ரூ.5,000 கோடி மோசடி வழக்கில் சிக்கிய பிரபல செய்தி சேனல் இயக்குனர்! அதிரடி கைதால் நெஞ்சுவலி நாடகம்...! அடுக்கடுக்காக அம்பலமான அதிர்ச்சி பின்னணி...!!

பாரத் லஜ்னா மல்டி-ஸ்டேட் ஹவுசிங் கோ-ஆபரேட்டிவ் சொசைட்டியின் நிறுவனத் தலைவர் ஆர். பிரேம்குமார், ரூ.5,000 கோடி நிதி மோசடி வழக்கில் சென்னையில் கேரள போலீசாரால் கைது செய்யப்பட்டுள்ளார். கோழிக்கோடு மாவட்ட குற்றப்பிரிவு பொருளாதாரக் குற்றப் பிரிவு அதிகாரிகள் அவரது இல்லத்தில் வைத்து இந்த நடவடிக்கையை மேற்கொண்டனர். கைது செய்யப்பட்டதும் நெஞ்சுவலி ஏற்பட்டதாகக் கூறிய பிரேம்குமார், சென்னை நுங்கம்பாக்கம் அரசு மருத்துவமனையில் சிகிச்சைக்காக அனுமதிக்கப்பட்டுள்ளார்.

அதிக வட்டி தருவதாகக் கூறி டெபாசிட் வசூல்

சென்னையைத் தலைமையிடமாகக் கொண்டு 2006-ஆம் ஆண்டு தொடங்கப்பட்ட BLM கூட்டுறவு சங்கம், அதிக வட்டி கிடைக்கும் எனக் கூறி பொதுமக்கள் மற்றும் முதியவர்களிடம் பெருமளவில் டெபாசிட் தொகையைப் பெற்றதாகக் கூறப்படுகிறது. ஆனால், முதிர்வுக் காலம் முடிந்த பிறகும் பணம் திருப்பித் தரப்படவில்லை எனப் பலர் புகார் அளித்துள்ளனர். இதுதொடர்பான விசாரணையில், டெபாசிட்தாரர்களிடம் வசூலித்த பணம் கூட்டுறவு விதிகளுக்கு மாறாகப் பிரேம்குமார், அவரது குடும்பத்தினர் மற்றும் தொடர்புடைய நிறுவனங்களின் கணக்குகளுக்கு மாற்றப்பட்டதாகப் புலனாய்வு அமைப்புகள் குற்றம்சாட்டியுள்ளன.

இதையும் படிங்க: BREAKING: சற்று முன்... அம்பாசமுத்திரம் தொகுதி இடைத்தேர்தலில் போட்டி...! சீமான் அதிரடி அறிவிப்பு..!!!

பல துறைகளில் முதலீடு செய்ததாகக் குற்றச்சாட்டு

பிரேம்குமார் நான்கு நண்பர்களுடன் இணைந்து தொடங்கிய இந்த அமைப்பு, பின்னர் தமிழ்நாடு, கேரளா, புதுச்சேரி உள்ளிட்ட பகுதிகளில் பல்வேறு துறைகளில் விரிவடைந்தது. நில மேம்பாடு, சிமெண்ட் ஆலைகள், தங்க நகை விற்பனை, சொகுசு விடுதிகள், கல்வி நிறுவனங்கள் உள்ளிட்ட தொழில்களில் முதலீடுகள் செய்யப்பட்டதாகத் தகவல்கள் வெளியாகியுள்ளது. பொதுமக்களிடம் திரட்டப்பட்ட பணத்தைப் பயன்படுத்தி சொத்துகள் வாங்கப்பட்டனவா, நிதி முறைகேடுகள் நடந்தனவா என்பன உள்ளிட்ட அம்சங்கள் விசாரணையில் உள்ளன.

சட்டவிரோத பணப் பரிவர்த்தனை குறித்தும் விசாரணை

இந்த விவகாரத்தில் சட்டவிரோத பணப் பரிவர்த்தனை மற்றும் ஹவாலா தொடர்பான குற்றச்சாட்டுகள் குறித்தும் அமலாக்கத்துறை தனியாக விசாரித்து வருகிறது. அதிகாரிகளுக்கு லஞ்சம் கொடுக்க முயன்றதாகவும் பிரேம்குமார் மீது குற்றச்சாட்டு எழுந்துள்ளது. எனினும், இந்தக் குற்றச்சாட்டுகள் தொடர்பான முழு விவரங்களும் விசாரணை மற்றும் நீதிமன்ற நடவடிக்கைகள் மூலமே உறுதியாகும்.

மருத்துவமனையில் சிகிச்சை முடிந்ததும், நீதிமன்ற அனுமதியுடன் பிரேம்குமாரை கேரளாவுக்கு அழைத்துச் செல்ல போலீசார் திட்டமிட்டுள்ளனர். கடந்த ஜூலை 3, 2026 அன்று, தனியார் செய்தித் தொலைக்காட்சி நிர்வாகக் குழுவினருடன் தமிழக முதல்வர் விஜய்யைச் சந்தித்துப் புகைப்படம் எடுத்துக்கொண்டதாகவும் தகவல் வெளியாகியுள்ளது. ரூ.5,000 கோடி நிதி மோசடி வழக்கில் அவர் கைது செய்யப்பட்டிருப்பது ஊடக மற்றும் வணிக வட்டாரங்களில் கவனத்தை ஈர்த்துள்ளது.

இதையும் படிங்க: அன்னைக்கு அந்த காரிலேயே முடிச்சிருக்கலாம்....! CM விஜய்க்கு கொலை மிரட்டல் விடுத்த திமுக கவுன்சிலர் சற்று முன் கைது...!!!