40 கட்சிகளை எதிர்த்து வெற்றி பெற்ற விஜய் இப்போ அமைதியா இருக்காருன்னு நினைக்காதீங்க..! இனிதான் இருக்கு ஆட்டமே.. மேடையில் போட்டுடைத்த அமைச்சர் ஆதவ் அர்ஜுனா..!!!

தமிழக வெற்றி கழக அரசு ஆட்சிப் பொறுப்பேற்று ஆறு மாதங்கள் நிறைவடைந்துள்ள நிலையில், அதன் செயல்பாடுகள் குறித்து அரசியல் களத்தில் விவாதம் எழுந்துள்ளது. நிர்வாகத்தில் பெரிய மாற்றங்கள் தெரியவில்லை என எதிர்க்கட்சிகள் விமர்சித்து வருகின்றன. இதற்குப் பதிலளித்துள்ள அமைச்சர் ஆதவ் அர்ஜுனா, அரசு மீது வைக்கப்படும் விமர்சனங்களைப் பொருட்படுத்தாமல் மக்கள் நலப் பணிகளில் கவனம் செலுத்தி வருவதாகத் தெரிவித்துள்ளார்.

எதிர்க்கட்சிகளின் ட்வீட் அரசியலை விமர்சித்த ஆதவ் அர்ஜுனா

சென்னையில் நடைபெற்ற நிகழ்ச்சி ஒன்றில் பேசிய ஆதவ் அர்ஜுனா, எதிர்க்கட்சிகள் சமூக வலைதளங்களில் கருத்துகளைப் பதிவிடுவதிலும், ஊடகங்களில் கவனம் பெறுவதிலுமே அதிக ஆர்வம் காட்டுவதாக விமர்சித்தார். உதயநிதி உள்ளிட்ட தலைவர்கள் வீட்டை விட்டு வெளியே வராமல் தினமும் ட்வீட் போட்டு அரசியல் நடத்துவதாகவும் அவர் குற்றம்சாட்டினார். இதுபோன்ற விமர்சனங்களுக்குப் பதிலளிப்பதிலேயே நேரத்தைச் செலவிட்டால், அரசின் பணிகளில் கவனம் செலுத்த முடியாது என்றும் கூறினார்.

இதையும் படிங்க: 2 தொகுதி இடைத்தேர்தலிலும்... தவெகவுக்கு போதைப்பொருள் விற்பனைப் பணம்தான் கைமாறியிருக்கு..! திமுக பரந்தாமன் போட்ட குண்டு..! பரபரப்பில் அரசியல் களம்..!!!

அமைதியாக இருக்கும் விஜய்; மாற்றத்துக்கான திட்டங்கள் தயார்

முதலமைச்சர் விஜய்யின் செயல்பாடுகள் குறித்துப் பேசிய அமைச்சர், பல ஆண்டுகளாகத் தொடர்ந்த பழைய நிர்வாக முறையை மாற்றுவது எளிதான காரியம் அல்ல என்றார். விஜய்யிடம் இருந்து தாம் பல விஷயங்களைக் கற்றுக்கொண்டதாகக் குறிப்பிட்ட அவர், அதிகம் பேசாமல் செயல்பாட்டின் மூலம் பதிலளிப்பதே அரசின் அணுகுமுறை எனத் தெரிவித்தார்.

முதலமைச்சர் அமைதியாக இருக்கிறார் என்பதற்காக அவர் செயல்படவில்லை என்று அர்த்தமில்லை. அடுத்தகட்ட நடவடிக்கைகளுக்கான திட்டங்களைத் தயாரித்து வருகிறார். கடந்த 50 ஆண்டுகளாகச் செய்யப்படாத அடிப்படை வசதிகள் மற்றும் மாற்றங்களைத் தவெக அரசு செய்து காட்டும் என்றும் ஆதவ் அர்ஜுனா நம்பிக்கை தெரிவித்தார்.

ஓராண்டுக்குள் நிர்வாகக் குறைகள் சரிசெய்யப்படும் என உறுதி

வில்லிவாக்கம் தொகுதியில் தன்னைத் தோற்கடிக்க ரூ.100 கோடி வரை செலவு செய்யப்பட்டதாகக் கூறிய ஆதவ் அர்ஜுனா, அதையும் மீறி மக்கள் தனக்கு 20,000 வாக்குகள் வித்தியாசத்தில் வெற்றியைத் தந்ததாகக் குறிப்பிட்டார். இதற்காக மக்களுக்கு நன்றி தெரிவித்த அவர், அரசு நிர்வாகத்தில் உள்ள சிறிய குறைகள் மற்றும் அமைப்பு சார்ந்த பிரச்சினைகள் அனைத்தும் இன்னும் ஓராண்டுக்குள் சரிசெய்யப்படும் என்றார்.

மேலும், 40 கட்சிகளை எதிர்கொண்டு வெற்றி பெற்ற முதலமைச்சர் விஜய்க்கு, அரசின் குறைகளை எப்படிச் சரிசெய்வது என்பது தெரியும் என்றும் கூறினார். எனவே, அரசின் செயல்பாடுகளைப் பொறுத்திருந்து பார்க்க வேண்டும் என எதிர்க்கட்சிகளின் விமர்சனங்களுக்குப் பதிலளித்தார்.

இதையும் படிங்க: தனுஷ்ஷின் அரசியல் என்ட்ரியால் தவெக அரசுக்கு சிக்கல்! பின்னணி மாஸ்டர் பிளான்... ராஜேந்திர பாலாஜி ஓபன் டாக்..!!!