ரத்தசோகை, மலச்சிக்கல் பிரச்சனைக்கு குட் பை... வெண்டைக்காய் பக்கோடா செய்து அசத்துங்கள்.!
ரத்தசோகை, மலச்சிக்கல் பிரச்சனைக்கு குட் பை... வெண்டைக்காய் பக்கோடா செய்து அசத்துங்கள்.!
உடலுக்கு நன்மையளிக்கும் வெண்டைக்காய் பக்கோடா எவ்வாறு செய்வது என்பதை தற்போது காணலாம்.
வெண்டைக்காயில் வைட்டமின் சி, ஆன்டி-ஆக்ஸிடன்ட்கள் நிறைந்துள்ளன. மேலும், ரத்தசோகை, மலச்சிக்கல், புற்றுநோய், கொலஸ்ட்ரால், வயிற்றுப்புண், நீரிழிவு நோய் போன்றவற்றை சரி செய்வதற்கும் வெண்டைக்காய் சிறந்த மருந்தாக உள்ளது.
தேவையான பொருட்கள் :
எண்ணெய் - தேவைக்கேற்ப
கருவேப்பிலை - சிறிதளவு
பச்சை மிளகாய் - 5
பூண்டுப்பல் - 5
மிளகாய் தூள் - 1 தேக்கரண்டி
உப்பு - தேவைக்கேற்ப
முந்திரிபருப்பு - 10
மல்லித்தூள் -1 தேக்கரண்டி
சோள மாவு - 1 தேக்கரண்டி
மஞ்சள் தூள் - அரை தேக்கரண்டி
மைதா மாவு - 1 தேக்கரண்டி
கடலை மாவு -2 தேக்கரண்டி
அரிசி மாவு -2 தேக்கரண்டி
சீரகத்தூள் -அரை தேக்கரண்டி
கரம் மசாலா -அரை தேக்கரண்டி
செய்முறை :
★முதலில் வெண்டைக்காயை முழுவதுமாக சுத்தம் செய்து, சற்று பெரிய துண்டுகளாக வெட்டி எடுத்துக்கொள்ள வேண்டும்.
★அடுத்து முந்திரி பருப்பினை அரை மணிநேரம் நீரில் ஊற வைக்க வேண்டும்.
★பின் ஒரு அகலமான பாத்திரத்தில் மிளகாய்த்தூள், கரம்மசாலா, மஞ்சள்தூள், சீரகத்தூள், மஞ்சள்தூள் ,உப்பு போன்றவற்றை சேர்த்து அதில் சில துளிகள் நீரை சேர்த்து கலந்து எடுத்துக் கொள்ளவும்.
★மேலும், தட்டி எடுத்த பூண்டுப்பல் மற்றும் கருவேப்பிலை, இரண்டாக நறுக்கிய பச்சை மிளகாய், நீரில் ஊறவைத்து வடிகட்டிய முந்திரி ஆகியவற்றை கடலை மாவு, சோள மாவு, அரிசி மாவு, மைதா மாவுடன் சேர்த்து பிசைய வேண்டும்.
★மசாலா சீராக அனைத்திலும் கலக்கும் வரை மென்மையாக பிசைந்து, அதன் பின் நறுக்கிய வெண்டைக்காயை இதில் பிரட்டி எண்ணெயில் போட்டு, மிதமான சூட்டில் பொன்னிறமாக வறுத்து எடுத்தால் அருமையான வெண்டைக்காய் பக்கோடா சில நிமிடங்களில் தயாராகிவிடும்.
இதுபோன்ற இணையதளங்களை உருவாக்கிட, அல்லது உங்களுக்கு தேவையான இணையதளங்களை வடிவமைத்துத்தர எங்களை தொடர்புகொள்ளுங்கள்.
Need Softwares for your business? Please contact us / WhatsApp
+918438873362