BREAKING: ஷாக் நியூஷ்... நேற்று இரவு தமிழகத்தில் நிலநடுக்கம்...!!!

கிருஷ்ணகிரி மாவட்டம் பெட்டமுகிலாளம் மற்றும் அதன் சுற்றுவட்டாரப் பகுதிகளில் நேற்று இரவு திடீரென நில அதிர்வு ஏற்பட்டதால் பொதுமக்கள் அச்சமடைந்தனர். ரிக்டர் அளவுகோலில் 3.0 ஆகப் பதிவான இந்த அதிர்வை உணர்ந்த மக்கள் பாதுகாப்புக்காக உடனடியாக வீடுகளை விட்டு வெளியேறினர்.

7:52 மணியளவில் உணரப்பட்ட அதிர்வு

நேற்று இரவு சுமார் 7:52 மணியளவில் ஏற்பட்ட நில அதிர்வின்போது, சில வீடுகளில் பாத்திரங்கள் உருண்டதுடன் லேசான சத்தமும் கேட்டதாக அப்பகுதி மக்கள் தெரிவித்தனர். திடீரென ஏற்பட்ட இந்த அதிர்வால் பலர் வீதிகளில் திரண்டு நின்றனர். இருப்பினும், உயிரிழப்பு அல்லது பெரிய அளவிலான சேதம் எதுவும் பதிவாகவில்லை என்று தகவல்கள் தெரிவிக்கின்றன.

இதையும் படிங்க: தெய்வீக அதிசயமா? ஆற்றில் நீந்தி வந்த 7 தலை ராட்சத பாம்பு...! பீதியில் உறைந்த கிராம மக்கள்! வைரலாகும் அதிர்ச்சி வீடியோ !!

அச்சப்பட தேவையில்லை என விளக்கம்

இதுகுறித்து தேசிய பேரிடர் மேலாண்மை ஆணையம் வெளியிட்டுள்ள விளக்கத்தில், பூமியின் உள்அமைப்பில் இயற்கையாக ஏற்படும் சிறிய அழுத்த வெளியீட்டின் காரணமாகவே இந்த நில அதிர்வு ஏற்பட்டதாக தெரிவித்துள்ளது. இதுபோன்ற குறைந்த அளவிலான அதிர்வுகளால் பெரிய பாதிப்புகள் ஏற்படும் வாய்ப்பு மிகவும் குறைவு என்றும் குறிப்பிடப்பட்டுள்ளது.

வதந்திகளை நம்ப வேண்டாம்

பொதுமக்கள் தேவையற்ற அச்சத்தில் ஆழ வேண்டாம் என்றும், சமூக வலைத்தளங்களில் பரவும் உறுதிப்படுத்தப்படாத தகவல்களை நம்பாமல் அதிகாரப்பூர்வ அறிவிப்புகளை மட்டுமே பின்பற்ற வேண்டும் என்றும் தேசிய பேரிடர் மேலாண்மை ஆணையம் கேட்டுக்கொண்டுள்ளது.

இதையும் படிங்க: பறவைக்காய்ச்சல் எச்சரிக்கை: தமிழ்நாடு அரசு முக்கிய அறிவிப்பு.!