பாஜகவில் அடுத்தடுத்து விலகல்.... செம குஷியில் அண்ணாமலை! தமிழக அரசியலில் அதிரடி மாற்றம்!!!
பாஜகவில் இருந்து விலகுவதாக அமர்பிரசாத் ரெட்டி அறிவித்துள்ளார். அண்ணாமலைக்கு உரிய அங்கீகாரம் வழங்கப்படவில்லை என்றும், தனது அரசியல் பயணம் அவரது தலைமையிலேயே தொடரும் என்றும் தெரிவித்துள்ளார்.
by
தமிழக பாஜகவில் புதிய அரசியல் பரபரப்பை ஏற்படுத்தும் வகையில், அக்கட்சியின் முக்கிய நிர்வாகிகளில் ஒருவரான அமர்பிரசாத் ரெட்டி கட்சியில் இருந்து விலகுவதாக அறிவித்துள்ளார். அண்ணாமலைக்கு தேசிய தலைமையால் உரிய அங்கீகாரம் வழங்கப்படவில்லை என குற்றம்சாட்டிய அவர், தனது முடிவை வெளிப்படையாக தெரிவித்துள்ளார்.
இதுகுறித்து அவர் வெளியிட்டுள்ள கருத்தில், தமிழகத்தில் பாஜகவின் வாக்கு வங்கியை 3 சதவீதத்தில் இருந்து 12 சதவீதமாக உயர்த்தியவர் அண்ணாமலை என்று குறிப்பிட்டுள்ளார். ஆனால் கூட்டணி அரசியலுக்காக கட்சியின் தேசிய தலைமை அவரை முழுமையாக புறக்கணித்துவிட்டதாகவும் தெரிவித்துள்ளார்.
இதையும் படிங்க: அண்ணாமலையின் வருகையோ, விலகலோ பெரிய தாக்கத்தை ஏற்படுத்தாது! கட்சிக்கு லாபமும் இல்லை.. நஷ்டமும் இல்லை! தமிழிசையின் காரசாரமான பேச்சு..!!!!
அண்ணாமலைக்கு அங்கீகாரம் இல்லை?
முன்னாள் மாநிலத் தலைவர்களான தமிழிசை சௌந்தரராஜன் மற்றும் எல். முருகன் ஆகியோருக்கு முக்கிய பொறுப்புகளும் பதவிகளும் வழங்கப்பட்ட நிலையில், அண்ணாமலைக்கு அதே அளவிலான அங்கீகாரம் கிடைக்கவில்லை என்று அமர்பிரசாத் ரெட்டி கூறியுள்ளார்.
தமிழகத்தில் கட்சியின் வளர்ச்சிக்காக அண்ணாமலை மேற்கொண்ட பணிகள் தேசிய தலைமையால் முறையாக மதிக்கப்படவில்லை என்ற அதிருப்தியையும் அவர் வெளிப்படுத்தியுள்ளார்.
பாஜக மீது கடும் விமர்சனம்
தற்போதைய அரசியல் சூழலில் பாஜகவுக்கும் திமுகவுக்கும் இடையே எந்தவிதமான வித்தியாசமும் தெரியவில்லை என அமர்பிரசாத் ரெட்டி கடுமையாக விமர்சித்துள்ளார். கட்சியின் அணுகுமுறையும் முடிவுகளும் தொண்டர்களிடையே ஏமாற்றத்தை ஏற்படுத்தியுள்ளதாகவும் அவர் தெரிவித்துள்ளார்.
அண்ணாமலை தலைமையில் தொடரும் அரசியல் பயணம்
பாஜகவில் இருந்து விலகும் முடிவை எடுத்திருந்தாலும், அண்ணாமலையின் தனிப்பட்ட தலைமையின் மீது தனது நம்பிக்கை தொடர்வதாக அமர்பிரசாத் ரெட்டி கூறியுள்ளார். தனது அரசியல் பயணம் இனியும் அண்ணாமலையை ஆதரித்தே தொடரும் என்றும் அவர் திட்டவட்டமாக தெரிவித்துள்ளார்.
அமர்பிரசாத் ரெட்டியின் இந்த அறிவிப்பு, தமிழக பாஜக வட்டாரத்தில் புதிய விவாதங்களை ஏற்படுத்தியுள்ளதுடன், அடுத்தகட்ட அரசியல் நகர்வுகள் குறித்த எதிர்பார்ப்பையும் அதிகரித்துள்ளது.
இதையும் படிங்க: # சற்று முன் : பாஜகவிலிருந்து முன்னால் எம்.பி. நரசிம்மன் திடீர் ராஜினாமா..! அரசியலில் அடுத்த பரபரப்பு..!!!
