சிங்கம் ஒன்று புறப்பட்டது.... ரஜினி ஆதரவுடன் புதிய கட்சி..? தவெக-வை வீழ்த்த பாஜக-வின் பலே திட்டம்! கோவையில் ஒட்டப்பட்ட போஸ்டரால் பரபரப்பு..!!!
அண்ணாமலை புதிய கட்சி தொடங்குவதாக வெளியாகியுள்ள தகவல்களைத் தொடர்ந்து கோவையில் போஸ்டர்கள் ஒட்டப்பட்டுள்ளன. இதனால் தமிழக அரசியலில் புதிய விவாதம் எழுந்துள்ளது.
by
தமிழக பாஜக தலைவர் அண்ணாமலை புதிய அரசியல் கட்சி தொடங்கவுள்ளதாக வெளியாகியுள்ள தகவல்கள் அரசியல் வட்டாரங்களில் பரபரப்பை ஏற்படுத்தியுள்ளன. ஜூன் 4-ஆம் தேதி அவரது பிறந்தநாளை முன்னிட்டு இந்த அறிவிப்பு வெளியாகலாம் என்ற பேச்சு நிலவி வருகிறது. இதற்கிடையில் கோவையில் ஒட்டப்பட்டுள்ள போஸ்டர்கள் புதிய விவாதத்துக்கு வழிவகுத்துள்ளன.
கோவையில் பரபரப்பை ஏற்படுத்திய போஸ்டர்கள்
அண்ணாமலை பாஜகவிலிருந்து விலகி, ‘மக்கள் சக்தி இயக்கம்’ என்ற பெயரில் புதிய கட்சியைத் தொடங்க வேண்டும் என்று வலியுறுத்தும் வகையில் அவரது ஆதரவாளர்கள் எனக் கூறப்படுபவர்கள் கோவையின் பல பகுதிகளில் போஸ்டர்களை ஒட்டியுள்ளனர். இந்த போஸ்டர்கள் சமூக வலைத்தளங்களிலும் வேகமாகப் பரவி வருகின்றன.
இதையும் படிங்க: தந்தை முதல்வர் பதவியேற்ற நாளில் மகன் சஞ்சய் போட்ட அந்த ஒரு பதிவு.....! அதைக்கண்டு அதிர்ச்சியில் விஜய்..!!!!!
அந்த போஸ்டர்களில், புதிய அரசியல் முயற்சிக்கு நடிகர் ரஜினிகாந்த் ஆதரவளிப்பது போன்ற தோற்றம் உருவாக்கப்பட்டுள்ளது. மேலும், ரஜினிகாந்தின் பிரபலமான ‘சிங்கம் ஒன்று புறப்பட்டதே’ என்ற பாடல் வரியும் முக்கியமாக இடம்பெற்றுள்ளது. இதனால் அண்ணாமலை ஆதரவாளர்கள் மட்டுமல்லாமல் ரஜினி ரசிகர்களிடையேயும் இந்த விவகாரம் கவனம் பெற்றுள்ளது.
ரஜினி ரசிகர்களை ஈர்க்கும் முயற்சியா?
ஆன்மீக அரசியல் மற்றும் மாற்று அரசியல் குறித்து கடந்த காலங்களில் ரஜினிகாந்த் பேசிய கருத்துகளை கருத்தில் கொண்டு, அவரது ரசிகர்களின் ஆதரவைப் பெறும் நோக்கில் இந்த வாசகம் பயன்படுத்தப்பட்டிருக்கலாம் என சில அரசியல் பார்வையாளர்கள் கருதுகின்றனர். இருப்பினும், இதுகுறித்து அண்ணாமலை அல்லது ரஜினிகாந்த் தரப்பில் எந்த அதிகாரப்பூர்வ விளக்கமும் வெளியாகவில்லை.
அரசியல் வட்டாரங்களில் பல்வேறு யூகங்கள்
அண்ணாமலையின் அரசியல் எதிர்காலம் குறித்து பல்வேறு கருத்துகள் முன்வைக்கப்பட்டு வருகின்றன. குறிப்பாக, புதிய கட்சி தொடர்பான தகவல்களின் பின்னணியில் பெரிய அரசியல் கணக்குகள் இருக்கலாம் என விமர்சகர்கள் கூறுகின்றனர். மாநில அரசியலில் புதிய சக்தியாக உருவாகும் முயற்சியா அல்லது குறிப்பிட்ட வாக்காளர்களை கவரும் அரசியல் உத்தியா என்பது குறித்து பல்வேறு யூகங்கள் பரவி வருகின்றன.
எனினும், புதிய கட்சி தொடங்கப்படுவது தொடர்பாக இதுவரை எந்த அதிகாரப்பூர்வ அறிவிப்பும் வெளியாகாத நிலையில், கோவையில் ஒட்டப்பட்டுள்ள போஸ்டர்களே தற்போது அரசியல் விவாதத்தின் மையமாக மாறியுள்ளன.
இதையும் படிங்க: திடீர் திருப்பம்! கச்சிதமாக காய் நகர்த்தும் முஸ்லிம் லீக் கட்சி! விஜய்யின் தவெக உடன் ரகசிய டீல்? அதிர்ச்சியில் அறிவாலயம்..!!!
