இப்படியா ஆகணும்? டியூசனுக்குச் சென்ற 12 வயது சிறுமிக்கு நேர்ந்த பயங்கரம்! கதறும் குடும்பத்தினர்..!!!

கேரள மாநிலம் வயநாடு மாவட்டம் மானந்தவாடியில், தம்பியுடன் டியூசனுக்குச் சென்ற 12 வயது சிறுமி கார் மோதி உயிரிழந்தார். எடவகை ரெண்டேனால் பகுதியில் சனிக்கிழமை மாலை இந்த விபத்து நடந்துள்ளது. சிறுமியின் 7 வயது தம்பி லேசான காயங்களுடன் உயிர் தப்பிய நிலையில், விபத்தை ஏற்படுத்திய கார் ஓட்டுநரை போலீசார் கைது செய்துள்ளனர்.

டியூசனுக்குச் சென்றபோது கார் மோதியது

மானந்தவாடியைச் சேர்ந்த ராஜேஷ் - ஸ்வப்னா தம்பதியின் மகள் திவா (12). இவர் தனது 7 வயது தம்பியுடன் சனிக்கிழமை மாலை டியூசனுக்காக நடந்து சென்றுகொண்டிருந்தார். எடவகை ரெண்டேனால் பகுதியில் இருவரும் சென்றபோது, அவ்வழியாக வேகமாக வந்த கார் ஓட்டுநரின் கட்டுப்பாட்டை இழந்து அவர்கள் மீது மோதியது.

இதையும் படிங்க: மீன்பிடிக்கச் சென்ற 12 வயது சிறுவன்! பின்னால் துரத்திய எமன்... நொடிப்பொழுத்தில் சிறுவனுக்கு நேர்ந்த பயங்கரம்! அதிர்ச்சி சம்பவம்..!!!

கார் மோதியதில் சிறுமி திவா தூக்கி வீசப்பட்டார். அவருடன் சென்ற தம்பி லேசான காயங்களுடன் உயிர் தப்பினார். இதைப் பார்த்த அப்பகுதி மக்கள் உடனடியாகச் சிறுமியை மீட்டு மருத்துவமனைக்குக் கொண்டு சென்றனர்.

மருத்துவமனைக்குச் செல்லும் வழியில் உயிரிழப்பு

பலத்த காயமடைந்த திவா, மருத்துவமனைக்குக் கொண்டு செல்லும் வழியிலேயே உயிரிழந்தார். டியூசனுக்குச் சென்ற சிறுமி சாலை விபத்தில் உயிரிழந்த செய்தி, அவரது குடும்பத்தினரையும் அப்பகுதி மக்களையும் சோகத்தில் ஆழ்த்தியுள்ளது.

கார் ஓட்டுநர் கைது; போலீசார் விசாரணை

விபத்து குறித்து வழக்குப் பதிவு செய்த மானந்தவாடி போலீசார் விசாரணை மேற்கொண்டனர். விபத்தை ஏற்படுத்திய காரை ஓட்டிச் சென்ற சஜி என்பவரைக் கைது செய்துள்ளனர். கார் கட்டுப்பாட்டை இழந்ததற்கான காரணம் உள்ளிட்ட விவரங்கள் குறித்து போலீசார் தொடர்ந்து விசாரித்து வருகின்றனர்.

இதையும் படிங்க: வயல்வெளியில் தொடர்ந்து ஒலித்த செல்போன் ரிங்..! சத்தத்தை கேட்டு அருகில் சென்று பார்த்த பெண்களுக்குக் காத்திருந்த பேரதிர்ச்சி... நடுங்க வைக்கும் சம்பவம்..!!!