பாஜக பத்தி அண்ணாமலை சொன்ன அந்த ஒரு வார்த்தை.... இனி மோடிக்கு அந்த ஒரு கௌரவம் மட்டும்தானாம்! தமிழக அரசியல் களத்தில் நடக்கும் அதிரடி மாற்றம்..!!!

தமிழக அரசியலில் புதிய திருப்பத்தை ஏற்படுத்தும் வகையில், பாஜகவில் இருந்து அண்மையில் விலகிய அண்ணாமலை தனது புதிய அரசியல் இயக்கத்தை அதிகாரப்பூர்வமாக அறிவித்துள்ளார். மக்களுக்கு அரசியல் பயிற்சி வழங்கும் நோக்கில் தொடங்கப்படும் இந்த இயக்கம், சரியான நேரத்தில் அரசியல் கட்சியாக மாற்றப்பட்டு அடுத்த பொதுத்தேர்தலில் போட்டியிடும் என்றும் அவர் தெரிவித்துள்ளார்.

இன்று நடைபெற்ற இன்ஸ்டாகிராம் நேரலையில் தொண்டர்களுடன் கலந்துரையாடிய அண்ணாமலை, www.wearetheleader.org இணையதளம் மூலம் பொதுமக்கள் இயக்கத்தில் இணையலாம் என்று அழைப்பு விடுத்தார். இந்த அறிவிப்பு தமிழக அரசியல் வட்டாரங்களில் பரவலான கவனத்தை ஈர்த்துள்ளது.

இதையும் படிங்க: களத்தில் இறங்கிய சசிகலா! தென்னந்தோப்பு சின்னம் விஜய்யுடன் கூட்டணியா?... மறைமுக பதிலால் தமிழக அரசியலில் அடுத்த பரபரப்பு!!!

புதிய இயக்கம் முதல் தேர்தல் வரை

நேரலையின் போது பேசிய அண்ணாமலை, மக்கள் மத்தியில் அரசியல் விழிப்புணர்வையும் தலைமைத்துவ திறன்களையும் வளர்க்கும் வகையில் பயிற்சிகள் வழங்கப்படும் என்றார். அதன்பின், இந்த இயக்கம் முழுமையான அரசியல் இயக்கம் மட்டுமல்லாமல் அரசியல் கட்சியாகவும் உருவெடுக்கும் எனக் கூறினார்.

வரவிருக்கும் பொதுத்தேர்தலில் தங்களது கட்சி நிச்சயம் களம் காணும் என்றும் அவர் உறுதியளித்தார். இதனால் அவரது அடுத்தகட்ட அரசியல் பயணம் குறித்து பல்வேறு விவாதங்கள் எழுந்துள்ளன.

மோடியுடன் உறவு குறித்து விளக்கம்

“உங்களுக்கும் பிரதமர் மோடிக்கும் இடையேயான உறவு இனி எப்படி இருக்கும்?” என்ற கேள்விக்கு பதிலளித்த அண்ணாமலை, “பிரதமர் மோடி எப்போதும் நம்முடைய பிரதமர்தான். அவருக்கான மரியாதை எப்போதும் இருக்கும்” என்றார்.

அதே நேரத்தில், தமிழக நலனை பாதிக்கும் எந்த விவகாரமாக இருந்தாலும் அதில் பாஜக கொள்கைகளை விமர்சிக்கவோ, கேள்வி எழுப்பவோ தயங்கமாட்டேன் என்றும் தெரிவித்தார். மத்திய அரசின் மும்மொழி கொள்கை தொடர்பான அண்மைய மாற்றங்களை எதிர்த்து தான் கருத்து தெரிவித்ததையும் அவர் நினைவுபடுத்தினார்.

“பாஜகவையும் மற்ற கட்சிகளைப் போலவே பார்ப்பேன்”

இனி தமிழகத்தில் உள்ள மற்ற அரசியல் கட்சிகளை அணுகுவது போலவே பாஜகவையும் அணுகப் போவதாக அண்ணாமலை தெரிவித்தார். திமுக, அதிமுக, தவெக உள்ளிட்ட கட்சிகளையும், சீமான், அன்புமணி ராமதாஸ், ஜி.கே. வாசன், பிரேமலதா விஜயகாந்த், வைகோ உள்ளிட்ட தலைவர்களையும் எப்படி பார்க்கிறோமோ, அதே பார்வையில்தான் பாஜகவையும் பார்ப்பேன் என்று கூறினார்.

அரசியல் ரீதியாக யாரிடமும் தனிப்பட்ட பகைமை இல்லை என்றும், ஒவ்வொரு கட்சியும் தங்களது கொள்கைகளை முன்னிறுத்துவது போல தங்களது இயக்கமும் தனது சொந்த கொள்கைகளை அடிப்படையாகக் கொண்டு செயல்படும் என்றும் விளக்கமளித்தார்.

எதிர்ப்பதற்காக மட்டும் அரசியல் செய்யும் நடைமுறையை மாற்றி, ஆரோக்கியமான அரசியலை முன்னெடுக்க விரும்புவதாகவும் அவர் குறிப்பிட்டார். யாருக்கும் போட்டியாக தாங்கள் வரவில்லை என்றும், தங்களது செயல்பாடுகள் மற்றும் தரத்தை மதிப்பீடு செய்து மக்களே தீர்மானிப்பார்கள் என்ற நம்பிக்கையையும் வெளிப்படுத்தினார்.

அண்ணாமலையின் இந்த புதிய நிலைப்பாடு, தமிழக நலன் சார்ந்த பிரச்சினைகளில் இனி அவர் பாஜக மீதும் வெளிப்படையாக கருத்து தெரிவிக்கத் தயாராக இருப்பதை காட்டுவதாக அரசியல் பார்வையாளர்கள் மதிப்பிடுகின்றனர்.

இதையும் படிங்க: BREAKING: விசிக கட்சி 100% தேர்தல் களத்தில் போட்டியிடாது...! காலையிலேயே திருமாவளவன் பரபரப்பு அறிவிப்பு.!!!