10 நிமிடத்தில் சுவையான வெங்காயம் முட்டை மசாலா.. வீட்டிலேயே செய்வது எப்படி?..!!
10 நிமிடத்தில் சுவையான வெங்காயம் முட்டை மசாலா.. வீட்டிலேயே செய்வது எப்படி?..!!
தோசை, நாண், சப்பாத்தி போன்றவற்றுக்கு தொட்டுக்கொள்ள ருசியான வெங்காயம் முட்டை மசாலா செய்வது எப்படி என்று காணலாம்.
தேவையான பொருட்கள் :
முட்டை வறுப்பதற்கு :
எண்ணெய் - தேவையான அளவு
உப்பு - தேவையான அளவு
மிளகாய் தூள், மஞ்சள் தூள் - அரை தேக்கரண்டி
வேகவைத்த முட்டை - பத்து
மசாலாவுக்கு :
வெங்காயம் - ஐந்து
பச்சை மிளகாய் - 5
இஞ்சி, பூண்டு விழுது - இரண்டு தேக்கரண்டி
மஞ்சள் தூள் - அரை தேக்கரண்டி
மிளகாய் தூள் - மூன்று தேக்கரண்டி
தனியாத்தூள் - 2 தேக்கரண்டி
கரம் மசாலா - அரை தேக்கரண்டி
சீரகத்தூள், மிளகுத்தூள் - ஒரு தேக்கரண்டி
உப்பு, எண்ணெய் - தேவையான அளவு
கொத்தமல்லி இலை - சிறிதளவு
செய்முறை :
★முதலில் எடுத்துக்கொண்ட வெங்காயம், பச்சை மிளகாய், கொத்தமல்லியை பொடிபொடியாக நறுக்கிகொள்ள வேண்டும். கடாயில் எண்ணெய் ஊற்றி சூடானபின்னர் உப்பு, மிளகாய்த்தூள், மஞ்சள் தூள் சேர்த்து கலந்துவைக்க வேண்டும்.
★அதில் வேகவைத்த முட்டை சேர்த்து மூன்று நிமிடம் வரை வறுத்து எடுத்துக் கொள்ளவேண்டும்.
★பின்னர் மற்றொரு கடாயில் எண்ணெய் ஊற்றி வெங்காயம், பச்சை மிளகாய் சேர்த்து பொன்னிறமாக வதக்கி, இஞ்சி, பூண்டு விழுதையும் பச்சை வாசனை போகும்வரை வதக்க வேண்டும்.
★இறுதியாக மஞ்சள்தூள், உப்பு, மிளகாய்தூள், தனியாதூள், சீரகத்தூள் ஆகியவற்றை சேர்த்து மிதமான தீயில் 5 நிமிடம் வேகவைத்த பின்னர் கரம்மசாலா மற்றும் மிளகுத்தூள் சேர்த்து முட்டைகளை கலந்து கொத்தமல்லி இலை தூவி இறக்கினால் வெங்காயம் முட்டை மசாலா தயார்.
இதுபோன்ற இணையதளங்களை உருவாக்கிட, அல்லது உங்களுக்கு தேவையான இணையதளங்களை வடிவமைத்துத்தர எங்களை தொடர்புகொள்ளுங்கள்.
Need Softwares for your business? Please contact us / WhatsApp
+918438873362