற்போது பெரும்பான்மை பலத்துடன் செயல்பட்டு வருகிறது.

ஆட்சிக்கு உடனடி ஆபத்து இல்லை?

ஒருவேளை கூட்டணியில் உள்ள இடதுசாரி மற்றும் கூட்டணி கட்சிகள் ஆதரவை வாபஸ் பெற்றாலும், அரசுக்கு உடனடி பாதிப்பு இருக்காது என அரசியல் பார்வையாளர்கள் கருதுகின்றனர்.

ஏனெனில், தவெகவின் சொந்த பலமான 106 எம்எல்ஏக்களுடன் காங்கிரஸின் 5 உறுப்பினர்கள் மற்றும் அதிமுக அதிருப்தி அணியின் 25 எம்எல்ஏக்கள் இணைந்தால், முதலமைச்சர் விஜய் அரசுக்கு 136 உறுப்பினர்களின் ஆதரவு தொடரும். இதனால் சட்டமன்ற பெரும்பான்மை பாதிக்கப்படாமல் அரசு நிலையாக நீடிக்கும் என அரசியல் வல்லுநர்கள் மதிப்பிடுகின்றனர்.

இதையும் படிங்க: உச்சக்கட்ட பரபரப்பு! தவெக அமைச்சரவையில் 8 அதிமுக எம்எல்ஏக்கள்.? சட்டப்பேரவையில் முதல்வர் முன் நடந்த அந்த ஒரு விஷயம்! அடுத்த 2 நாட்களில் நடக்கும் அதிரடி அரசியல்!!!