எடப்பாடிக்கு அடுத்த அதிர்ச்சி! சபாநாயகரிடம் எம்.எல்.ஏக்கள் செய்த அந்த ஒரு விஷயம்.. தமிழக அரசியலில் அதிரடி திருப்பம்..!!!
அதிமுக முன்னாள் எம்எல்ஏக்கள் ராஜினாமா, தவெக இணைவு, சபாநாயகரை சந்தித்த விவகாரம் மற்றும் குதிரை பேர குற்றச்சாட்டுகள் தமிழக அரசியலில் புதிய பரபரப்பை ஏற்படுத்தியுள்ளன.
by
தமிழக அரசியலில் எம்எல்ஏக்கள் ராஜினாமா மற்றும் கட்சி மாறுதல் விவகாரம் புதிய திருப்பத்தை ஏற்படுத்தியுள்ளது. அதிமுகவில் இருந்து விலகி TVK-வில் இணைந்த முன்னாள் எம்எல்ஏக்கள் சபாநாயகரை நேரில் சந்தித்துள்ள நிலையில், இரு தரப்பும் முன்வைத்து வரும் குற்றச்சாட்டுகள் அரசியல் களத்தில் பரபரப்பை அதிகரித்துள்ளன.
சபாநாயகரை சந்தித்த முன்னாள் எம்எல்ஏக்கள்
மதுராந்தகம், தாராபுரம் மற்றும் பெருந்துறை தொகுதிகளைச் சேர்ந்த முன்னாள் எம்எல்ஏக்களான தாராபுரம் சத்தியபாமா மற்றும் பெருந்துறை ஜெயக்குமார் இன்று காலை 11 மணியளவில் சட்டசபை சபாநாயகர் ஜே.சி.டி. பிரபாகரை சந்தித்தனர். தாங்கள் அளித்திருந்த ராஜினாமா கடிதங்கள் தொடர்பாக சபாநாயகர் எழுப்பிய கேள்விகளுக்கு இருவரும் கூடுதல் விளக்கங்களை வழங்கியதாக தகவல்கள் தெரிவிக்கின்றன.
இதையும் படிங்க: செந்தில் பாலாஜிக்கு அடுத்தடுத்து வரும் ஆஃபர்.! பாஜகவும் களத்தில் இறங்கிட்டு... மாநிலம் தலைவர் பதவியா? திமுகவுக்கு காத்திருக்கும் அதிர்ச்சி..!!!
முன்னதாக, அம்பாசமுத்திரம் தொகுதியைச் சேர்ந்த இசக்கி சுப்பையா அச்சிடப்பட்ட வடிவில் ராஜினாமா கடிதம் அளித்தபோது, அதை ஏற்க மறுத்த சபாநாயகர், கைப்பட எழுதப்பட்ட கடிதத்தை சமர்ப்பிக்குமாறு கேட்டிருந்ததும் குறிப்பிடத்தக்கது.
அதிமுக மீது முன்னாள் உறுப்பினர்கள் குற்றச்சாட்டு
அதிமுகவில் இருந்து விலகிய முன்னாள் எம்எல்ஏக்கள், எடப்பாடி பழனிசாமி மீது கடுமையான குற்றச்சாட்டுகளை முன்வைத்துள்ளனர். சட்டசபைத் தேர்தல் முடிவுகளுக்குப் பிறகு திமுகவுடன் இணைந்து ஆட்சி அமைக்கும் முயற்சி நடைபெற்றதாகக் கூறப்படும் தகவல்களே தங்களது விலகலுக்குக் காரணம் என அவர்கள் தெரிவித்துள்ளனர்.
மேலும், சி.விஜயபாஸ்கர் மற்றும் எம்.ஆர்.விஜயபாஸ்கர் ஆகியோரும் கட்சியில் இருந்து விலகியுள்ள நிலையில், எஸ்.பி.வேலுமணி, சி.வி.சண்முகம் உள்ளிட்ட மூத்த தலைவர்களின் அடுத்தகட்ட அரசியல் முடிவு குறித்தும் அரசியல் வட்டாரத்தில் எதிர்பார்ப்பு நிலவுகிறது.
Horse Trading குற்றச்சாட்டால் தீவிரமான அரசியல் மோதல்
மறுபுறம், தவெக அரசு எம்எல்ஏக்களை குதிரை பேரம் மூலம் தங்கள் பக்கம் இழுப்பதாக அதிமுக தொடர்ந்து குற்றம்சாட்டி வருகிறது. இதுதொடர்பாக திமுக, அதிமுக மற்றும் பாஜக ஆகிய கட்சிகள் இணைந்து ஆளுநர் ராஜேந்திர அர்லேகரை சந்தித்து புகார் மனு அளித்ததாகவும், அதுகுறித்து விசாரணை நடத்தப்படும் என உறுதியளிக்கப்பட்டதாகவும் தகவல்கள் வெளியாகியுள்ளன.
இதற்கிடையே, தவெக தரப்பும் பதிலடி குற்றச்சாட்டை முன்வைத்துள்ளது. தவெக எம்எல்ஏ இளையராஜாவை தங்கள் ஆதரவுக்கு கொண்டுவர திமுக தரப்பில் ரூ.35 கோடி வரை பேரம் பேசப்பட்டதாக சென்னை காவல் ஆணையரிடம் புகார் அளிக்கப்பட்டுள்ளது. இந்த வழக்கில் திமுக பிரமுகர்களான செந்தில் பாலாஜி மற்றும் அவரது தம்பி அசோக்குமாருக்கு சம்மன் அனுப்பப்பட்ட நிலையில், அவர்கள் முன்ஜாமீன் பெற்றுள்ளனர். மேலும், இந்த வழக்கில் இதுவரை 10-க்கும் மேற்பட்டோர் கைது செய்யப்பட்டுள்ளதாக கூறப்படுகிறது.
எம்எல்ஏக்களின் ராஜினாமா தொடர்பாக சபாநாயகர் எடுக்கும் முடிவும், ஆளுநர் மட்டத்தில் நடைபெறும் விசாரணையின் அடுத்தகட்ட முன்னேற்றங்களும் தமிழக அரசியலின் போக்கை தீர்மானிக்கக்கூடிய முக்கிய அம்சங்களாக பார்க்கப்படுகின்றன.
