திடீர் விசிட்! நான் இருக்கேன்.. உங்களை பார்த்துகிறேன்...கவலைப்படாதீங்க! கண்ணீருடன் நின்ற அதிமுக எம்.எல்.ஏ கையை பிடித்து முதல்வர் விஜய் செய்த நெகிழ்ச்சி செயல்....!!!
சென்னை எம்.ஆர்.சி நகரில் சி.வி. சண்முகத்தின் அலுவலகத்திற்கு முதல்வர் விஜய் திடீர் வருகை தந்து, அதிமுக எம்.எல்.ஏ-வுக்கு ஆறுதல் கூறிய சம்பவம் கவனம் பெற்றுள்ளது.
by
சென்னை எம்.ஆர்.சி நகரில் உள்ள அதிமுக முன்னாள் அமைச்சர் சி.வி. சண்முகத்தின் அலுவலகத்திற்கு தமிழக முதல்வர் விஜய் இன்று திடீரென சென்றது அரசியல் வட்டாரத்தில் பரபரப்பை ஏற்படுத்தியுள்ளது. சட்டப்பேரவை பதவியேற்பு நிகழ்ச்சியில் உணர்ச்சிவசப்பட்டிருந்த பண்ருட்டி அதிமுக எம்.எல்.ஏவை நேரில் சந்தித்து பேசியதே இந்த வருகையின் முக்கிய அம்சமாக பார்க்கப்படுகிறது.
பதவியேற்பு நிகழ்ச்சிக்குப் பிறகு திடீர் சந்திப்பு
சமீபத்தில் நடைபெற்ற சட்டப்பேரவை பதவியேற்பு விழாவில், பண்ருட்டி தொகுதியைச் சேர்ந்த அதிமுக எம்.எல்.ஏ கண்கலங்கியிருந்தது அங்கிருந்த பலரின் கவனத்தையும் ஈர்த்தது. அதை கவனித்திருந்த முதல்வர் விஜய், இன்று நேரடியாக சென்று அவரைச் சந்தித்ததாக தகவல்கள் தெரிவிக்கின்றன.
அலுவலகத்தில் இருந்தவர்களிடையே ஆச்சரியத்தை ஏற்படுத்திய இந்த சந்திப்பின் போது, எம்.எல்.ஏவின் கரங்களைப் பற்றியபடி, “நான் இருக்கேன்... உங்களைப் பார்த்துக்கிறேன்... எதற்கும் கவலைப்படாதீங்க” என்று முதல்வர் விஜய் ஆறுதல் கூறியதாக கூறப்படுகிறது.
அரசியல் நாகரிகம் என சமூக வலைதளங்களில் பாராட்டு
எதிர்க்கட்சியைச் சேர்ந்த ஒருவரின் உணர்வுகளுக்கு மதிப்பளித்து நேரில் சென்று சந்தித்த முதல்வரின் இந்த செயல், அரசியல் வட்டாரத்தில் பேசுபொருளாகியுள்ளது. குறிப்பாக, கட்சி வேறுபாட்டை தாண்டிய அணுகுமுறையாக இதை பலரும் குறிப்பிடுகின்றனர்.
இதையடுத்து, இந்த சந்திப்பு தொடர்பான தகவல்கள் மற்றும் புகைப்படங்கள் சமூக வலைதளங்களில் வேகமாக பரவி வருகின்றன. பலரும் இதை அரசியல் நாகரிகம் என பாராட்டி பதிவிட்டு வருகின்றனர்.
எம்.ஆர்.சி நகரில் கூடிய ஆதரவாளர்கள்
முதல்வரின் வருகை குறித்த தகவல் வெளியானதும், எம்.ஆர்.சி நகரில் உள்ள அலுவலகம் அருகே ஆதரவாளர்கள் மற்றும் நிர்வாகிகள் திரண்டனர். குறுகிய நேரம் மட்டுமே நீடித்த இந்த சந்திப்பு, தற்போதைய தமிழக அரசியலில் முக்கியமான சிக்னலாக பார்க்கப்படுகிறது.
இதையும் படிங்க: விசில் அடித்து வெற்றியை கொண்டாடும் விஜய் குடும்பம்! வைரலாகும் வீடியோ!!!
