நேற்று மாலை திடீரென மாயமான அரசு ஊழியர்! இன்று ஆற்றில் சடலமாக மீட்பு... பதறவைக்கும் சம்பவம்!!!

உத்தரகாண்ட் மாநிலம் பாகேஷ்வரில் நேற்று மாலை மாயமான அரசு மருத்துவமனை எழுத்தர், இன்று கோமதி ஆற்றில் சடலமாக மீட்கப்பட்டார். ரானிகேத் பகுதியைச் சேர்ந்த மோகித் மெஹ்ரா, பாகேஷ்வர் அரசு மருத்துவமனையில் பணியாற்றி வந்தார். அவரது மரணத்துக்கான காரணம் தெரியாத நிலையில், போலீசார் விசாரணையைத் தொடங்கியுள்ளனர்.

நேற்று மாலை திடீரென மாயமான எழுத்தர்

மோகித் மெஹ்ரா, பாகேஷ்வர் பகுதியில் உள்ள அடௌலி கிராமத்தில் வாடகைக்கு வீடு எடுத்து தங்கி வேலை செய்து வந்தார். இந்நிலையில், நேற்று மாலை அவர் திடீரென மாயமானார். அவரைப் பற்றிய தகவல் கிடைக்காததால், போலீசாரும் மீட்புக் குழுவினரும் தேடுதல் பணியில் ஈடுபட்டனர்.

இதையும் படிங்க: அடக்கடவுளே! கழுத்து வலிக்கு மசாஜ் செய்ய போன பெண்ணுக்கு நேர்ந்த விபரீதம்! கதறும் குடும்பத்தினர்... நெஞ்சை உலுக்கும் சோகம்..!!!

கோமதி ஆற்றில் மிதந்த சடலம் மீட்பு

இன்று கோமதி ஆற்றுப்படுகையில் மோகித்தின் உடல் மிதப்பதைக் கண்டவர்கள் அதிகாரிகளுக்குத் தகவல் தெரிவித்தனர். இதையடுத்து அங்கு சென்ற மீட்புக் குழுவினர் உடலை மீட்டனர். பின்னர், உடற்கூறாய்வு செய்வதற்காக அவரது உடல் அரசு மருத்துவமனைக்கு அனுப்பி வைக்கப்பட்டது.

மரணத்துக்கான காரணம் குறித்து விசாரணை

மோகித் ஆற்றில் தவறி விழுந்து உயிரிழந்தாரா அல்லது வேறு ஏதேனும் காரணம் உள்ளதா என்பது இன்னும் உறுதியாகவில்லை. உடற்கூறாய்வு அறிக்கை மற்றும் விசாரணையின் அடிப்படையில் அடுத்தகட்ட நடவடிக்கை எடுக்கப்படும் என எதிர்பார்க்கப்படுகிறது. சம்பவம் தொடர்பாக போலீசார் தொடர்ந்து விசாரித்து வருகின்றனர்.

இதையும் படிங்க: தனித்தனி மரங்களில் தொங்கிய காதலர்கள்..! பின்னணியில் இருக்கும் அதிர்ச்சி உண்மை..!!!