உள்ளாட்சி தேர்தலில் போட்டி..! சற்று முன் அறிவித்த அண்ணாமலை! ஆட்டம் காணும் தமிழக அரசியல்.களம்..!!!
WE THE LEADERS இயக்கத்தில் இதுவரை 18 லட்சம் பேர் தாமாக முன்வந்து இணைந்துள்ளதாக அண்ணாமலை தெரிவித்துள்ளார். உள்ளாட்சித் தேர்தலில் உறுப்பினர்கள் பங்கேற்க வேண்டும் என்றும் அவர் விருப்பம் தெரிவித்துள்ளார்.
by
WE THE LEADERS இயக்கம் தொடர்ந்து சரியான திசையில் பயணித்து வருவதாக பா.ஜ.க தலைவர் அண்ணாமலை தெரிவித்துள்ளார். எந்தவித தனிப்பட்ட அழைப்பும் விடுக்கப்படாத நிலையில், லட்சக்கணக்கான மக்கள் தாமாக முன்வந்து இயக்கத்தில் இணைந்திருப்பது மகிழ்ச்சியளிப்பதாகவும் அவர் கூறியுள்ளார்.
இயக்கத்தின் வளர்ச்சி குறித்து பேசிய அண்ணாமலை, பா.ஜ.கவினர் உள்ளிட்ட யாருக்கும் உறுப்பினராக இணைய தனிப்பட்ட முறையில் அழைப்பு விடுக்கப்படவில்லை என்றார். இருந்தபோதிலும், எந்தவித எதிர்பார்ப்புமின்றி இதுவரை சுமார் 18 லட்சம் பேர் இயக்கத்தில் இணைந்திருப்பதாக அவர் குறிப்பிட்டார்.
18 லட்சம் உறுப்பினர்கள் இணைந்ததாக தகவல்
WE THE LEADERS இயக்கம் மக்கள் மத்தியில் நல்ல வரவேற்பைப் பெற்று வருவதாக தெரிவித்த அண்ணாமலை, அதன் வளர்ச்சி தங்களது எதிர்பார்ப்புகளை விட அதிகமாக இருப்பதாகவும் கூறினார். சமூக மாற்றத்தையும் தலைமைத்துவ வளர்ச்சியையும் நோக்கமாகக் கொண்டு இயக்கம் செயல்பட்டு வருவதாக அவர் விளக்கமளித்தார்.
இதையும் படிங்க: ஒரே நாளில் மட்டும் 13 லட்சம் பேரா..? இது தனி மனிதன் பயணம் அல்ல... மாற்றத்தை விரும்பும் மக்கள் கூட்டத்தின் பயணம்! அண்ணாமலை உருக்கம்...!!!
அரசியல் கட்சியாக மாறினால் வேறுபட்ட அணுகுமுறை
மேலும், எதிர்காலத்தில் இந்த இயக்கம் அரசியல் கட்சியாக மாறும் சூழல் ஏற்பட்டால், அதன் செயல்பாட்டு முறை மற்றும் அடையாளம் தற்போதைய அரசியல் கட்சிகளிலிருந்து மாறுபட்டதாக இருக்கும் என அண்ணாமலை தெரிவித்தார்.
அதே நேரத்தில், தற்போது இயக்கத்தின் முக்கிய நோக்கம் சமூக பங்களிப்பையும் தலைமைத்துவ திறன்களையும் வளர்ப்பதே என்றும் அவர் சுட்டிக்காட்டினார்.
உள்ளாட்சித் தேர்தலில் களமிறங்க வேண்டும்
இயக்கத்தில் உள்ள உறுப்பினர்கள் வரவிருக்கும் உள்ளாட்சித் தேர்தல் களத்தில் போட்டியிட வேண்டும் என தனது விருப்பத்தை அண்ணாமலை வெளிப்படுத்தினார். மேலும், மக்கள் நலப் பணிகளில் தீவிரமாக ஈடுபட்டு சமூக மாற்றத்திற்கான முன்னுதாரணமாக திகழ வேண்டும் என்றும் அவர் வலியுறுத்தினார்.
இயக்க உறுப்பினர்கள் பொதுமக்களுடன் நெருக்கமாக செயல்பட்டு உள்ளூர் பிரச்சினைகளுக்கு தீர்வு காணும் பணிகளில் பங்கெடுத்தால், அதன் தாக்கம் எதிர்காலத்தில் மேலும் அதிகரிக்கும் என அரசியல் வட்டாரங்களில் பேசப்படுகிறது.
