மார்னிங் மகிழ்ச்சிசியில் எடப்பாடி! அதிமுகவுடன் கூட்டணி.. அதிகாரப்பூர்வமாக அறிவித்தார்! அரசியலில் புதிய திருப்பம்!

தமிழக அரசியலில் 2026 சட்டமன்ற தேர்தலை நோக்கி நகரும் சூழலில், கூட்டணி அரசியல் மீண்டும் சூடுபிடிக்க தொடங்கியுள்ளது. முக்கிய கட்சிகளின் வியூகங்கள் வெளிப்படத் தொடங்கிய நிலையில், புதிய கூட்டணி அறிவிப்புகள் அரசியல் வட்டாரங்களில் பரபரப்பை ஏற்படுத்தி வருகின்றன.

தீவிர தேர்தல் தயாரிப்பில் அதிமுக

2026 சட்டமன்ற தேர்தல் நெருங்கி வரும் நிலையில், அதிமுக கூட்டணி அரசியல் மீது முழு கவனம் செலுத்தி வருகிறது. பாஜகவுடன் கூட்டணி அமைத்து களமிறங்கும் முடிவால், ஆட்சியை கைப்பற்ற பல்வேறு தேர்தல் வியூகங்கள் வகுக்கப்பட்டுள்ளதாக கூறப்படுகிறது. கூட்டணி கட்சிகளுடன் தொடர்ச்சியான பேச்சுவார்த்தைகளும் நடைபெற்று வருகின்றன.

மாற்றுக் கட்சியினர் இணைப்பு முயற்சி

இதனுடன், மாற்றுக் கட்சியினரை தங்கள் அணியில் இணைக்கும் முயற்சியிலும் எதிர்க்கட்சித் தலைவர் எடப்பாடி பழனிசாமி தீவிரம் காட்டி வருகிறார். இந்த நடவடிக்கைகள் 2026 சட்டமன்ற தேர்தல் களத்தில் அதிமுகவின் நிலையை வலுப்படுத்தும் முயற்சியாக பார்க்கப்படுகிறது.

இதையும் படிங்க: செம குஷியில் எடப்பாடி! இரவோடு இரவாக அதிமுகவில் கூண்டோடு ஐக்கியமான 50 க்கும் மேற்பட்டோர்! சால்வை அணிவித்து அமர்க்கள படுத்திய EPS!

புதிய நீதி கட்சி உறுதி

இந்நிலையில், 2026 சட்டமன்ற தேர்தலில் அதிமுக கூட்டணியில் இடம் பெறுவதை புதிய நீதி கட்சியின் தலைவர் ஏசி சண்முகம் உறுதிப்படுத்தியுள்ளார். குறைந்தது ஆறு தொகுதிகளை கோரி பெற திட்டமிட்டுள்ளதாகவும் அவர் தெரிவித்துள்ளார். இது அதிமுக கூட்டணி அரசியலில் புதிய திருப்பமாக கருதப்படுகிறது.

வேலூரில் மீண்டும் களம் இறங்கும் திட்டம்

2024 நாடாளுமன்ற தேர்தலில் வேலூரில் தாமரை சின்னத்தில் போட்டியிட்டு தோல்வியடைந்த ஏசி சண்முகம், இந்த முறை வேலூர் மாவட்டத்தில் உள்ள ஏதேனும் ஒரு தொகுதியில் போட்டியிட திட்டமிட்டுள்ளதாக தகவல்கள் வெளியாகியுள்ளன.

கூட்டணி கணக்குகள், தொகுதி பங்கீடு மற்றும் வேட்பாளர் தேர்வு போன்ற அம்சங்கள் வரும் நாட்களில் மேலும் தெளிவாகும் என எதிர்பார்க்கப்படுகிறது. 2026 தேர்தலை முன்னிட்டு உருவாகும் இந்த அரசியல் நகர்வுகள், தமிழக அரசியலில் புதிய வியூகங்களை உருவாக்கும் முக்கிய கட்டமாக பார்க்கப்படுகிறது.

இதையும் படிங்க: அதிரடி அரசியல் காட்டும் விஜய்! ஜனவரியில் வெளியாக போகும் முக்கிய அறிவிப்பு! அதிரப்போகும் தமிழக அரசியல் களம்!