உடலுக்கு பல நன்மைகளை அளிக்கும் தர்பூசணி பாயசம்.. வீட்டிலேயே செய்வது எப்படி?.!

உடலுக்கு பல நன்மைகளை அளிக்கும் தர்பூசணி பாயசம் எப்படி செய்வது என்பது பற்றியதுதான் இந்த செய்திக்குறிப்பு.

தேவையான பொருட்கள் :

பால் - 1/2 லிட்டர்
தர்பூசணி சாறு - 1/2 கப்
ஓட்ஸ் - 1/4 கப்
சர்க்கரை - தேவைக்கேற்ப
முந்திரி பருப்பு, பாதாம் - சிறிதளவு

செய்முறை :

★முதலில் ஓட்ஸை தண்ணீரில் ஊறவைத்து, மிக்ஸியில் மாவு போல அரைத்துக் கொள்ள வேண்டும்.

★பின் அடுப்பில் ஒரு பாத்திரத்தை வைத்து, பாலை நன்கு கொதிக்க வைத்து ஆறவிடவும்.

★அடுத்து ஒரு அகன்ற பாத்திரத்தில், 2 டம்ளர் தண்ணீர் ஊற்றி கொதிக்க வைக்க வேண்டும்.

★தொடர்ந்து ஓட்ஸ் மாவை சிறிதளவு தண்ணீரில் கரைத்து கொதிக்கும் நீரில் ஊற்றி கிளறி விட வேண்டும்.

★பின் ஓட்ஸ் வெந்ததும் சர்க்கரை சேர்த்து கிளறி, சிறிதளவு பால் ஊற்றி ஒரு கொதி வந்ததும் தர்பூசணி சாறு ஊற்றி இறக்கவும்.

★இறுதியாக பாதாம், முந்திரி பருப்பை நெய்யில் வறுத்து பாயாசத்துடன் சேர்த்து பரிமாறினால் சுவை அற்புதமாக இருக்கும்.